Breaking News
  • కరోనా నుంచి బయటపడిన చైనా, ఇప్పుడు యూరప్‌ దేశాలకు కిట్లను, మాస్క్‌లను పంపిస్తోంది. అయితే వాటిలో నాణ్యత లేదని కొన్ని దేశాలు ఆరోపిస్తున్నాయి. పరికరాలను తిప్పి పంపిస్తున్నాయి. ఈ సంక్షోభాన్ని, చైనా తన ప్రభావాన్ని విస్తరించుకోవడానికి వాడుకుంటోందన్న విమర్శలూ వినిపిస్తున్నాయి.
  • ఆంధ్రప్రదేశ్‌లో కరోనా భూతం విస్తరిస్తోంది. ఏపీలో ఉన్న 13 జిల్లాలలో 11 జిల్లాలను కరోనా కమ్మేసింది. నిజాముద్దీన్‌ జమాత్‌ లింకులతో చిన్న పట్టణాలు, పల్లెలకు కూడా వ్యాపించింది కరోనా.. కొత్త కేసులన్నింటికీ ఢిల్లీ లింకులుండటం ఆందోళన కలిగిస్తోంది.
  • కరోనాపై యుద్ధం చేస్తున్న భారత్‌కు ప్రపంచబ్యాంకు భారీ సాయాన్ని అందించింది. భారత్‌తో పాటు కరోనాను ఎదుర్కొంటున్న పలు దేశాలకు ప్రపంచబ్యాంకు ఆర్ధిక సాయాన్ని ప్రకటించింది. కరోనాను తీవ్రంగా ప్రతిఘటిస్తున్న భారత్‌కు ఒక బిలియన్‌ డాలర్ల భారీ ఆర్ధిక సాయాన్ని ప్రకటించింది ప్రపంచబ్యాంక్‌..
  • ఉమ్మడి ఆదిలాబాద్‌ జిల్లాలో ఆశా వర్కర్లు ఇంటింటి సర్వే చేస్తున్నారు. ఇది గందరగోళానికి దారి తీస్తోంది. ఢిల్లీ నుంచి వచ్చిన వ్యక్తి ఇంటికి వెళ్లారు ఆశావర్కర్లు. సర్వే కోసమని వెళ్లిన ఆశా వర్కర్లను దుర్భాషలాడటమే కాకుండా వారిపై దాడికి ప్రయత్నించారు
  • అమరావతి ఏపీ ప్రభుత్వం కీలక నిర్ణయం ఎస్మా పరిధిలోకి ప్రభుత్వ, ప్రైవేట్‌ వైద్య సర్వీసులు. 6 నెలల పాటు ఎస్మా పరిధిలోకి తెస్తూ జీవో కూడా విడుదల. ఈ చట్టం కింద పనిచేయడానికి నిరాకరించిన వారిని శిక్షించే అధికారం ప్రభుత్వానికి ఉందంటూ జీవో జారీ.

Breaking News: తమిళనాట తెలుగు పార్టీ

telugu party in tamil politics, Breaking News: తమిళనాట తెలుగు పార్టీ

Telugu political party in Tamil politics: తమిళనాడులో తెలుగు ప్రజలను ఏకం చేయడానికి ఓ తెలుగు పార్టీ ఆవిర్భవించబోతోంది. అది కూడా రాష్ట్ర స్థాయిలో ఉన్నతాధికారిగా పనిచేసి రిటైర్ అయిన మాజీ ఐఏఎస్ అధికారి ఏర్పాటు చేయబోతున్నారు. 2021లో జరిగే తమిళనాడు అసెంబ్లీ ఎన్నికలే లక్ష్యంగా తమిళనాడులో తెలుగు పార్టీని ఏర్పాటు చేయబోతున్నట్లు సదరు అధికారి ప్రకటించారు.

తమిళనాడులో భాషాభిమానం ఏ లెవెల్లో వుంటుందో అందరికీ తెలిసిందే. అలాంటి తమిళనాట.. తెలుగు ప్రజలను ఏకం చేసేందుకు తెలుగు పార్టీని పెట్టబోతున్నట్లు ప్రకటించారు తమిళనాడు ప్రభుత్వ మాజీ ప్రధాన కార్యదర్శి రామ్మోహన్ రావు. ‘‘ తెలుగు వారి కోసం రాజకీయ పార్టీ పెడతాను..’’ అంటూ ఆరునెలల పాటు తమిళనాడు వ్యాప్తంగా పలు తెలుగు సంఘాలవారిని ఒక్కతాటిపైకి తెచ్చే ప్రక్రియ కొనసాగించిన తర్వాత రాజకీయ పార్టీని ఏర్పాటు చేస్తానని రామ్మోహన్ రావు ప్రకటించారు.

రజినీకాంత్, కమల్ హాసన్ వంటి వారు వారి ప్రకటనల ద్వారా ప్రజలను అయోమయంలోకి నెడుతున్నారని రామ్మోహన్ రావు అంటున్నారు. రజనీకాంత్, కమల్ హాసన్‌లతో పాటు హీరో విజయ్ కూడా రాజకీయాల్లోకి వచ్చే ఆలోచన చేస్తున్నాడని ఆయన అభిప్రాయపడ్డారు. 2021 ఎన్నికలలో ఎవరు అధికారంలోకి వచ్చినా తెలుగు వారు మాత్రం కచ్చితంగా రాజకీయ శక్తీ గా ఎదగాల్సిన అవసరం వుందని రామ్మోహన్ రావు అంటున్నారు.

Related Tags