Today Gold Rates: గోల్డ్ ప్రియులకు బ్యాడ్ న్యూస్.. బంగారం ధరలకు మళ్లీ రెక్కలు.. ఈసారి ఎంత పెరిగిందంటే…
బంగారం ధరలు మళ్లీ పెరిగాయి. బులియన్ మార్కెట్‌లో బంగారం ధరలు స్థిరంగా పెరుగుతుండటంతో ఆ ప్రభావం మన దేశంపైనా పడింది. దీంతో వరుసగా మరోసారి..
గోల్డ్ ప్రియులకు చేదు వార్త. పసిడి ధరలు పైపైకి వెళ్తున్నాయి. తాజాగా బంగారం ధరలు మళ్లీ జంప్ అయ్యాయి. బులియన్ మార్కెట్‌లో బంగారం ధరలు స్థిరంగా పెరుగుతుండటంతో ఆ ప్రభావం మన దేశంపైనా పడింది. దీంతో వరుసగా మరోసారి పసిడి ధరలు జంప్ అయ్యాయి. ముఖ్యంగా తెలుగు రాష్ట్రాల్లో 24 క్యారెట్ల స్వచ్ఛమైన బంగారంపై రూ.200 మేర పెరిగింది. దీంతో 10 గ్రాముల మెలిమి బంగారం ధర రూ. 50,600 లకు చేరింది. ఇదే సమయంలో 22 క్యారెట్ల 10 గ్రాముల బంగారంపై కూడా అంతే మొత్తంలో పెరిగింది. దీంతో 22 క్యారెట్ల బంగారం 10 గ్రాముల ధర రూ.46,400 అయ్యింది.
ఇక దేశ రాజధాని ఢిల్లీలోనూ బంగారం ధరలు మరోసారి పుంజుకున్నాయి. 10 గ్రాముల స్వచ్ఛమైన బంగారం ధర రూ.210 పెరిగి.. రూ. 52,960కి చేరింది. అలాగే 22 క్యారెట్ల 10 గ్రాముల బంగారంపై రూ.410 పెరగడంతో దాని ధర రూ.48,760కి పెరిగింది. శుభకార్యాల సీజన్ కావడంతో బంగారానికి డిమాండ్ పెరుగుతోంది. దీంతో బంగారం ధరలు మరింత పెరిగే అవకాశం ఉందని నిపుణులు చెబుతున్నారు.
Also read:
