Breaking News
  • భద్రాద్రి: పాల్వంచ, బూర్గంపాడు మండలాల్లో భూప్రకంపనలు. టీచర్స్‌కాలనీ, బొడ్డుగూడెం, గట్టాయిగూడెం కాలనీల్లో భూప్రకంపనలు. అంజనాపురం, లక్ష్మీపురం, టేకులచెరువులో భూప్రకంపనలు. భయాందోళనలో స్థానికులు.
  • హైదరాబాద్‌: నగరంలో మంత్రి తలసాని పర్యటన. నిర్విరామంగా విధులు నిర్వహిస్తున్న పారిశుద్ధ్య కార్మికులు.. పోలీసులు, వైద్య సిబ్బందికి గులాబీ పూలు ఇచ్చి అభినందించిన తలసాని. ఎనర్జీ డ్రింక్‌, మంచినీళ్లు, శానిటైజర్లు అందజేసిన మంత్రి తలసాని. రోడ్లపైనే విధులు నిర్వహిస్తున్న సిబ్బందిని కలుసుకుంటూ.. హైదరాబాద్‌లో పర్యటిస్తున్న మంత్రి తలసాని శ్రీనివాస్‌ యాదవ్‌.
  • కరోనా వైరస్‌ను ఏపీ ప్రభుత్వం లైట్‌గా తీసుకుంటుంది. విపత్తు సాయం, నిత్యావసర సరుకుల పంపిణీని.. రాజకీయ ప్రచారం కోసం వాడుకుంటున్నారు-విష్ణువర్ధన్‌రెడ్డి. వైసీపీ నేతలకు సహకరిస్తున్న అధికారులను తొలగించాలి. ఏపీలో కరోనా కేసులు పెరగడానికి కారణం అంజాద్‌బాషా, ముస్తాఫానే. తక్షణమే అంజాద్‌బాషా తన పదవికి రాజీనామా చేయాలి -ఏపీ బీజేపీ ఉపాధ్యక్షుడు విష్ణువర్ధన్‌రెడ్డి.c
  • కరోనాపై మనమంతా కలిసికట్టుగా పోరాటాన్ని కొనసాగిద్దాం. రా.9 గంటలకు దీపాలు వెలిగించి కరోనా చీకట్లను పారద్రోలడంతో పాటు.. భారతీయులమంతా ఏకతాటిపైకి వచ్చి పోరాటం చేస్తున్నామని చాటిచెబుదాం. ఈ ప్రయత్నం ద్వారా కరోనాపై పోరాటాన్ని ముందుండి నడిపిస్తున్న.. వైద్యులు, పారిశుద్ధ్య సిబ్బందికి సంఘీభావాన్ని తెలుపుదాం. వ్యక్తిగత శుభ్రత, సామాజిక దూరాన్ని పాటిస్తూ.. కరోనాపై పోరాటాన్ని ఇదే స్ఫూర్తితో కొనసాగిద్దాం -ట్విట్టర్‌లో ఉపరాష్ట్రపతి వెంకయ్యనాయుడు.
  • రైతు చెంతకే వెళ్లి ధాన్యాన్ని కొనుగోలు చేస్తాం-కన్నబాబు. గ్రామ సచివాలయ వాలంటీర్లకు సమాచారం ఇస్తే.. ధాన్యం, మొక్కజొన్న కొనుగోలు చేస్తాం-మంత్రి కన్నబాబు. టమోటా, అరటిని మార్కెటింగ్‌ ద్వారా కొనుగోలు చేస్తున్నాం. ధర పడిపోయిన చోట్ల ప్రభుత్వమే కొనుగోలు చేయాలని సీఎం ఆదేశించారు. మామిడి ధరలు పడిపోకుండా చూడాలని అధికారులను ఆదేశించాం. పంట దిగుబడుల క్యాలెండర్‌ను రూపొందిస్తున్నాం-మంత్రి కన్నబాబు. టీడీపీ నేతలు కరోనాను కూడా రాజయకీయంగా వాడుకుంటున్నారు. ఇప్పటికైనా చౌకబారు విమర్శలు మానుకోండి-మంత్రి కన్నబాబు.

అయితే ఒలింపిక్స్‌ మేం నిర్వహిస్తాం.. లండన్‌ మేయర్‌ అభ్యర్థి ప్రకటన..!

Tokyo governor criticizes suggestion that London could host 2020 Olympics, అయితే ఒలింపిక్స్‌ మేం నిర్వహిస్తాం.. లండన్‌ మేయర్‌ అభ్యర్థి ప్రకటన..!

కోవిడ్‌-19 (కరోనా వైరస్) రోజురోజుకీ విజృంభిస్తోంది. చైనాలో పుట్టిన ఈ వైరస్ ఇప్పుడు ప్రపంచ దేశాలను గజగజలాడిస్తోంది.. చైనాలో ఇప్పటికే క్రీడా కార్యక్రమాలు రద్దు కాగా ఒలింపిక్స్‌కు సిద్ధమయ్యే వారిపై కూడా ఆంక్షలు విధించింది. ఈ సమయంలో టోక్యోలో జులై 24న జరగబోయే ఒలింపిక్స్‌ నిర్వహణపై కూడా భిన్న వాదనలు మొదలయ్యాయి. ఇటీవల జపాన్‌లోని యెకోహమా తీరంలో నిలిపి ఉంచిన నౌకలో దాదాపు 500మందికి కరోనా వైరస్‌ సోకినట్లు నిర్ధారించగా.. ఇద్దరు మరణించిన విషయం తెలిసిందే. దీంతో జపాన్‌లో జరగబోయే ఒలింపిక్స్‌ నిర్వహణపై ఆందోళన వ్యక్తం అవుతోంది.

కొవిడ్‌-19 విజృంభణ కారణంగా చైనీయులను తమ దేశాల్లోకి రానివ్వకుండా ఇప్పటికే పలు దేశాలు నిర్ణయం తీసుకున్నాయి. తాజాగా టోక్యోలో జరగాల్సిన ఒలింపిక్స్‌ వేదిక మార్చాల్సి వస్తే నిర్వహించేందుకు సిద్ధమని లండన్‌ మేయర్‌ పదవికి పోటీపడుతున్న కన్జర్వేటివ్‌ అభ్యర్థి షౌన్‌ బైయిలీ ప్రకటించడం విమర్శలు గుప్పిస్తోంది. 2012తో పోలిస్తే ఇప్పుడు క్రీడలు నిర్వహించడానికి కావాల్సిన సౌకర్యాలు మరింత మెరుగుపడ్డాయని.. వేదిక మార్చాల్సి వస్తే లండన్‌ను వేదికగా పరిగణించాలని ఒలింపిక్ కమిటీని విన్నవించాడు.

మరోవైపు, తాను మేయర్‌గా ఎన్నికైతే ఒలింపిక్స్‌ నిర్వహణకు అన్ని చర్యలు తీసుకుంటామని ప్రకటించాడు. దీంతో లండన్‌తో పాటు జపాన్‌లో విమర్శలు వ్యక్తమయ్యాయి. మే7న జరగనున్న లండన్‌ మేయర్‌ ఎన్నిక నేపథ్యంలోనే బైయిలీ ఈ ప్రకటన చేశారని విమర్శిస్తున్నారు. లండన్‌ అధికారులు కూడా ఈ ప్రకటనను కొట్టిపడేయగా..దీనిపై స్పందించిన టోక్యో గవర్నర్‌ ఇది అతనికి అనవసర విషయమని విమర్శించాడు.

Related Tags