‘ ముద్దుల పాపా ! అంత చిరాకెందుకమ్మా ?’
పుట్టి మూడు వారాలైనా కాలేదు. కానీ అప్పుడే పెద్ద ఆరిందాలా ముఖం పెట్టి బోసి నవ్వులను తనలోనే దాచుకుంటోంది ఆ చిన్నారి. పాపలు కిలకిలా నవ్వుతుంటే అరవిరిసిన పువ్వులే గుర్తుకొస్తాయి. కల్లా కపటం తెలియని వారి అమాయక చూపులు కట్టి పడేస్తాయి. అల్లరి చేసినా.. చేయకున్నా..అందాల పసిమొగ్గలను చూస్తే మనసు భారాన్ని తగ్గించుకుని రిలాక్స్ ఫీలవడం మానవ సహజం. అయితే మనం చూస్తున్నది ఓ గడుగ్గాయి పాప ముఖం. అమెరికాలోని ఓహియో లో జస్ట్.. మూడు వారాల […]
పుట్టి మూడు వారాలైనా కాలేదు. కానీ అప్పుడే పెద్ద ఆరిందాలా ముఖం పెట్టి బోసి నవ్వులను తనలోనే దాచుకుంటోంది ఆ చిన్నారి. పాపలు కిలకిలా నవ్వుతుంటే అరవిరిసిన పువ్వులే గుర్తుకొస్తాయి. కల్లా కపటం తెలియని వారి అమాయక చూపులు కట్టి పడేస్తాయి. అల్లరి చేసినా.. చేయకున్నా..అందాల పసిమొగ్గలను చూస్తే మనసు భారాన్ని తగ్గించుకుని రిలాక్స్ ఫీలవడం మానవ సహజం. అయితే మనం చూస్తున్నది ఓ గడుగ్గాయి పాప ముఖం.
అమెరికాలోని ఓహియో లో జస్ట్.. మూడు వారాల క్రితమే పుట్టిన లూనా మూసా అనే పాపాయిని ఫోటో తీయడానికి ఉత్సాహంతో వచ్చాడో ఫోటోగ్రాఫర్. అసలు నవ్వితే చాలు.. నవరత్నాలు రాలకపోయినా.. ఫోటో షూట్ కోసం ఆ పాప ముఖమే చాలనుకుంటూ తన కెమెరాకు పని చెప్పాడు. కానీ ఆ చిట్టితల్లి గట్టిదే ! ఫేస్ బిడాయించుక్కూచుంది. మొత్తం ప్రపంచంలోని చిరాకంతా తన ముఖంలోనే ఉన్నట్టు కదిలితే ఒట్టు ! ఇప్పుడే ఇలా ఉంటే.. ఇక కాస్త పెద్దయితే ఈ చిన్నారి వైనం చెప్పాలా ? ఏమైతేనేం.. ఈ చిట్టి అమ్మడి ఫేస్ ఇంటర్నెట్ ని షేక్ చేసేస్తోంది. ‘ గ్రంపీ ఎక్స్ ప్రెషన్.. మార్వెలస్.. సో క్యూట్.. ‘ అనే కామెంట్స్ కి కొదవేలేదు.. ఇక సోది ఆపి.. ఆ చిన్నారిని అలా వదిలేద్దాం.. మరీ చిరాకు పెట్టేస్తే ఆ ముఖం ఇంకా నెట్ లో దుమారం రేపడం ఖాయం..
