‘ మహా ‘ ఎపిసోడ్.. ఎమ్మెల్యేలకూ తప్పని ట్రాఫిక్ కష్టాలు
మహారాష్ట్రలో ఈ ఉదయం 14 వ అసెంబ్లీ ప్రత్యేకంగా సమావేశమైన వేళ.. ఇద్దరు ఎమ్మెల్యేల్లో ఒకరికి ట్రాఫిక్ ఇబ్బందులు, మరొకరికి ‘ బోటు కష్టాలు ‘ తప్పలేదు. వారు ఆలస్యంగా రావడంతో సభలో ప్రమాణ స్వీకారం చేయలేకపోయారు. ఇతర సభ్యులంతా ప్రమాణం చేశాక.. ప్రొటెమ్ స్పీకర్ సభను వాయిదా వేసిన అనంతరం వాళ్లిద్దరూ ఉసూరుమంటూ స్పీకర్ ఛాంబర్ వద్దకు చేరుకోగలిగారు. వారిచేత తాత్కాలిక స్పీకర్ తన ఛాంబర్ లో ప్రమాణం చేయించారు… వీరి అవస్థలు ఎలా ఉన్నాయంటే.. […]
మహారాష్ట్రలో ఈ ఉదయం 14 వ అసెంబ్లీ ప్రత్యేకంగా సమావేశమైన వేళ.. ఇద్దరు ఎమ్మెల్యేల్లో ఒకరికి ట్రాఫిక్ ఇబ్బందులు, మరొకరికి ‘ బోటు కష్టాలు ‘ తప్పలేదు. వారు ఆలస్యంగా రావడంతో సభలో ప్రమాణ స్వీకారం చేయలేకపోయారు. ఇతర సభ్యులంతా ప్రమాణం చేశాక.. ప్రొటెమ్ స్పీకర్ సభను వాయిదా వేసిన అనంతరం వాళ్లిద్దరూ ఉసూరుమంటూ స్పీకర్ ఛాంబర్ వద్దకు చేరుకోగలిగారు. వారిచేత తాత్కాలిక స్పీకర్ తన ఛాంబర్ లో ప్రమాణం చేయించారు… వీరి అవస్థలు ఎలా ఉన్నాయంటే.. ఇండిపెండెంట్ సభ్యుడు మహేష్ బాల్దీది ఒకరకమైన కష్టమైతే..ఎఐఎంఐఎం ఎమ్మెల్యే మహమ్మద్ ఇస్మాయిల్ ది మరోరకమైన సమస్య. తాను ట్రాఫిక్ లో చిక్కుకున్న కారణంగా త్వరగా రాలేకపోయానని ఇస్మాయిల్ చెప్పారు. ఇక రాయ్ గడ్ జిల్లా ఉరాన్ నియోజకవర్గం ఎమ్మెల్యే మహేష్ బాల్దీ.. అలీబాగ్ నుంచి నాటు పడవలో ప్రయాణించారట. మధ్యలో అది మొరాయించి ఆగిపోయిందని, అందువల్లే ఆలస్యమైందని ఆయన తెలిపారు. సుధీర్ ముంగంటివార్ (బీజేపీ), దేవేంద్ర భూయార్ (స్వాభిమాన్ పక్ష్) అనే మరో ఇద్దరు సభ్యులు కూడా ప్రమాణ స్వీకార కార్యక్రమానికి హాజరు కాలేదని అసెంబ్లీ వర్గాలు వెల్లడించాయి. మరోవైపు….. స్పీకర్ ఎన్నిక ఈ నెల 30 న జరగవచ్చునని కాంగ్రెస్ వర్గాలు తెలిపాయి.
