Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 22 వేల 771 మంది వైరస్​ సోకింది. మరో 442 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,48,315. ప్ర‌స్తుతం యాక్టీవ్ కేసులు 2,35,433. వ్యాధి బారి నుంచి కోలుకున్న‌వారు 3,94,227. క‌రోనాతో మొత్తం ప్రాణాలు విడిచినవారి సంఖ్య 18,655.
  • చెన్నై నగరంలో మరికొన్ని ఆంక్షల సడలింపు. ఉ. 6.00 నుంచి రాత్రి 9.00 వరకు హోటళ్లు (పార్సిల్ సర్వీసు మాత్రమే). రాత్రి 9.00 వరకు మాత్రమే హోం డెలివరీ ఉ. 6.00 నుంచి సా. 6.00 వరకు టీ స్టాళ్లకు అనుమతి. కిరాణా షాపులు, కూరగాయల దుకాణాలు ఉ. 6 నుంచి సా. 6 వరకు. మాల్స్ మినహా మిగతా దుకాణాలు ఉ. 10 నుంచి సా. 6 వరకు. సడలింపులు జులై 6 నుంచి అమలు.
  • విశాఖ: కేజీహెచ్ సూపరెంటెండెంట్ డాక్టర్ అర్జున. క్లినకల్ ట్రయల్స్ కు కేజీహెచ్ ను ఎంపిక చేసునట్టు ఐసీఎంఆర్ నుంచి మెయిల్ వచ్చింది. క్లినికల్ ట్రయల్స్ కోసం ప్రభుత్వ అనుమతి కోరాం. డ్రగ్ కంట్రోల్ జనరల్ ఆఫ్ ఇండియా - డీసీజీఐ క్లియరెన్స్ రావాల్సి ఉంది. ఎథిక్స్ కమిటీ విధివిధానాలు తరువాత కార్యకలాపాలు ప్రారంభిస్తాం. అన్ని క్లియరెన్స్ లు పూర్తయ్యేందుకు 3 రోజుల సమయం పట్టే అవకాశముంది. ఆ తరువాత కేజీహెచ్ లో క్లినికల్ ట్రయల్స్ ప్రారంభిస్తాం.
  • కరోనా భయాన్ని క్యాష్ చేసుకుంటున్న వ్యాపారులు.. ఐసోలేషన్ సెంటర్లుగా మారిన బ్యూటీ పార్లర్లు. నిబంధనలను తుంగలో తొక్కి కోవిడ్ రోగులకు గదులు అద్దెకు ఇస్తున్న వైనం. ఎలాంటి జాగ్రత్తలు లేకుండా పాజిటివ్ వచ్చిన వ్యక్తులకు గదులు అద్దెకు. జూబ్లీహిల్స్ రోడ్ నెంబర్ 5లోని colours బ్యూటీ స్టూడియోలో కరోనా పాజిటివ్ వ్యక్తులకు అశ్రయం. రోజుకు రూ.10వేల ఫీజు.. వసూలు..గుట్టు చప్పుడు కాకుండా అక్రమ దందా.
  • REC, ఫైనాన్స్ కార్పొరేషన్ ల నుంచి 12600 కోట్ల రూపాయలు అప్పు తీసుకునేందుకు రాష్ట్ర విద్యుత్ సంస్థలకు గ్యారెంటీ ఇచ్చిన తెలంగాణ రాష్ట్ర సర్కార్. అప్పుల్లో కూరుకుపోయిన డిస్కమ్ లకు ప్రభుత్వ అనుమతితో ఊరట.
  • టీవీ9 తో సిసిఎంబి డైరెక్టర్ రాకేష్ మిశ్రా. తెలంగాణలో వైరస్ సమూల మార్పుని చోటుచేసుకుంటున్నాయి . ఇప్పటి వరకు తెలంగాణలో సింటమ్స్ కనిపించే a3i (ఏత్రీఐ) వైరస్ ఉండేది. ఇప్పుడు ఎలాంటి లక్షణాలు కనిపించని a2a (ఏటుఏ) వైర్ 90శాతం విస్తరించింది. కరోనా మృత దేహాల నుంచి వైరస్ వ్యాప్తి విషయంలో ఆందోళన వద్దు. డెడ్ బాడీస్ నుంచి వచ్చే వైరస్ వ్యాప్తి చెందే అవకాశాలు చాలా తక్కువ. కరోనా వైరస్ ప్రభావం కేవలం ఊపిరితిత్తుల మీదేకాదు మిగిలిన అవయవాల పైనా ఉంది. చేస్తున్న టెస్టులకు పది రెట్లు అధికంగా చేయాల్సిన అవసరం ఉంది. ఆర్ టి పి సి ఆర్ టెస్ట్ ల విధానం సిసిఎంబీలో అభివ`ద్ధి చేశాం. ఆర్ టి పి సి ఆర్ టెస్ట్ ల పద్ధతి లో టెస్టింగ్ సమయంలో సగం ఆదా అవుతుంది. ఈ పద్దతిలో రోజుకి 500 టస్ట్లు చేసే చోట 1500 నుంచి 2000 వరకు చేయవచ్చు.
  • హైదరాబాద్ హిమాయత్ నగర్ లో కరోనా కలకలం. డైమండ్ వ్యాపారి పుట్టిన రోజు వేడుకల్లో వ్యాపించిన కరోనా. వేడుకల్లో పాల్గొన్న 20 మందికి కరోనా పాజిటివ్ . బర్త్ డే వేడుకల్లో పాల్గొన్న సుమారు 150 మంది వ్యాపారులు , రాజకీయ నాయకులు . ఫంక్షన్ లో పాల్గొన్న ఒకరు చనిపోవడంతో మరింత ఆందోళనలు . ఈ వేడుకల్లో పాల్గొన్న ఇద్దరు రాజకీయ నాయకులకు సైతం సోకిన కరోనా

పీఓకే లో మళ్ళీ టెన్షన్.. పాక్ శిబిరాలపై భారత ఆర్మీ దాడులు

Three terror launch pads in pok destroyed by indian army, పీఓకే లో మళ్ళీ టెన్షన్.. పాక్ శిబిరాలపై భారత ఆర్మీ దాడులు

పాక్ ఆక్రమిత కాశ్మీర్లోని ఆ దేశ సైనిక శిబిరాలపైనా, టెర్రర్ లాంచ్ పాడ్ లపైనా భారత జవాన్లు విరుచుకపడ్డారు. ఈ ఆర్టిల్లరీదాడుల్లో ఆరుగురు నుంచి సుమారు 10 మంది వరకు పాక్ సైనికులు మరణించారని, పలువురు గాయపడ్డారని ఆర్మీ చీఫ్ బిపిన్ రావత్ తెలిపారు.
పీఓకె లోని నీలం లోయలో ఈ నెల 20 న ఈ దాడులు జరిగాయి. భారత సైనికుల కాల్పుల్లో దాదాపు నాలుగు ఉగ్రవాద శిబిరాలు ధ్వంసమైనట్టు రావత్ పేర్కొన్నారు. జమ్మూ కాశ్మీర్లోని తంగ్ ధర్ సెక్టార్ లో గల జనావాసాలను టార్గెట్ చేస్తూ పాక్ సైనికులు కాల్పులకు దిగడంతో ఆ దాడులను తిప్పికొట్టేందుకు మన జవాన్లు పాక్ ఆక్రమిత కాశ్మీర్లోని ఆ దేశ మిలిటరీ స్థావరాలమీద ఎటాక్ చేశారని రావత్ వివరించారు. అయితే తమ స్థావరాలపై ఈ దాడి జరిగిందన్న వార్తను పాక్ విదేశాంగ కార్యాలయ ప్రతినిధి మహమ్మద్ ఫైజల్ ఖండించారు. కావాలనే ఇండియా ఈ తప్ప్పుడు ప్రచారం చేస్తోందని, వీటి నిర్ధారణకు ఆయా దేశాల దౌత్యాధికారులను సదరు ప్రాంతానికి రప్పించే ఏర్పాటు భారత్ చేసుకోవచ్ఛునని ఆయన అన్నారు. కాగా-2016 సెప్టెంబరులో ఇండియన్ ఆర్మీ నిర్వహించిన సర్జికల్ దాడులతో వీటిని పోల్చరాదని భారత సైనిక వర్గాలు పేర్కొన్నాయి. ఏమైనా.. నియంత్రణ రేఖ వద్ద గట్టి నిఘా ఉన్న కారణంగా అవతలివైపు నుంచి పాక్ ఉగ్రవాదులు అక్రమంగా కాశ్మీర్లోకి చొచ్ఛుకురాలేకపోతున్నారని ఈ వర్గాలు తెలిపాయి.

Related Tags