India Vs Australia 2020 : తొలిరోజు మ్యాచ్కి ఆ క్యాచ్ హైలెట్.. క్రికెట్ అభిమానుల మన్ననలు పొందుతున్న ఆల్రౌండర్..
India Vs Australia 2020 : ఆస్ట్రేలియాతో జరుగుతున్న బాక్సింగ్ డే తొలి టెస్ట్లో మొదటి రోజు భారత్ ఆధిపత్యం కనబరిచిన సంగతి తెలిసిందే. మొదటి ఇన్నింగ్స్లో
India Vs Australia 2020 : ఆస్ట్రేలియాతో జరుగుతున్న బాక్సింగ్ డే తొలి టెస్ట్లో మొదటి రోజు భారత్ ఆధిపత్యం కనబరిచిన సంగతి తెలిసిందే. మొదటి ఇన్నింగ్స్లో ఆస్ట్రేలియాను ఇండియా 195 పరుగులకు ఆలౌట్ చేయగా బ్యాటింగ్కు దిగిన భారత్ ఒక వికెట్ నష్టానికి 36 పరుగులు చేసింది. కాగా మొదటి రోజు ఆల్రౌండర్ రవీంద్ర జడేజా పట్టిన క్యాచ్ మ్యాచ్కు హైలెట్గా నిలిచింది.
తొలుత టాస్ గెలిచి బ్యాటింగ్ ఎంచుకున్న ఆస్ట్రేలియా 10 పరుగులకే తొలి వికెట్ కోల్పోయింది. బుమ్రా బౌలింగ్లో ఓపెనర్ జో బర్న్స్(0) పరుగుల ఖాతా తెరవకుండానే పెవిలియన్ చేరాడు. ఈ క్రమంలోనే జట్టు స్కోర్ 35 పరుగుల వద్ద మరో ఓపెనర్ మాథ్యూవేడ్(30; 39 బంతుల్లో 3×4) ఔటయ్యాడు. అశ్విన్ వేసిన 12.5 ఓవర్కు అతడు షాట్ ఆడడంతో బంతి గాల్లోకి లేచింది. వెంటనే స్పందించిన జడేజా ఆ బంతిని అందుకునే ప్రయత్నం చేశాడు. అయితే, అదే సమయంలో శుభ్మన్ గిల్ సైతం క్యాచ్ పట్టడానికి వచ్చాడు. ఇద్దరూ ఒకరినొకరు ఢీకొట్టుకున్నప్పటికీ.. అప్పటికే జడేజా ఆ బంతిని ఒడిసిపట్టాడు. దీంతో కంగారూల జట్టు రెండో వికెట్ కోల్పోయింది. అయితే శుభ్మన్ గిల్ బలంగా వచ్చి జడేజాను ఢీ కొట్టినా జడేజా మాత్రం పట్టువదలని విక్రమార్కుడిలా క్యాచ్ను ఒడిసి పట్టుకొని అభిమానుల మన్ననలు పొందాడు. దీంతో ఈ క్యాచ్ ఇప్పుడు సోషల్ మీడియాలో వైరల్గా మారింది. అద్భుత క్యాచ్ పట్టావని జడేజాను అందరు పొగడుతున్నారు.
Almost disaster! But Jadeja held his ground and held the catch! @hcltech | #AUSvIND pic.twitter.com/SUaRT7zQGx
— cricket.com.au (@cricketcomau) December 26, 2020