Breaking News
  • హైదరాబాద్‌: గురుకుల పాఠశాల ప్రిన్సిపాల్‌ దాష్టీకం. విద్యార్థిని నేలకేసి కొట్టిన ప్రిన్సిపాల్‌ సుబ్రహ్మణ్యం. ప్రిన్సిపాల్‌ను నిలదీసిన విద్యార్థి తల్లిదండ్రులు. మీకు దిక్కున్న చోట చెప్పుకోండని దురుసుప్రవర్తన. ప్రిన్సిపాల్‌ సుబ్రహ్మణం కులంపేరుతో దూషిస్తూ.. చితకబాదుతున్నాడని కన్నీళ్లు పెట్టుకున్న విద్యార్థులు.
  • ఢిల్లీ: కాళేశ్వరం ప్రాజెక్టుపై ఎన్జీటీలో విచారణ. విచారణకు హాజరుకాని తెలంగాణ పీసీబీ అధికారులు . తదుపరి విచారణ ఫిబ్రవరి 10కి వాయిదా . పర్యావరణ అనుమతుల విషయంలో పీసీబీ అధికారులు.. నిర్లక్ష్యంగా వ్యవహరించారన్న పిటిషనర్‌ హయాతుద్దీన్‌.
  • ఢిల్లీ: 2020-21 వార్షిక బడ్జెట్‌ ప్రతుల ముద్రణ ప్రారంభం. ఆర్థికశాఖ కార్యాలయం నార్త్‌బ్లాక్‌లో హల్వా వేడుక. బడ్జెట్‌ ప్రతుల ముద్రణ సందర్భంగా హల్వా వేడుక ఆనవాయితీ. హాజరైన కేంద్ర ఆర్థిక మంత్రి నిర్మలా సీతారామన్‌.. సహాయమంత్రి అనురాగ్‌ ఠాకూర్‌, ఆర్థికశాఖ కార్యదర్శులు.
  • ప.గో: ఒకే రాష్ట్రం.. ఒకే రాజధాని బీజేపీ నినాదం-మాణిక్యాలరావు. రాజధానికి భూములు ఇచ్చిన రైతుల గురించి టీడీపీ మాట్లాడుతోంది. ఐదు కోట్ల ఆంధ్రుల తరపున బీజేపీ-జనసేన పోరాడుతుంది. రాష్ట్రంలో జగన్ పాలన తుగ్లక్ పాలనను గుర్తుచేస్తోంది-మాణిక్యాలరావు.
  • సిద్దిపేట: గజ్వేల్‌లో మంత్రి హరీష్‌రావు ఎన్నికల ప్రచారం. ఈ ఎన్నికల్లో ఉత్తమ్‌ మాటలన్నీ ఉత్తర ప్రగల్బాలే అని తేలిపోనుంది. 2 వేల వార్డులు గెలుస్తామంటున్న బీజేపీకి.. గజ్వేల్‌లోని 20 వార్డుల్లో ఏ ఒక్క వార్డు గెలవలేరు-హరీష్‌రావు. 20 వార్డులను గెలిపించుకుంటే మరింత అభివృద్ధి-హరీష్‌రావు.

కాశ్మీర్ ఇంకా ఉద్రిక్తం.. మళ్ళీ నిషేధాజ్ఞల విధింపు

TENSION CONTINUE IN JAMMU AND KASHMIR, కాశ్మీర్ ఇంకా ఉద్రిక్తం.. మళ్ళీ నిషేధాజ్ఞల విధింపు

జమ్మూ కాశ్మీర్ లో పరిస్థితి ఇంకా నివురు గప్పిన నిప్పుమాదిరే ఉంది. శనివారం నుంచి మొదలైన ఉద్రిక్తత ఆదివారం కూడా కొనసాగింది. నిన్న రాత్రి ఆ రాష్ట్రం లోని ఓల్డ్ సిటీ సహా అనేకచోట్ల హింసాత్మక ఘటనలు, అల్లర్లు జరిగాయి. పోలీసులు, జవాన్లతో స్థానిక గుంపులు పలు ప్రాంతాల్లో ఘర్షణలకు దిగాయి. వారిని అదుపు చేసేందుకు భద్రతా దళాలు లాఠీ చార్జీ చేశారు. రబ్బర్ బులెట్లను ప్రయోగించారు. ఈ ఘటనల్లో సుమారు రెండు డజన్ల మంది గాయపడ్డారని పోలీసులు తెలిపారు. వీరిలో పలువురిని ఆస్పత్రుల్లో చేర్చారు. సైనికులపైనా, పోలీసులపైనా ఆందోళనకారులు రాళ్లు రువ్వడంతో వారిలో కొంతమంది గాయపడ్డారు. శ్రీనగర్ లో సోమవారం సుమారు 195 స్కూళ్ళు తెరచుకోవలసి ఉండగా 95 స్కూళ్ళు మాత్రమే తెరిచారు. రాష్ట్రంలో పరిస్థితి ఇంకా ఉద్రిక్తంగానే ఉండడంతో తలిదండ్రులు తమ పిల్లలను పాఠశాలలకు పంపడానికి విముఖత చూపుతున్నారు. ఈ నేపథ్యంలో ప్రభుత్వం మళ్ళీ నిషేధాజ్ఞలు విధించింది. ఇంటర్నెట్ తదితర సామాజిక మాధ్యమాలఫై విధించిన ఆంక్షలను ఎత్తివేసినప్పటికీ తాజా ఘటనల కారణంగా తిరిగి వీటిపై ఆంక్షలు విధించారు. ఈ నెల 5 న కేంద్రం జమ్మూకాశ్మీర్ ప్రజలకు స్వయం నిర్ణయాధికారానికి వీలు కల్పించే 370 అధికరణాన్ని రద్దు చేసింది. అలాగే మాజీ సీఎంలు మెహబూబా ముప్తీ, ఫరూక్ అబ్దుల్లా సహా అనేకమందిని హౌస్ అరెస్టు చేయడంతో అప్పటి నుంచే కాశ్మీర్ పరిస్థితి ఉద్రిక్తంగా మారింది. అటు-సరిహద్దుల్లో పాక్ కవ్వింపు చర్యలకు పాల్పడుతుండడంతో.. ఎప్పుడేం జరుగుతుందోనని ప్రజలు క్షణమొక యుగంగా గడుపుతున్నారు.

TENSION CONTINUE IN JAMMU AND KASHMIR, కాశ్మీర్ ఇంకా ఉద్రిక్తం.. మళ్ళీ నిషేధాజ్ఞల విధింపు