Breaking News
  • కరోనా నుంచి బయటపడిన చైనా, ఇప్పుడు యూరప్‌ దేశాలకు కిట్లను, మాస్క్‌లను పంపిస్తోంది. అయితే వాటిలో నాణ్యత లేదని కొన్ని దేశాలు ఆరోపిస్తున్నాయి. పరికరాలను తిప్పి పంపిస్తున్నాయి. ఈ సంక్షోభాన్ని, చైనా తన ప్రభావాన్ని విస్తరించుకోవడానికి వాడుకుంటోందన్న విమర్శలూ వినిపిస్తున్నాయి.
  • ఆంధ్రప్రదేశ్‌లో కరోనా భూతం విస్తరిస్తోంది. ఏపీలో ఉన్న 13 జిల్లాలలో 11 జిల్లాలను కరోనా కమ్మేసింది. నిజాముద్దీన్‌ జమాత్‌ లింకులతో చిన్న పట్టణాలు, పల్లెలకు కూడా వ్యాపించింది కరోనా.. కొత్త కేసులన్నింటికీ ఢిల్లీ లింకులుండటం ఆందోళన కలిగిస్తోంది.
  • కరోనాపై యుద్ధం చేస్తున్న భారత్‌కు ప్రపంచబ్యాంకు భారీ సాయాన్ని అందించింది. భారత్‌తో పాటు కరోనాను ఎదుర్కొంటున్న పలు దేశాలకు ప్రపంచబ్యాంకు ఆర్ధిక సాయాన్ని ప్రకటించింది. కరోనాను తీవ్రంగా ప్రతిఘటిస్తున్న భారత్‌కు ఒక బిలియన్‌ డాలర్ల భారీ ఆర్ధిక సాయాన్ని ప్రకటించింది ప్రపంచబ్యాంక్‌..
  • ఉమ్మడి ఆదిలాబాద్‌ జిల్లాలో ఆశా వర్కర్లు ఇంటింటి సర్వే చేస్తున్నారు. ఇది గందరగోళానికి దారి తీస్తోంది. ఢిల్లీ నుంచి వచ్చిన వ్యక్తి ఇంటికి వెళ్లారు ఆశావర్కర్లు. సర్వే కోసమని వెళ్లిన ఆశా వర్కర్లను దుర్భాషలాడటమే కాకుండా వారిపై దాడికి ప్రయత్నించారు
  • అమరావతి ఏపీ ప్రభుత్వం కీలక నిర్ణయం ఎస్మా పరిధిలోకి ప్రభుత్వ, ప్రైవేట్‌ వైద్య సర్వీసులు. 6 నెలల పాటు ఎస్మా పరిధిలోకి తెస్తూ జీవో కూడా విడుదల. ఈ చట్టం కింద పనిచేయడానికి నిరాకరించిన వారిని శిక్షించే అధికారం ప్రభుత్వానికి ఉందంటూ జీవో జారీ.

Crime News: టీవీ సౌండ్ ఎఫెక్ట్.. ఓనర్ ప్రాణం హాంఫట్..

టీవీ సౌండ్ వివాదం.. ఏకంగా ఓనర్ ప్రాణాలు పోయేలా చేసింది. ఈ సంఘటన నిజామాబాద్ జిల్లా ఆర్మూర్‌లో జరిగింది. టీవీ సౌండ్ తగ్గించమన్నందుకు ఏకంగా ఓనర్‌పై దాడి చేసి హత్య..
Tenant killed owner for TV sound issue in Armoor, Crime News: టీవీ సౌండ్ ఎఫెక్ట్.. ఓనర్ ప్రాణం హాంఫట్..

Crime News: టీవీ సౌండ్ వివాదం.. ఏకంగా ఓనర్ ప్రాణాలు పోయేలా చేసింది. ఈ సంఘటన నిజామాబాద్ జిల్లా ఆర్మూర్‌లో జరిగింది. టీవీ సౌండ్ తగ్గించమన్నందుకు ఏకంగా ఓనర్‌పై దాడి చేసి హత్య చేశాడు ఓ వ్యక్తి. ప్రస్తుతం స్థానికంగా ఈ ఘటన కలకలం రేపుతోంది.

వివరాల్లోకి వెళ్తే.. బాలనర్సయ్య దంపతులు కొత్తగా.. ఆర్మూర్‌లోని గోల్‌‌బంక్ ప్రాంతంలో ఉన్న రాజేందర్ దంపతుల ఇంట్లో అద్దెకు దిగారు. మొదట్లో బాలనర్సయ్య దంపతులు అన్యోన్యంగా ఉన్నా.. గత కొద్దిరోజుల నుంచి గొడవలు జరగడం మొదలయ్యాయి. అవి మరీ ఎక్కువ కావడంతో.. ఇంటి పక్కనే ఉన్న యజమాని రాజేందర్ తీరు మార్చుకోవాలని సూచించారు. అయినా తీరు మారలేదు. షరా మామూలుగానే శుక్రవారం రాత్రి కూడా గొడవపడ్డారు. దీంతో.. విసుగుపోయినా రాజేందర్.. టీవీ సౌండ్ పెంచారు. అలా టీవీలో లీనమైయ్యింది రాజేందర్ ఫ్యామిలీ.

ఈ లోపు బాలనర్సయ్య.. వచ్చి టీవీ సౌండ్ ఎందుకు పెంచారు? అని గొడవ దిగాడు. అలా ఇద్దరి మధ్య మాటా మాటా పెరిగింది. ఇంకేముంది కోపంతో ఊగిపోతూ.. బాల నర్సయ్య కర్రతో.. రాజేందర్ తలపై కర్రతో బలంగా కొట్టాడు. దీంతో రాజేందర్ ఒక్కసారిగా కింద కుప్పకూలిపోయాడు. తలకి బలమైన దెబ్బ తగలడంతో అక్కడికక్కడే చనిపోయాడు. ఇదంతా చూసి భయమేసిన బాల నర్సయ్య వెంటనే ఇంటినుంచి పరారయ్యాడు. మృతుడి భార్య ఫిర్యాదు మేరకు కేసు నమోదు చేసుకున్న పోలీసులు.. బాల నర్సయ్య కోసం గాలిస్తున్నారు.

Related Tags