Telangana: మానవత్వం మరిచిన అద్దె ఇంటి యజమాని.. కొన ఊపిరితో ఉన్నాడన్న కనికరం లేకుండా

మనిషి బతకడానికి కూడు, గూడు, గుడ్డ అత్యంత అవసరమని తెలిసిందే. అయితే.. ఉండేందుకు సొంత ఇల్లు లేని వారు ఎందరో. ఏళ్లుగా అద్దె ఇంట్లోనే ఉంటూ మగ్గిపోతున్నారు. యజమానుల వేధింపులు, రూల్స్, వాళ్లు చెప్పినట్లు నడుచుకోవడం వంటివాటితో నలిగిపోతున్నారు. అంతే కాదు.. ఆరోగ్యం బాగా లేక జబ్బు చేస్తే అద్దె ఇళ్లల్లో ఉండనీయడం లేదు. ఇలాంటి ఘటనలు కరోనా సమయంలో ఎన్నో చూశాం. దురదృష్టవశాత్తు చనిపోతే మృతదేహాన్ని ఇంట్లోకి కూడా రానివ్వని ఘటనలు ఎన్నో. తాజాగా ఇలాంటి ఘటనే జరిగింది. అనారోగ్యంతో బాధ పడుతూ కొన ఊపిరితో కొట్టుమిట్టాడుతున్న వ్యక్తిని అద్దె ఇంట్లోకి తీసుకువచ్చేందుకు యజమాని అంగీకరించలేదు. దీంతో గత్యంతరం లేక కుటుంబసభ్యులు బతికుండగానే శ్మశానవాటికకు తరలించారు. అక్కడ కొన్ని గంటల తర్వాత బాధితుడు కన్నుమూశాడు. ఈ ఘటన స్థానికంగా తీవ్ర విషాదం నింపింది.

తెలంగాణలోని ములుగు జిల్లా వెంకటాపూర్ గ్రామానికి చెందిన లక్ష్మణ చారి.. తల్లిదండ్రులు సోమయ్య, సరోజినితో కలిసి అద్దె ఇంట్లో నివాసముంటున్నాడు. వడ్రంగి పని చేసుకుంటూ కుటుంబాన్ని పోషించుకుంటున్నాడు. ఆరు నెలల క్రితం లక్ష్మణచారి వెన్నెముకకు గాయమైంది. వైద్యులకు చూపించినా ఆరోగ్యం కుదుపటపడలేదు. దీంతో నడవలేని స్థితికి చేరుకున్నాడు. ఈ క్రమంలో మంగళవారం సాయంత్రం అతని పరిస్థితి విషమించింది. వైద్యులు ఇంటికి తీసుకెళ్లాలని చెప్పారు.

కొన ఊపిరితో ఉన్న ఆయనను కుటుంబసభ్యులు తీసుకురాగా అద్దె ఇంటి యజమాని అడ్డుకున్నాడు. ఇంట్లోకి వచ్చేది లేదని చెప్పేశాడు. దీంతో చేసేదేమీ లేక లక్ష్మణాచారి కుటుంబ సభ్యులు అతణ్ని శ్మశానవాటికకు తీసుకెళ్లారు. మంగళవారం రాత్రి అక్కడే ఉంచారు. బుధవారం ఉదయం లక్ష్మణచారి మృతి చెందాడు. విషయం తెలుసుకున్న స్థానిక ఎస్సై రాధిక, సర్పంచ్, పంచాయతీ సిబ్బంది సహకారంతో అంత్యక్రియలు నిర్వహించారు.

మరిన్ని క్రైమ్ వార్తల కోసం ఈ లింక్ క్లిక్ చేయండి

ఇవీచదవండి.

శ్రీలంక దారిలోనే మయన్మార్.. వేగంగా మారుతోన్న పరిణామాలు.. నిత్యావసరాల కొరతతో ప్రజల ఇబ్బందులు..

Viral Video: కాలేజీలో అమ్మాయిల మధ్య కుస్తీ పోటీ.. నెట్టింట రచ్చ చేస్తోన్న వీడియో!