Breaking News
  • వెదర్ రిపోర్ట్: తెలంగాణలో ఈరోజు, రేపు అతి భారీ వర్షాలు. ఉత్తర కోస్తా ఒరిస్సా, గ్యాంగేటిక్ పశ్చిమ బెంగాల్ పరిసర ప్రాంతాల్లో కొనసాగుతున్న అల్పపీడనం. దీనికి అనుబంధంగా 7.6 కి.మీ ఎత్తు వరకు కొనసాగుతున్న ఉపరితల ఆవర్తనం. రాగల 24 గంటల్లో ఇది మరింత బలపడే అవకాశం. భారతదేశం మీదుగా 5.8కి.మీ నుంచి 7.6 కి.మీ మధ్య ఏర్పడిన తూర్పు- పశ్చిమ shear జోన్. ఈరోజు అక్కడక్కడ ఉరుములు, మెరుపులతో పాటు తేలికపాటి వర్షాలు. ఈరోజు, రేపు ఆదిలాబాద్, నిర్మల్ ,కొమురం భీం- ఆసిఫాబాద్ ,మంచిర్యాల, నిజామాబాద్ ,జగిత్యాల, రాజన్న సిరిసిల్ల, పెద్దపల్లి, కరీంనగర్ ,జయశంకర్ భూపాలపల్లి ,ములుగు, వరంగల్ పట్టణ, గ్రామీణ, భద్రాద్రి కొత్తగూడెం, ఖమ్మం, నల్గొండ ,సూర్యాపేట జిల్లాలో భారీ అతి భారీ వర్షాలు. -వాతావరణ శాఖ సీనియర్ సైంటిస్ట్ రాజారావు.
  • అమీన్ పూర్ కేసును పర్యవేక్షించాలని ఉమెన్స్ సెక్యూరిటీ వింగ్ అడిషనల్ డీజీ స్వాతి లాక్ర కు డిజిపి అదేశం. కేసు విచారణ కొరకు ప్రత్యేక అధికారిని నియమించాలని ఆదేశం. కేసుకు సంబంధించి ఎప్పటికప్పుడు పర్యవేక్షించాలన్న డీజీపీ మహేందర్ రెడ్డి. కేసు నమోదు అయినప్పటి నుంచి నిందితుల అరెస్ట్ వరకు వివరాలు తేప్పించుకున్న స్వాతి లక్రా. ఉమెన్స్ సెక్యూరిటీ వింగ్ నుంచి ప్రత్యేక అధికారిని నియమించిన స్వాతి లక్రా. నిందితుల అరెస్టు, trails, కేసు విచారణ వరకు ప్రత్యేక దృష్టి పెట్టి నున్న స్వాతి లక్రా.
  • నల్గొండ ఎస్పీ రంగనాథ్ కు డీఐజి గా పదోన్నతి ఇస్తూ ప్రభుత్వం ఉత్తర్వులు . డీఐజి హోదాలో నల్గొండ ఎస్పీ గా పనిచేయనున్న రంగనాథ్.
  • విజయవాడ: ప్రకాశం బ్యారేజి కి భారీగా వరద నీరు. 70 గేట్లు అడుగు మేర ఎత్తివేత. ప్రకాశం బ్యారేజి కి ఇన్ ఫ్లో 70 వేల క్యూసెక్కులు. ఔట్ ఫ్లో 50750 క్యూసెక్కులు.. తాగు సాగు నీరు కోసం 10800 క్యూసెక్కులు ఈస్ట్ కెనాల్, వెస్ట్ కెనాల్ ద్వారా విడుదల. రెండు రోజుకు పాటు వరద ప్రవాహం ఉంటుందని అంటున్న అధికారులు. దిగువ ప్రాంత ప్రజలు అప్రమత్తంగా ఉండాలని సూచన.
  • తిరుపతి: కరోనా తో మృతి చెందిన వ్యక్తి మృతదేహానికి అంత్యక్రియలు చేసిన ఎమ్మెల్యే. గోవిందదామంలో దహనక్రియలు నిర్వహించిన ఎమ్మెల్యే భూమన కరుణాకర్ రెడ్డి, నగరపాలక సంస్థ కమిషనర్ గిరీష. కోవిడ్ వల్ల చనిపోయిన వారికి వైరస్ 6 గంటల పైనే ఉండదని ప్రజలకి అవగాహన కల్పించెందుకు ఇలా అంత్యక్రియలు చేశామన్న ఎమ్మెల్యే. కరోనా వైరస్ తో చనిపోయిన వారు దహన క్రియలకు కుటుంబ సభ్యులు రాకపోవడం చాలా బాధించిందన్న ఎమ్మెల్యే.
  • విజయవాడ రమేష్ ఆసుపత్రికోవిడ్ కేర్ సెంటర్ అగ్నిప్రమాద ఘటనలో ముగిసిన డాక్టర్ మమత విచారణ ఆరుగంటలపాటు పలు ప్రశ్నలపై డాక్టర్ మమతను ప్రశ్నించిన ఏసీపీ సూర్యచంద్రరావు మృతుల బంధువుల ఆరోపణల పై డాక్టర్ మమత నుంచి వివరాలు సేకరించిన పోలీసులు కోవిడ్ కేర్ సెంటర్ లో రమేష్ ఆసుపత్రి వసూలు చేస్తున్న ఫీజులపై వాస్తవాలు రాబట్టే ప్రయత్నం చేసిన పోలీసులు నోటీసులు ఇవ్వటం తో విచారణకు హాజరు అయ్యాను -డాక్టర్ మమత పోలీసులు అడిగిన ప్రశ్నలన్నింటికీ సమాధానం చెప్పాను -డాక్టర్ మమత నన్ను పోలీసులు ఎలాంటి ఇబ్బంది పెట్టలేదు -డాక్టర్ మమత

సిరియాలో మళ్లీ నరమేథం.. శిథిలాల్లో చిన్నారులు.. వైరల్ అవుతున్న ఫోటో

Syria Haunting Photo Of Children town of Ariha in Syria, సిరియాలో మళ్లీ నరమేథం.. శిథిలాల్లో చిన్నారులు.. వైరల్ అవుతున్న ఫోటో

సిరియాలో జరుగుతున్న మారణహోమానికి మరో సాక్ష్యం ఇది. జిహాదీ గ్రూపులే లక్ష్యంగా సాగుతున్న బాంబు దాడుల్లో వేలాది మంది సామాన్యపౌరులు, చిన్నారులు ప్రాణాలు కోల్పోతున్నారు. పాపం పుణ్యం తెలియని చిన్నారులు సిరియా దాడుల బీభత్సంలో ఏ విధంగా ప్రాణాలు పోగొట్టుకుంటున్నారో సోషల్‌మీడియాలో వైరల్ అవుతున్న ఓ ఫోటో కళ్లకు కడుతోంది. సిరియాలోని పశ్చిమ ప్రావిన్స్ లోని అరియా పట్టణంలో జరిగిన వైమానిక దాడుల్లో ఎన్నో ఇళ్లు నేలకూలాయి. ఇలా నేలమట్టమైన ఓ ఇంటి శిధిలాల కింద ముగ్గురు చిన్నారులు ఇరుక్కుపోయారు. వీరిలో ఒక చిన్నారి అక్కడికక్కడే మృతి చెందగా, మరో ఇద్దరు తమ చిట్టి ప్రాణాలు దక్కించుకునేందుకు నానా ప్రయాసపడ్డారు. హృదయాన్ని ద్రవింపజేసేలా ఉన్నఈ ఫోటోను ఎస్‌వై 24 అనే స్ధానిక వెబ్ న్యూస్‌కు చెందిన బషర్ అల్ షేక్ అనే ఫోటోగ్రాఫర్ తీశాడు.

ముగ్గురు చిన్నారులను రక్షించేందుకు ఓ వ్యక్తి కన్నీరు పెడుతూ రక్షించాలని గట్టిగా అరుస్తున్న దృశ్యం హృదయ విదారకంగా ఉంది. చూడటానికే గుండెలు పిండేసేలా ఉన్న ఈ ఫోటో ప్రస్తుతం వైరల్‌గా మారింది. ఇదిలా ఉంటే ఈ చిన్నారులు ముగ్గురిని శిధిలాలనుంచి బయటికి తీసి దగ్గర్లోగల హస్పిటల్‌కు తరలించారు. ముగ్గురు చిన్నారుల్లో ఇద్దరు మాత్రమే కొనఊపిరితో ప్రస్తుతం కొట్టుమిట్టాడుతున్నారని.. వీరికి వైద్య సేవలందిస్తున్న ఇస్మాయిల్ అనే వైద్యుడు తెలిపాడు. రిహామ్ అల్ అబ్దుల్లా(5) శిధిలాల కిందే మృతి చెందగా.. ఏడు నెలల చిన్నారి తౌకా తలకు తీవ్రమైన గాయాలతో ప్రస్తుతం ఐసీయులో చికిత్స పొందుతోంది. మరో చిన్నారి దాలియాకు ఛాతి భాగానికి తీవ్రంగా గాయాలు కావడంతో శస్త్ర చికిత్స చేసినట్టు డాక్టర్ ఇస్మాయిల్ చెప్పారు. గాయపడ్డ చిన్నారులతో కలిపి వీరి కుటుంబంలో మొత్తం 8 మంది ఉన్నారు.

అరియా ప్రాంతంలో టెర్రరిస్టులు ఉన్నారనే ఆరోపణలపై ఇక్కడ అధికంగా దాడులు జరుగుతున్నాయి. అయితే 2011 నుంచి సిరియాపై జరిగిన దాడుల్లో ఇప్పటివరకు దాదాపు 3,70,000 మంది ప్రాణాలు కోల్పోయారు. వీరిలో చిన్నారులు కూడా అధికంగా ఉండటం విచారకరం.

Related Tags