Breaking News
  • ఆదిలాబాద్‌: నేటి నుంచి నాగోబా జాతర. ఇంద్రవెళ్లి మండలం కేస్లాపూర్‌లో ప్రారంభంకానున్న జాతర. జాతరకు రానున్న తెలంగాణ, మహారాష్ట్ర, ఒడిశా.. మధ్యప్రదేశ్‌ రాష్ట్రాల ఆదివాసీలు, గిరిజనులు.
  • అవినీతి సూచిలో భారత్‌కు 80వ స్థానం. ప్రభుత్వ కార్యాలయాల్లో అవినీతిపై వ్యాపారవర్గాలు నుంచి.. వివరాలు సేకరించిన ట్రాన్స్‌పరెన్సీ ఇంటర్నేషనల్‌ సంస్థ. అవినీతి కట్టడిలో తొలిస్థానంలో నిలిచిన డెన్మార్క్‌, న్యూజిలాండ్‌.
  • వలసల నియంత్రణకు ట్రంప్‌ సర్కార్‌ మరో కీలక చర్య. అమెరికా వచ్చే విదేశీ గర్భిణులపై ఆంక్షలు విధింపు. కాన్పు కోసమే అమెరికా వచ్చేవారికి పర్యాటక వీసా నిరాకరణ.
  • రోహింగ్యాల ఊచకోతపై అంతర్జాతీయ న్యాయస్థానం సంచలన తీర్పు. మయన్మార్‌లో రోహింగ్యాల నరమేధం జరిగింది. సైన్యం అండతో రోహింగ్యాలను ఊచకోత కోశారన్న న్యాయస్థానం. రోహింగ్యాలను రక్షించడానికి వెంటనే చర్యలు తీసుకోవాలని ఆదేశం.
  • కరోనా వైరస్‌కు కారణం పాములే. చైనా అధ్యయనంలో వెల్లడి. ఐదు నగరాలకు రాకపోకలన్నీ నిలిపివేసిన చైనా. వుహాన్‌, హుయాంగ్‌గాంగ్‌, ఎఝౌ, ఝిజియాంగ్‌.. ఖియాన్‌జింగ్‌ నగరాలపై రవాణా ఆంక్షలు విధింపు.

ఈ నెల 24న తెలుగు సీఎంల భేటీ..!

Telugu State CMs meeting, ఈ నెల 24న తెలుగు సీఎంల భేటీ..!

విభజన సమస్యలను పరిష్కరించుకునే దిశగా తెలుగు రాష్ట్రాల సీఎంలు ఈనెల 24న మరోసారి భేటీ కానున్నారు. ఈ మేరకు తెలంగాణ సీఎం కేసీఆర్, ఏపీ సీఎం జగన్‌మోహన్‌రెడ్డిలు నిర్ణయం తీసుకున్నట్లు విశ్వసనీయంగా తెలిసింది. హైదరాబాద్‌లోనే ఈ సమావేశం జరగొచ్చని సమాచారం. అయితే జగన్ సీఎంగా అధికారంలోకి వచ్చినప్పటి నుంచి ఇద్దరు ముఖ్యమంత్రుల మధ్య ఇప్పటికే మూడు సార్లు సమావేశమయ్యారు. ఈ క్రమంలో పలు అంశాలపై అంగీకారం కూడా కుదిరింది. అయితే ఇరు రాష్ట్రాల మధ్య తొమ్మిది, పది షెడ్యూల్ సంస్థల విభజన, గోదావరి, కృష్ణా జలాల సంపూర్ణ వినియోగం తదితర అంశాలు పెండింగ్‌లో ఉన్నాయి. గతంలోని నిర్ణయాలకు అనుగుణంగా ఉత్తర్వులు జారీ చేయాల్సి ఉంది. అలాగే ఆర్థికపరమైన అంశాలపై నిర్ణయం తీసుకోవాలి. వీటిని త్వరగా పరిష్కరించుకోవాలని భావిస్తున్న ఇద్దరు సీఎంలూ ఈ మేరకు ఫోన్‌లో మాట్లాడి తేదీని ఖరారు చేసినట్లు తెలుస్తోంది.

కాగా ఈ సమావేశంలో కేంద్ర ప్రభుత్వ వ్యవహార శైలిపైనా కేసీఆర్‌, జగన్‌లు చర్చించే అవకాశం ఉన్నట్లు సమాచారం. ఇరు రాష్ట్రాల్లో బీజేపీ ఇద్దరు సీఎంలపైనా తీవ్రస్థాయిలో విమర్శలు చేస్తోంది. కొన్ని అంశాల్లో కేంద్రం నుంచి సరైన సహకారం లభించడం లేదు. ఈ భావన రెండు రాష్ట్ర ప్రభుత్వాల్లో ఉంది. ఈ నేపథ్యంలో కేంద్ర ప్రభుత్వ తీరుపై చర్చించి, కార్యాచరణను నిర్ణయించుకోనున్నట్లు తెలిసింది.