TSRTC: అబ్బ.. ఏం ఆఫర్ అన్నా.. 8 రోజుల ముందే టికెట్స్ బుక్ చేస్తే..

తెలంగాణ రాష్ట్ర రోడ్డు రవాణా సంస్థ (TSRTC) మే 3, శుక్రవారం ప్రయాణీకుల కోసం మరో బంపర్ ఆఫర్ ప్రకటించింది.  ఎక్కువ దూరం ప్రయాణించే ప్రయాణికులు.. ఎనిమిది రోజుల ముందుగానే బుకింగ్‌లు చేసుకుంటే రిజర్వేషన్ ఫీజును ఉండదని ప్రకటించింది. ఎనిమిది రోజుల ముందుగానే బుకింగ్‌లు చేసుకోడానికి.. కోసం http://tsrtconline.in వెబ్ సైట్ విజిట్ చేయాలని TSRTC ఎండీ సజ్జనార్ తెలిపారు. 

సుదూర ప్రాంతాలకు వెళ్లే ప్రయాణికుల కోసం రిజర్వేషన్ చార్జీలను #TSRTC మినహాయింపు ఇస్తోంది. 8 రోజుల ముందు ముందస్తు రిజర్వేషన్ చేసుకునే వారికి ఈ మినహాయింపు వర్తిస్తుంది. టీఎస్ఆర్టీసీ బస్సుల్లో ముందస్తు రిజర్వేషన్ కోసం https://t.co/F0naRXIa8A వెబ్ సైట్ ని సంప్రదించండి.@TSRTCHQ… pic.twitter.com/RVJLegoj5A

— VC Sajjanar – MD TSRTC (@tsrtcmdoffice) May 3, 2024

కాగా వేసవి నేపథ్యంలో తెలంగాణ నుంచి.. ఏపీలోని శ్రీశైలం భ్రమరాంబ మల్లికార్జున స్వామి అమ్మవారి దేవస్థానానికి వెళ్లే భక్తుల సంఖ్య పెరిగింది. యాత్రికుల సంఖ్య పెరగడంతో హైదరాబాద్, సికింద్రాబాద్, రంగారెడ్డి ప్రాంతాల నుంచి.. శ్రీశైలంకు బస్సు సర్వీసులు,  ఫ్రీక్వెన్సీని పెంచాలని TSRTC నిర్ణయించింది. ఈ బస్సు సర్వీసులు MGBS నుండి తెల్లవారుజామున 3:30 గంటలకు ప్రారంభమతాయి. రాత్రి 11:45 వరకు కొనసాగుతాయి. యాత్రికులు వారి ప్రయాణ అభిరుచికి తగ్గట్లుగారాత్రి లేదా పగలు సమాయాల్లో ఈ బస్సు సర్వీసులను వినియోగించుకోవచ్చు.

వండలా లా వద్ద కూడా ఆఫర్…

హైదరాబాద్‌లోని వండర్‌లా కూడా TSRTC బస్సులో ప్రయాణించే వారికి సూపర్ ఆఫర్ అనౌన్స్ చేసింది. మీరు టీఎస్ఆర్‌టీసీ బస్సులో వండర్‌లా వెళ్తే పార్క్ ఎంట్రీ టికెట్స్‌పై 15 శాతం రాయితీ పొందొచ్చు. హైదరాబాద్‌లోని వేర్వేరు ప్రాంతాల నుంచి వండర్‌లాకు TSRTC బస్సులు అందుబాటులో ఉన్నాయి. ఈ బస్సుల్లో ప్రయాణించి.. వండర్‌లాకు వచ్చే వారికి.. పార్క్ ఎంట్రీ టికెట్స్‌పై 15 శాతం డిస్కౌంట్ ఆఫర్‌ అందుబాటులో ఉంది.

హైదరాబాద్‌ నుంచి విజయవాడ మార్గాల్లో ప్రయాణించేవారికి…

హైదరాబాద్ నుంచి విజయవాడ రూట్‌లో వెళ్లే ప్రయాణీకులు.. TSRTC బస్సుల్లో ముందస్తు రిజర్వేషన్ చేసుకుంటే 10 శాతం డిస్కౌంట్‌ను కల్పిస్తున్నట్లు రోడ్డు రవాణా సంస్థ తెలిపింది. తిరుగు ప్రయాణ టికెట్‌పై ఈ రాయితీ ఆఫర్ వర్తిస్తుందని వెల్లడించింది.

మరిన్ని తెలంగాణ వార్తల కోసం ఇక్కడ క్లిక్ చేయండి..