Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 22 వేల 771 మంది వైరస్​ సోకింది. మరో 442 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,48,315. ప్ర‌స్తుతం యాక్టీవ్ కేసులు 2,35,433. వ్యాధి బారి నుంచి కోలుకున్న‌వారు 3,94,227. క‌రోనాతో మొత్తం ప్రాణాలు విడిచినవారి సంఖ్య 18,655.
  • చెన్నై నగరంలో మరికొన్ని ఆంక్షల సడలింపు. ఉ. 6.00 నుంచి రాత్రి 9.00 వరకు హోటళ్లు (పార్సిల్ సర్వీసు మాత్రమే). రాత్రి 9.00 వరకు మాత్రమే హోం డెలివరీ ఉ. 6.00 నుంచి సా. 6.00 వరకు టీ స్టాళ్లకు అనుమతి. కిరాణా షాపులు, కూరగాయల దుకాణాలు ఉ. 6 నుంచి సా. 6 వరకు. మాల్స్ మినహా మిగతా దుకాణాలు ఉ. 10 నుంచి సా. 6 వరకు. సడలింపులు జులై 6 నుంచి అమలు.
  • విశాఖ: కేజీహెచ్ సూపరెంటెండెంట్ డాక్టర్ అర్జున. క్లినకల్ ట్రయల్స్ కు కేజీహెచ్ ను ఎంపిక చేసునట్టు ఐసీఎంఆర్ నుంచి మెయిల్ వచ్చింది. క్లినికల్ ట్రయల్స్ కోసం ప్రభుత్వ అనుమతి కోరాం. డ్రగ్ కంట్రోల్ జనరల్ ఆఫ్ ఇండియా - డీసీజీఐ క్లియరెన్స్ రావాల్సి ఉంది. ఎథిక్స్ కమిటీ విధివిధానాలు తరువాత కార్యకలాపాలు ప్రారంభిస్తాం. అన్ని క్లియరెన్స్ లు పూర్తయ్యేందుకు 3 రోజుల సమయం పట్టే అవకాశముంది. ఆ తరువాత కేజీహెచ్ లో క్లినికల్ ట్రయల్స్ ప్రారంభిస్తాం.
  • కరోనా భయాన్ని క్యాష్ చేసుకుంటున్న వ్యాపారులు.. ఐసోలేషన్ సెంటర్లుగా మారిన బ్యూటీ పార్లర్లు. నిబంధనలను తుంగలో తొక్కి కోవిడ్ రోగులకు గదులు అద్దెకు ఇస్తున్న వైనం. ఎలాంటి జాగ్రత్తలు లేకుండా పాజిటివ్ వచ్చిన వ్యక్తులకు గదులు అద్దెకు. జూబ్లీహిల్స్ రోడ్ నెంబర్ 5లోని colours బ్యూటీ స్టూడియోలో కరోనా పాజిటివ్ వ్యక్తులకు అశ్రయం. రోజుకు రూ.10వేల ఫీజు.. వసూలు..గుట్టు చప్పుడు కాకుండా అక్రమ దందా.
  • REC, ఫైనాన్స్ కార్పొరేషన్ ల నుంచి 12600 కోట్ల రూపాయలు అప్పు తీసుకునేందుకు రాష్ట్ర విద్యుత్ సంస్థలకు గ్యారెంటీ ఇచ్చిన తెలంగాణ రాష్ట్ర సర్కార్. అప్పుల్లో కూరుకుపోయిన డిస్కమ్ లకు ప్రభుత్వ అనుమతితో ఊరట.
  • టీవీ9 తో సిసిఎంబి డైరెక్టర్ రాకేష్ మిశ్రా. తెలంగాణలో వైరస్ సమూల మార్పుని చోటుచేసుకుంటున్నాయి . ఇప్పటి వరకు తెలంగాణలో సింటమ్స్ కనిపించే a3i (ఏత్రీఐ) వైరస్ ఉండేది. ఇప్పుడు ఎలాంటి లక్షణాలు కనిపించని a2a (ఏటుఏ) వైర్ 90శాతం విస్తరించింది. కరోనా మృత దేహాల నుంచి వైరస్ వ్యాప్తి విషయంలో ఆందోళన వద్దు. డెడ్ బాడీస్ నుంచి వచ్చే వైరస్ వ్యాప్తి చెందే అవకాశాలు చాలా తక్కువ. కరోనా వైరస్ ప్రభావం కేవలం ఊపిరితిత్తుల మీదేకాదు మిగిలిన అవయవాల పైనా ఉంది. చేస్తున్న టెస్టులకు పది రెట్లు అధికంగా చేయాల్సిన అవసరం ఉంది. ఆర్ టి పి సి ఆర్ టెస్ట్ ల విధానం సిసిఎంబీలో అభివ`ద్ధి చేశాం. ఆర్ టి పి సి ఆర్ టెస్ట్ ల పద్ధతి లో టెస్టింగ్ సమయంలో సగం ఆదా అవుతుంది. ఈ పద్దతిలో రోజుకి 500 టస్ట్లు చేసే చోట 1500 నుంచి 2000 వరకు చేయవచ్చు.
  • హైదరాబాద్ హిమాయత్ నగర్ లో కరోనా కలకలం. డైమండ్ వ్యాపారి పుట్టిన రోజు వేడుకల్లో వ్యాపించిన కరోనా. వేడుకల్లో పాల్గొన్న 20 మందికి కరోనా పాజిటివ్ . బర్త్ డే వేడుకల్లో పాల్గొన్న సుమారు 150 మంది వ్యాపారులు , రాజకీయ నాయకులు . ఫంక్షన్ లో పాల్గొన్న ఒకరు చనిపోవడంతో మరింత ఆందోళనలు . ఈ వేడుకల్లో పాల్గొన్న ఇద్దరు రాజకీయ నాయకులకు సైతం సోకిన కరోనా

ఆ రైలు విషాదానికి సరిగ్గా ఏడాది పూర్తి.. ఇప్పటికీ పరిహారం అందని బాధితులు

Train runs into crowd at Ravana burning in Amritsar one year back, ఆ రైలు విషాదానికి సరిగ్గా ఏడాది పూర్తి.. ఇప్పటికీ పరిహారం అందని బాధితులు

దసరా పండుగకు ఎన్నో ప్రత్యేకతలు ఉన్నాయి. విజయానికి గుర్తుగా జరుపుకునే ఈ పండగలో ఆయుధపూజతో పాటు రావణ దహనానికి ఎంతో ప్రాముఖ్యముంది. ముఖ్యంగా రావణ దహన కార్యక్రమం ఎంతో గొప్పగా నిర్వహిస్తుంటారు. పిల్లా పాపలతో సంతోషాంగా రావణ దహన వేడుకలకు హాజరవుతారు. ఎంతో ఆనందంగా కేరింతలతో సాగే ఈ కార్యక్రమాన్ని చూడాలని వెళ్లిన కొంతమందిని రైలు రూపంలో మృత్యువు కబళించిన ఘటనకు సరిగ్గా ఏడాది పూర్తయింది.

దసరా వేడుకల్లో భాగంగా గత ఏడాది అక్టోబర్ 19న పంజాబ్‌లోని అమృత్‌సర్‌లోని చౌరా బజార్, జోడా పాఠక్ క్రాసింగ్ వద్ద గత ఏడాది సరిగ్గా ఇదే రోజున రావణ దహన కార్యక్రమాన్ని ఏర్పాటు చేశారు. ఆ వేడుకకు మాజీ క్రికెటర్ నవజోత్ సిద్ధు భార్య నవజోత్ కౌర్ ముఖ్య అతిథిగా హాజరయ్యారు. రైలుపట్టాలకు అవతల ఏర్పాటు చేసిన ఈ కార్యక్రమాన్ని చూసేందుకు చిన్నారులతో సహా వందలాది మంది ఉత్సాహంగా తరలివచ్చారు. అయితే ఈ జనం రైలు పట్టాలపై నిలబడి చూస్తుండగా అటుగా వస్తున్న రైలు ఒక్కసారిగా వారిపై నుంచి దూసుకుపోయింది. అప్పటివరకు ఎంతో సంతోషంగా ఉన్నవారంతా క్షణాల్లో విగత జీవులుగా మిగిలారు. చిద్రమైన శరీరాలతో, గుర్తుపట్టలేని స్థితిలో కేవలం రక్తపు ముద్దలు మిగిలాయి. కొందరికి తీవ్ర గాయాలయ్యాయి. ప్రాణాలతో బయటపడ్డా.. అవయవాలు కోల్పోయి దివ్యాంగులుగా మరికొందరు మిగిలిపోయారు. ఇదంతా క్షణాల్లోనే జరిగిపోయింది. ఈ ఘోర దుర్ఘటనలో 60 మంది ప్రాణాలు కోల్పోగా, 70 మంది తీవ్రంగా గాయపడ్డారు.

ఈ విషాదకర ఘటన బాధిత కుటుంబాల కళ్లలో ఇంకా మెదులుతోంది. తమ జీవితంలో మర్చిపోలేనంత విషాదాన్ని నింపిన ఈ దుర్ఘటన తర్వాత బాధితులకు అందాల్సిన పరిహారం ఇప్పటికీ అందలేదు. ఇప్పటికీ ఎలాంటి న్యాయం జరగకపోవడంతో బాధితులు ఎన్నో బాధలు అనుభవిస్తున్నారు. తమకు ఇస్తానన్న నష్టపరిహారం తమకు ఇవ్వాలంటూ పంజాబ్ ముఖ్యమంత్రి అమరీందర్ సింగ్‌ను డిమాండ్ చేస్తున్నారు.

Train runs into crowd at Ravana burning in Amritsar one year back, ఆ రైలు విషాదానికి సరిగ్గా ఏడాది పూర్తి.. ఇప్పటికీ పరిహారం అందని బాధితులు

తమకు న్యాయం చేయాలంటూ బాధిత కుటుంబాలకు చెందినవారు మంగళవారం అమృత్ సర్ లో నిరసన ర్యాలీ చేపట్టారు. ఏడాది కాలంగా నష్టపరిహారం కోసం అధికారుల చుట్టూ తిరుగుతూనే ఉన్నామని .. తాము ఎంతో విసిగిపోయామని చెబుతున్నారు. ప్రభుత్వం స్పందించకపోతే తమ వాళ్లను కోల్పోయిన రైలు పట్టాల వద్దే తాము ఆందోళకు దిగుతామంటున్నారు.

 

 

Related Tags