Breaking News
  • నల్గొండ: చండూరు డాన్‌బాస్కో కాలేజీలో విద్యార్థి ఆత్మహత్య. ఉరివేసుకొని ఆత్మహత్య చేసుకున్న ఫస్టియర్‌ విద్యార్థి ప్రకాష్‌. ప్రకాష్‌ ఆత్మహత్యకు ప్రేమ వ్యవహారమే కారణమని అనుమానం. ప్రకాష్‌ స్వస్థలం గుంటూరు జిల్లా .
  • ప.గో: సంజీవయ్య నగర్‌లో కొండచిలువ కలకలం. నివాసాల మధ్యకు వచ్చిన 8 అడుగుల కొండచిలువ. భయబ్రాంతులకు గురైన స్థానికులు కొండచిలువను కొట్టి చంపిన స్థానికులు.
  • ప.గో: పెనుమంట్ర మండలం మార్టేరులో కిసాన్‌ మేళా. కిసాన్‌ మేళాలో పాల్గొన్న వ్యవసాయ మంత్రి కన్నబాబు. మాది రైతు పక్షపాత ప్రభుత్వం-మంత్రి కన్నబాబు. 44 లక్షల రైతు కుటుంబాలకు రైతుభరోసా వర్తింపు. రూ.3లక్షల రుణం తీసుకున్న రైతులకు వడ్డీ లేదు-కన్నబాబు. చిరుధాన్యాలు పండించే రైతులను ప్రోత్సహించేందుకు. త్వరలోనే విధివిధానాలు ప్రకటిస్తాం-మంత్రి కన్నబాబు
  • సంగారెడ్డి: జిల్లాలో పలు అభివృద్ధి పనులకు హరీష్‌రావు శంకుస్థాపన. జోగిపేట, ఆందోల్‌లో రూ.10కోట్ల పనులకు శంకుస్థాపన చేసిన హరీష్‌. మున్సిపాల్టీ ఎన్నికల్లో టీఆర్ఎస్‌ విజయం ఖాయం-మంత్రి హరీష్‌రావు. కాళేశ్వరం, మల్లన్న సాగర్‌ నీళ్లతో సింగూర్‌ను నింపుతాం-హరీష్‌. సాగుకోసం సింగూర్‌ నీరు మెదక్ జిల్లాకు దక్కేలా ప్రణాళికలు రచిస్తాం. సింగూర్‌లో నీళ్లు లేకపోవడంతో ప్రత్యామ్నాయ ఏర్పాటు చేస్తాం. అదనంగా నిధులు ఇవ్వాలని సీఎం అధికారులను ఆదేశించారు-హరీష్‌రావు.
  • తెలంగాణ భవన్‌లో ముగిసిన టీఆర్‌ఎస్‌పీపీ సమావేశం కాళేశ్వరం ప్రాజెక్ట్‌కు జాతీయహోదాపై పోరాడుతాం-ఎంపీ నామా. రాష్ట్రంలో అన్ని ప్రాజెక్ట్‌లకు నిధులు కోరుతాం-ఎంపీ నామా. కాళేశ్వరంపై సుప్రీంకోర్టులో ఏపీ అఫిడవిట్‌ దాఖలు చేయడంపై సీఎం కేసీఆర్‌ స్పందించారు-ఎంపీ నామా నాగేశ్వరరావు. బయ్యారం స్టీల్‌ప్లాంట్‌తో పాటు 30 అంశాలపై చర్చించాం . హామీల సాధన కోసం కేంద్రంపై ఒత్తిడి తెస్తాం-నామా నాగేశ్వరరావు. మిషన్‌ భగీరథ పథకానికి కేంద్రాన్ని నిధులు కోరుతాం-ఎంపీ నామా.
  • హైదరాబాద్‌: టీఆర్‌ఎస్‌ ఎంపీలకు కేటీఆర్‌ దిశానిర్దేశం. పార్లమెంట్ సమావేశాల్లో విభజన హామీలు పెండింగ్‌ సమస్యలను లేవనెత్తాలని కేటీఆర్‌ ఆదేశం. బడ్జెట్‌లో తెలంగాణకు దక్కాల్సిన అంశాలు, ప్రాజెక్టులు నిధులపై ఇప్పటి నుంచే పనిచేయాలని ఎంపీలకు సూచన. గణాంకాలతో ఎంపీలకు సమగ్ర సమాచారం అందించాలన్న కేటీఆర్‌. దేశ రాజధానిలో అన్ని హంగులతో పార్టీ కార్యాలయం నిర్మిస్తాం. పార్టీ ఆఫీస్‌ నిర్మాణ ప్రక్రియను వేగవంతం చేస్తామన్న కేటీఆర్‌.
  • తిరుమలలో పెరిగిన భక్తుల రద్దీ శ్రీవారి ఉచిత దర్శనానికి 12 గంటల సమయం ఈరోజు శ్రీవారి హుండీ ఆదాయం రూ.2.88కోట్లు

కాపీ వివాదం.. సినిమా ప్రమోషన్‌లో భాగమేనా.?

సినిమా మొదలైనప్పటి నుంచి.. పూర్తయ్యే దాకా దర్శకనిర్మాతలు ఎన్నో ఆటంకాలు ఎదుర్కోవాల్సి వస్తుంది. టైటిల్, స్టోరీ, లేదా నటీనటుల పరంగా పలు సందర్భాల్లో అడ్డంకులు ఎదురవుతుంటాయి. ఇక ఈ మధ్యకాలంలో ఏదైనా చిత్రం విడుదలకు ముందు కాపీ వివాదం బాగా నడుస్తోంది. టాలీవుడ్, కోలీవుడ్ ఇలా ప్రతి ఇండస్ట్రీలోనూ కాపీ కాంట్రవర్సరీలు కొనసాగుతున్నాయి. రీసెంట్‌గా దళపతి విజయ్ నటించిన ‘బిగిల్’ మూవీ కాపీ ఇష్యూ‌లో ఇరుక్కున్న సంగతి తెలిసిందే.

తెలంగాణకు చెందిన చిన్న కుమార్ అనే రచయిత కమ్ దర్శకుడు.. తన కథలోని మెయిన్ పాయింట్‌ను తీసుకుని ‘బిగిల్’ కథా, కథనాన్ని డెవలప్ చేశారని.. తెలంగాణ రచయితల సంఘంలో ఫిర్యాదు చేశారు. అయితే ఈ ఒక్క చిత్రమే కాపీ వివాదంలో చిక్కుకోలేదు. గతంలో కూడా అనేక సినిమాలు కాపీ ఇష్యూని ఫేస్ చేశాయి. ఇక ఇందులో విజయ్ చిత్రాలు అధికంగా ఉండటం గమనార్హం. ‘బిగిల్’తో పాటుగా ‘సర్కార్’, ‘మెర్సల్’ చిత్రాలు కూడా ఈ కాంట్రవర్సరీలో చిక్కుకున్నాయి.

ఇటు టాలీవుడ్ విషయానికి వస్తే.. సిద్ధార్థ్, సమంతా జంటగా వచ్చిన ‘జబర్దస్త్’పైన యష్ రాజ్ ఫిలిమ్స్ కాపీ రైట్స్ కేసు వేసింది. దీనికి సంబంధించిన తుది తీర్పు కూడా ఇటీవలే వెల్లడైన విషయం తెలిసిందే. ఆ తర్వాత మహేష్ బాబు ‘శ్రీమంతుడు’.. ఎన్టీఆర్ ‘టెంపర్’కి కూడా ఇలాంటి ప్రాబ్లెమ్స్ వచ్చాయి. ఇక లేటెస్ట్‌గా వచ్చిన ‘ఇస్మార్ట్ శంకర్’ కథ తనదేనంటూ హీరో ఆకాష్ ఎంత గొడవ చేశాడో ప్రత్యేకంగా చెప్పాల్సిన అవసరం లేదు.

వివాదాలు అయితే వచ్చాయి గానీ.. అందరిలోనూ మెదులుతున్న ప్రశ్న ఒకటే.. సినిమా విడుదల వరకు ఈ వివాదాలపై ఆయా చిత్రాల దర్శక నిర్మాతలు ఎందుకని స్పందించట్లేదని. అందుకే నెటిజన్లు ఈ ఉదంతాలపై భిన్నాభిప్రాయాలు వ్యక్తం చేస్తున్నారు. కొందరు ఇది కూడా సినిమా ప్రమోషన్‌లో ఒక భాగమేనని.. ఫ్యాన్స్‌ను థియేటర్ల వరకు తీసుకురావడానికి ఇదొక ట్రిక్ అని అంటున్నారు. ఇక మరికొందరేమో ఇది నిజమని నమ్మినా.. సినిమాలో కంటెంట్ ఉంటేనే ఏ మూవీ అయినా హిట్ కొడుతుందని వాదిస్తున్నారు.