Breaking News
  • ఆల్ టైమ్ రికార్డ్సు స`ష్టిస్తున్న గోల్డ్ , సిల్వర్ . 10 గ్రాముల బంగారం రూ 58,330 . కేజీ వెండి రూ 78,300. ఈ వారంలోనే మూడు సార్లు పెరిగిన బంగారం ధర . ప్రతిసారీ 8వందల నుంచి వేయి పెరిగిన గోల్డు. 65 వేలకు చేరుకుంటుందంటున్న మార్కెట్ అంచనాలు.
  • ప్రముఖ మాజీ క్రికెటర్ సచిన్ టెండూల్కర్ పై అసభ్యకరంగా సోషల్ మీడియాలో పోస్ట్ పెట్టిన వ్యక్తి అరెస్ట్.. పిడుగురాళ్ల మండలం చెందిన వందనపు నాగారాజు ఈ నెల 2వ తారీఖున క్రికెటర్ సచిన్ టెండూల్కర్ పై సోషల్ మీడియాలో అసభ్యకరంగా పోస్ట్ ముంబైలో కేసు నమోదు. ఐపీ అడ్రస్ పిడుగురాళ్ల గా గుర్తింపు. పోస్ట్ పెట్టిన వ్యక్తి ని అదుపులోకి తీసుకున్న ముంబై పోలీసులు.
  • టీవీ9 తో ఎ పి జైళ్ల శాఖ ఐ జి జయవర్ధన్.. ఆంధ్రప్రదేశ్ రాష్ట్ర వ్యాప్తంగా అన్ని జైళ్లలో ఉన్న ఖైదీలకు కరోనా టెస్టులు చేయిస్తున్నాం. ఇప్పటివరకు రాష్ట్రవ్యాప్తంగా 420 మంది ఖైదీలకు, 60 మంది స్టాఫ్ కు కరోనా పాజిటివ్ వచ్చింది. నిన్న ఒక్కరోజే రాజమండ్రి సెంట్రల్ జైలు లో 245 మందికి పాజిటివ్ వచ్చింది. రాజమండ్రి సెంట్రల్ జైల్ లోనే ఐసోలేషన్ సెంటర్ ని ఏర్పాటు చేశాం. పాజిటివ్ వచ్చినవాళ్ళల్లో ఎక్కువశాతం మైల్డ్ కేసులు ఉన్నాయి. రాష్ట్ర వ్యాప్తంగా ఉన్న అన్ని జైళ్లకు అప్రమత్తత చేశాం. ఐసోలేషన్ సెంటర్ నుంచి ఖైదీల పారిపోవడానికి ప్రయత్నిస్తే శిక్షలు కఠినంగా ఉంటాయి. ఖైదీలకు నాణ్యమైన ఆహారాన్ని వైద్య సౌకర్యాన్ని అందిస్తూ డాక్టర్ల పర్యవేక్షణ చేస్తున్నాం. పాజిటివ్ వచ్చిన ఖైదీల వివరాలు కుటుంబ సభ్యులకు సమాచారం అందిస్తున్నాము. ఖైదీల కుటుంబ సభ్యులు ఆందోళన చెందాల్సిన అవసరం లేదు.
  • అనంతపురం కన్సెప్ట్ సిటీ కన్సల్టెంట్ గా CBRE సౌత్ ఆసియా ప్రైవేట్ లిమిటెడ్ . భవిష్యత్ వ్యాపార అవసరాల కోసం రాష్ట్రం లో 3 కాన్సెప్ట్ సిటీలు ప్లాన్ చేసిన సర్కార్ . అనంతపురం కాన్సెప్ట్ సిటీకి కాన్సెప్టువల్ ప్లాన్, ఫీజబిలిటి రిపోర్ట్, బిజినెస్ స్ట్రాటజీ, ఫైనాన్సియల్ మోడల్ ప్రణాళిక సిద్దం చేసి అమలు చేయనున్న CBRE. ఇందుకోసం దాదాపు 85 లక్షల రూపాయలకు పరిపాలన అనుమతులు మంజూరు.
  • తమిళనాడు లో ఘోర రోడ్డు ప్రమాదం. కోయిఅంబత్తూర్ లోని ఆనకట్ట రహదారిలో చెట్టుని డీ కొట్టిన కారు . కారులో ప్రయాణిస్తున్న యువకులలో నలుగురు మృతి , ఒకరి పరిస్థితి విషమం . కారు అతివేగం గా నడపడం ప్రమాదానికి కారణం . ఫ్రెండ్స్ పుట్టినరోజు వేడుకలు వెళ్లివస్తుండగా జరిగిన ఘటన.
  • దేశవ్యాప్తంగా పాజిటివిటీ రేటు 8.87శాతం, రాష్ట్రంలో పాజిటివిటీ రేటు 8.56శాతం, కర్ణాటకలో 9.88శాతం, తమిళనాడులో 9.26శాతం, మహారాష్ట్రలో 19.36శాతం, ఢిల్లీలో 12.75శాతం. మరణాల రేటు దేశంలో 2.07శాతం, ఏపీలో 0.89శాతం. కర్ణాటకలో 1.85శాతం, కర్ణాటకలో 1.85శాతం, తమిళనాడులో 1.63శాతం, మహారాష్ట్రలో 3.52శాతం. ప్రతి పదిలక్షల మందిలో 43,059 మందికి పరీక్షలు. శ్రీకాకుళం, కర్నూలు, కడప, కృష్ణా, నెల్లూరు, పశ్చిమగోదావరి, చిత్తూరులో రాష్ట్రం సగటుకన్నా ఎక్కువ పరీక్షలు.
  • ఈఎస్ఐ స్కామ్ లో అరెస్టైన ఏపీ సచివాలయ ఉద్యోగి మురళీ మోహన్ ను సస్పెండ్ చేసిన ప్రభుత్వం . గత నెల 10 తేదీన సచివాలయంలో మురళీ మోహన్ ను అరెస్ట్ చేసిన ఏసీబీ. కార్మిక శాఖ మాజీ మంత్రికి వ్యక్తిగత కార్యదర్శిగా పనిచేసిన కాలంలో ఈఎస్ఐ కుంభకోణంలో మురళీ పాత్ర ఉందని ఏసీబీ అభియోగం. అరెస్టైన నాటి నుంచి సస్పెన్షన్ ఉత్తర్వులు అమల్లోకి వస్తాయని ఆదేశాలు. ప్రస్తుతం పట్టణాభివృద్ధి శాఖలో సెక్షన్ ఆఫీసరుగా విధులు నిర్వహిస్తోన్న మురళీ మోహన్.
  • భూముల విలువలు భారీగా పెరుగుతున్న నేపథ్యంలో జిల్లాలోని సబ్ రిజిస్ట్రార్ కార్యాలయాల్లో రిజిస్ట్రేషన్ల సందడి . భుాముల విలువ పె౦పు అమలులోకి వస్తే భార౦ పడుతుందని ము౦దుగానే రిజిస్ట్రేషన్ లు వెలుతోన్న జిల్లా వాసులు.

వాక్సిన్ రేసులో మరో మూడు దేశాలు

మానవాళికి పెనుముప్పుగా మారిన కరోనా వైరస్ బెడదను నిర్మూలించే వాక్సిన్ రూపకల్పనలో మన దేశం ముందుందని మనమంతా భావిస్తున్నాం. ఆగస్టు 15వ తేదీ కల్లా వాక్సిన్‌ను రూపొందించి...
three countries in vaccine race, వాక్సిన్ రేసులో మరో మూడు దేశాలు

మానవాళికి పెనుముప్పుగా మారిన కరోనా వైరస్ బెడదను నిర్మూలించే వాక్సిన్ రూపకల్పనలో మన దేశం ముందుందని మనమంతా భావిస్తున్నాం. ఆగస్టు 15వ తేదీ కల్లా వాక్సిన్‌ను రూపొందించి, విడుదల చేసేందుకు హైదరాబాద్ నగరానికి చెందిన భారత్ బయోటెక్ సంస్థ శరవేగంతో పనిచేస్తున్నట్లు ఓ వైపు కథనాలు వస్తుండగా.. వేగంగా వాక్సిన్ తేవడం సాధ్యం కాదని వాదిస్తున్న వారూ లేకపోలేదు. ఈ క్రమంలో అసలు వాక్సిన్ రేసులో మన దేశమే ముందుందా ? లేక మరే దేశమైనా వాక్సిన్‌ను కనుగొనే క్రమంలో దూసుకుపోతుందా అన్న చర్చ మొదలైంది.

ప్రపంచవ్యాప్తంగా కరోనా పాజిటివ్‌ కేసులు రోజురోజుకీ పెరిగిపోతున్నాయి. తాజా గణాంకాల ప్రకారం కోటి 25 లక్షల మందికి కరోనా వైరస్ సోకగా.. అందులో సుమారు 72 లక్షల మంది వైరస్ బారిన పడి కోలుకున్నారు. అయిదున్నర లక్షల మందికిపైగా మృత్యువాత పడ్డారు. అయితే కరోనా వైరస్ ప్రభావం ప్రారంభం అయిన నాటి నుంచి పలు దేశాలకు చెందిన సైంటిస్టులు వాక్సిన్‌ను కనుగొనేందుకు యధాశక్తి ప్రయత్నాలు చేస్తున్నారు. ప్రపంచ వ్యాప్తంగా దాదాపు 150 కరోనా వ్యాక్సిన్లు ప్రస్తుతం ప్రయోగ దశలో ఉన్నట్లు సమాచారం. వాటిలో ఇంగ్లాండ్ ఆక్స్‌ఫర్డ్‌ యూనివర్శిటీ తయారు చేస్తోన్న వ్యాక్సిన్‌ క్లినికల్‌ ట్రయల్స్‌ తుది దశకు చేరుకోగా.. అమెరికాకు చెందిన గిలియాడ్‌ సైన్సెన్‌, మాడెర్నా అనే బయోటెక్ సంస్థలు కూడా తమ వాక్సిన్ రూపకల్పన క్లినికల్‌ ట్రయల్స్‌ కీలక దశకు చేరుకుందని చెబుతున్నాయి.

ఇంకో వైపు జర్మనీకి చెందిన బయోఎన్‌టెక్‌ సే కంపెనీ తాము రూపొందించిన వ్యాక్సిన్‌ ఈ సంవత్సరాంతానికి ఆమోదం పొందే అవకాశం వుందని చెబుతోంది. తాము తయారు చేసిన BNT162B1 అనే వ్యాక్సిన్‌ ప్రస్తుతం ప్రాథమిక దశలో చక్కని ఫలితాలనిచ్చిందని, దాదాపు 30 వేల మందిపై ట్రయల్స్‌ నిర్వహించిన తర్వాత పూర్తి స్థాయిలో అందుబాటులో తీసుకువచ్చే యోచనలో ఉన్నట్లు ప్రకటించింది. ప్రభుత్వ అనుమతులకోసం ఎదురు చూస్తున్నట్లు తెలిపింది.

సో.. ప్రస్తుతం మన దేశంతోపాటు ఇంగ్లాండ్, అమెరికా, జర్మనీ దేశాలు వాక్సిన్ రూపకల్పన రేసులో ముందంజలో కనిపిస్తున్నాయి. కాగా.. వైరస్ తొలిసారిగా కనిపించిన చైనా దేశంలో ఆల్ రెడీ వాక్సిన్‌ను కనుగొన్నారన్న ఊహాగానాలు కూడా లేకపోలేదు.

Related Tags