Breaking News
  • సినీ నటుడు నర్సింగ్‌ యాదవ్‌కు తీవ్ర అస్వస్థత. సోమాజిగూడ యశోధ ఆస్పత్రిలో చికిత్స. కొంతకాలంగా కిడ్నీ సంబంధ వ్యాధితో బాధపడుతున్న నర్సింగ్‌ యాదవ్‌.
  • తెలంగాణలో ఇవాళ కొత్తగా 18 కరోనా పాజిటివ్ కేసులు నమోదు. తెలంగాణ లో ఇప్పటి వరకు 471కరోనా పాజిటివ్ కేసులు . ఇప్పటి వరకు మొత్తం 12 మంది మృతి చెందారు. పాజిటివ్ కేసుల నుంచి 45 మందికోలుకుని..డిశ్చార్జి అయ్యారు. ప్రస్తుతం రాష్ట్రంలో 412 యాక్టీవ్ పాజిటివ్ కేసులు ఉన్నాయి.
  • ఈ రోజుతో మార్కస్ కు వెళ్లిన వారితో పాటు 665 టెస్టులు చేస్తే 18 మాత్రమే . 385 మంది మార్కస్ కాంటాక్ట్స్. 45 మంది డిశ్చార్జ్. మొత్తం 414 మంది ట్రీట్మెంట్స్ పొందుతున్నారు. తెలంగాణలో 1ఒక్కరు మాత్రమే వెంటిలేటర్ పై ఉన్నారు. 22 కళ్ళ అందరూ డిశ్చార్జ్ అవుతారు.
  • లాక్‌డౌన్‌తో చుక్కేసుకుంటే కానీ చక్కగా ఉండలేని మందుబాబులకు చుక్కలు కనిపిస్తున్నాయి.. బ్లాక్‌లో వేలకు వేలు పోసి లిక్కర్‌ బాటిళ్లు కొనుక్కుంటున్నారు. అంత డబ్బు పెట్టలేని సామాన్యులు మాత్రం పిచ్చేక్కిపోతున్నారు. ఎప్పుడెప్పుడు వైన్‌షాపులు తెరచుకుంటాయా అని ఎదురుచూస్తున్నారు.
  • నిజామాబాద్‌లో కరోనా విజృంభిస్తోంది. రోజురోజుకూ కరోనా పాజిటివ్ కేసుల సంఖ్య పెరిగిపోతున్నది. తాజాగా మరో ఎనిమిది కేసులు నమోదు అయ్యాయి. దీంతో అప్రమత్తమైన జిల్లా యంత్రాంగం.

ఫ్రిజ్‌లో ఇవి పెడితే.. విషంగా మారతాయి.. అవేంటంటే?

These foods Never Keep In The Refrigerator, ఫ్రిజ్‌లో ఇవి పెడితే.. విషంగా మారతాయి.. అవేంటంటే?

మిగతా కాలాలతో పోలిస్తే.. ఎండాకాలంలో ఉండే అధిక వేడి తీవ్రత వల్ల ఆహార పదార్ధాలు త్వరగా పాడైపోతుంటాయి. ఇందువల్ల వీలైనంత వరకు కూరగాయలను, తినే ఆహార పదార్ధాలను ఫ్రిజ్‌లో భద్రపరుస్తుంటాం. ఒక్క ఇవే కాదు.. మనం వండిన వంటలను సైతం పాడైపోకుండా ఉండేందుకు ఫ్రిజ్‌లో పెడుతుండటం ఆనవాయితీగా మారింది. అయితే ఇలా ఆహార పదార్ధాలను ఫ్రిజ్‌లో పెట్టడం ఎంతవరకు కరెక్ట్ అని మీరు ఎప్పుడైనా ఆలోచించారా.? ఇక ఫ్రిజ్‌లో ఏయే పదార్ధాలను ఉంచాలి.. ఎలాంటి వాటిని ఉంచకూడదు.? ఒకవేళ ఉంచితే వాటితో వచ్చే నష్టాలేంటి అన్న ప్రశ్నలకు న్యూట్రిషనిస్టులు సమాధానాలు ఇచ్చారు.

1.బంగాళదుంప:

బంగాళదుంపలను ఫ్రిజ్‌లో ఉంచినప్పుడు.. వాటిపై తొక్కలోని తేమ ఆవిరై గట్టి పడిపోతుంది. దీని వల్ల వాటిని ముక్కలుగా తరిగేటప్పుడు ఇబ్బందులు ఎదురవుతాయి. అంతేకాకుండా లోపల ఉండే పిండి పదార్ధం తేమను పూర్తిగా కోల్పోతుంది. ఫలితంగా వీటితో చేసే పదార్ధాలన్నీ చప్పగా, రుచి పచి లేకుండా ఉండటమే కాకుండా ఉడికించడానికి, వేయించడానికి చాలా సమయం తీసుకుంటాయి.

2.టమాటా:

టమాటాలను ముఖ్యంగా ఫ్రిజ్‌లో ఉంచరాదు. ఎందుకంటే.. వాటి మీద ఉండే పలచటి పొర ముడతలు పడిపోయి.. అందులోని విటమిన్ సీ తగ్గిపోయే ప్రమాదం ఉంది.  దానితో టమాటాలతో చేసే అన్ని ఆహార పదార్ధాల రుచులు గణనీయంగా తగ్గిపోతాయి. కాబట్టి టమాటాలను ఫ్రిజ్‌లో కాకుండా గదిలో నిల్వ ఉంచాలని న్యూట్రిషనిస్టులు అంటున్నారు.

3.ఉల్లిపాయలు:

టమాటాల మాదిరిగానే ఉల్లిపాయలను కూడా ఫ్రిజ్‌కు దూరంగా ఉంచాలి. ఎందుకంటే వాటిలోని అధిక నీటి శాతం ఫ్రిజ్ చల్లదనానికి ఐస్‌లా మారి పొరలను బాగా దగ్గరకు చేరుస్తుంది. ఇందువల్ల వాటిని వాడే సమయంలో పొరలుగా విడదీయడం బాగా కష్టమవుతుంది. ఇలానే వెల్లులిపాయలను కూడా ఫ్రిజ్‌లో ఉంచరాదు.

4.చిల్లీ హాట్ సాస్:

చిల్లీ హాట్ సాస్ బాటిల్స్‌ను ఫ్రిజ్‌లో ఉంచకూడదు. ఒకవేళ బాటిల్స్‌ను ప్లాస్టిక్ కవర్లలో చుట్టి ఫ్రిజ్‌లో పెట్టాలనుకున్నా.. సాస్ నిల్వ ఉంచడానికి వాడిన ప్రిజర్వేటివ్‌లో రసాయన చర్య సంభవించి ఫంగస్ ఏర్పడుతుంది.

5.పుచ్చకాయ:

పుచ్చకాయలను గానీ.. కోసిన ముక్కలను గానీ ఫ్రిజ్‌లో పెట్టకూడదు. అలా చేస్తే వాటిలో ఉండే యాంటీ ఆక్సిడెంట్లన్నీ తగ్గిపోతాయి. ఇందువల్ల తియ్యగా ఉండాల్సిన పుచ్చకాయ.. టేస్ట్ మారి చప్పగా తయారవుతుంది.

6.మునగకాడ:

మునక్కాడలను పొరపాటున కూడా ఫ్రిజ్‌లో ఉంచకండి. ఒకవేళ అవి ఉంచితే కొయ్య ముక్కలా తయారవడం ఖాయం. అందుకే వీటిని సాధారణ గది ఉష్ణోగ్రతలోనే నిల్వ చేయడం ఉత్తమం. ఇలాగే తేనే, బ్రెడ్ వంటి ఆహారపదార్ధాలను కూడా ఫ్రిజ్‌లో ఉంచరాదు.

ఫ్రిజ్‌లో ఉంచాల్సిన వస్తువులు…

క్రీమ్ బిస్కెట్లు, చాకోలెట్స్, కంటి, చెవి డ్రాప్స్, రకరకాల పండ్లు, ఆకు కూరలు, కొబ్బరి చిప్పలు(ఎండినవి కావు), పాలు, పెరుగు, కొబ్బరి నీళ్లు లాంటివి పెట్టుకోవచ్చు.

Related Tags