Breaking News
  • 'మా' అసోసియేషన్‌లో ముసలం. నిన్నటి నుంచి తెరుచుకోని ఆఫీస్‌ తలుపులు. అధ్యక్ష, కార్యదర్శుల మధ్య విభేదాలతో ఆఫీస్‌కు రాని సిబ్బంది. మాట్లాడేందుకు నిరాకరించిన కార్యవర్గ సభ్యులు.
  • బిల్లులపై చర్చ జరగకుండానే ఏపీ మండలి వాయిదా పడే అవకాశం. బిల్లుపై చర్చకు ఒప్పించేందుకు వైసీపీ సభ్యుల ప్రయత్నాలు. అంగీకరించని విపక్ష సభ్యులు. రూల్‌ 71పై చర్చ జరగాలని పట్టుబట్టిన విపక్ష సభ్యులు.
  • హైదరాబాద్‌: ధరమ్‌ కరం రోడ్‌లో పిచ్చికుక్కల స్వైరవిహారం. 10 మంది చిన్నారులకు తీవ్రగాయాలు, ఆస్పత్రికి తరలింపు.
  • తిరుమల: రథసప్తమి సందర్భంగా అన్ని ఏర్పాట్లు చేస్తున్నాం. రథసప్తమి సందర్భంగా శ్రీవారి ఆలయంలో ఆర్జిత సేవలు రద్దు. మాడ వీధుల్లో షెడ్లు ఏర్పాటు-టీటీడీ అడిషనల్ ఈవో ధర్మారెడ్డి.
  • హైదరాబాద్‌: రాష్ట్రంలో రాజకీయాలను డబ్బు శాసిస్తోంది. రాజ్యాధికారం సాధిస్తేనే విద్య, ఉద్యోగాలు వస్తాయి-లక్ష్మణ్‌. డబ్బుతో రాజకీయాలు నడపడం అప్రజాస్వామికం. దళితుల హక్కుల కోసం చేసే పోరాటంలో బీజేపీ ముందుంటుంది -తెలంగాణ బీజేపీ అధ్యక్షుడు లక్ష్మణ్‌.

“రాజురా’లో దొంగల ముఠా..సోయా మాయం

Thieves steal soybean crop in Nirmal district, “రాజురా’లో దొంగల ముఠా..సోయా మాయం
“కాదేది దొంగతనానికి అనర్హం’ అన్నట్లుగా మారింది ప్రస్తుత కాలం. దొరికింది కాయా – పండా, గుండు పిన్నైనా సరే దొంగకు దొరికిందే మహద్భాగ్యం అన్న చందంగా..నిర్మల్‌ జిల్లాలో దోపిడీ దొంగలు రెచ్చిపోయారు. కుబీర్‌ మండలంలోని రాజురా గ్రామంలో దొంగలు బీభత్సం సృష్టించారు. రైతు ఇంటి ముందు నిల్వ ఉంచిన సోయా బస్తాలను దొంగిలించారు.. ఆరుగాలం కష్టించి పండించిన రైతు తన సోయా పంటను అమ్మకానికి సిద్ధంగా ఉంచాడు. బస్తాలలో నిల్వచేసి ఇంటిముందే ఉంచాడు. అర్ధరాత్రి దొంగతనానికి వచ్చిన కొందరు దుండగులు అందులోంచి 15 బస్తాల సోయాను ఎత్తుకెళ్లారు. ఉదయం నిద్రలేచి చూసేసరికి సోయాసంచులు మాయంకావడంతో రైతు పిరాజీ ఆందోళన వ్యక్తం చేశాడు. వెంటనే జరిగిన సంఘటనపై పోలీసులకు ఫిర్యాదు చేశాడు. దొంగలు ఎత్తుకెళ్లిన సోయా విలువ సుమారుగా రూ. 40 వేలు ఉంటుందని రైతు ఆవేదన వ్యక్తం చేశాడు. రైతు ఫిర్యాదు మేరకు కేసు నమోదు చేసుకున్న పోలీసులు..స్థానికంగా ఉన్నటువంటి సీసీ కెమెరా విజువల్స్‌ సహాయంతో దర్యాప్తు చేపట్టారు.