15వ ఆర్ధిక సంఘం కాలపరిమితి పొడిగింపు

2020-2025 కాలానికి ఆర్థిక అవసరాలను అంచనా వేసేందుకు, సూచనలు చేసేందుకు అనుమతి లభించింది. దీనికి సంబంధించి కేంద్రం 15వ ఆర్ధిక సంఘం కాలపరిమితిని పెంచింది. వచ్చే నవంబర్ 30 వరకు నెలరోజులపాటు గడవు పొడిగించింది. ప్రధాని నరేంద్రమోదీ అధ్యక్షతన బుధవారం జరిగిన కేంద్ర మంత్రివర్గం సమావేశంలో ఈ నిర్ణయం తీసుకున్నారు.

ఈ సమావేశంలో భారత అంతర్గత భద్రత, రక్షణ కోసం పక్కాగా, సురక్షితమైన, మురిగిపోని విధంగా నిధుల కేటాయింపులు జరిపేలా మార్గాలు అన్వేషించాలని ఎన్‌కే సింగ్‌ నేతృత్వంలోని ఆర్థిక సంఘాన్ని ఆదేశించారు. అదే విధంగా 15వ ఆర్థిక సంఘం లక్ష్యాలు, నిబంధనల్లో మార్పుల్ని సమావేశంలో ఆమోదించారు.