‘హమ్మయ్య ! మా క్వారంటైన్ ముగిసింది.. హ్యాపీ’! హాలీవుడ్ కపుల్

కరోనా బారిన పడిన హాలీవుడ్ కపుల్ టామ్ హాంక్స్, రీటా విల్సన్ ఈ మహమ్మారి నుంచి పూర్తిగా కోలుకున్నారు.  తన సినిమా ‘ఎల్విస్ ప్రెస్లీ’ షూటింగ్ కోసం మార్చి 11 న ఆస్ట్రేలియాకి వచ్చిన హాలీవుడ్ నటుడు టామ్ హాంక్స్ కి మొదట కరోనా వైరస్ సోకింది. ఆ తరువాత ఆయన భార్య రీటా విల్సన్ కూడా ఇదే రుగ్మత బారిన పడ్డారు. అయితే వెంటనే ఇద్దరూ సెల్ఫ్ ఐసోలేషన్ కి వెళ్లారు. వీరు ఎప్పటికప్పుడు తమ ఆరోగ్య పరిస్థితిని తమ ఫ్యాన్స్ కి సోషల్ మీడియాలా ద్వారా తెలియజేస్తూ వచ్చారు. కఠిన ఆహార నియమాలు పాటించి కరోనాకు గుడ్ బై చెప్పారు. ఓ ప్రైవేట్ జెట్ విమానంలో ఆస్ట్రేలియా నుంచి శుక్రవారం అమెరికాకు బయల్దేరి వెళ్లారు. లాస్ ఏంజిలిస్ చేరుకున్న ఈ కపుల్ చిరునవ్వులతో  తమ కారులో కనబడి…. తమ ఆరోగ్యంకోసం ప్రార్థించినవారికందరికి కృతజ్ఞతలు తెలిపారు.  టామ్ హాంక్స్ చివరిసారి ఈ నెల 23 న ట్వీట్ చేస్తూ.. రెండు వారాల తరువాత మేమెంతో బెటర్ గా ఫీలవుతున్నాం అని పేర్కొన్నారు. అటు రీటా విల్సన్.. నాలుగు నిముషాల వీడియోను పోస్ట్ చేస్తూ.. ‘క్వారంటైన్ స్టర్ క్రేజీ.. సీ ఇట్ టు బిలీవ్ ఇట్’ అని వ్యాఖ్యానించారు.