VC Sajjanar: టీఎస్‌ ఆర్టీసీ ఎండీ సజ్జనార్‌కు తప్పిన పెను ప్రమాదం.. మహారాష్ట్ర వెళ్తుండగా..

తెలంగాణ ఆర్టీసీ ఎండీ సజ్జనార్‌కు పెను ప్రమాదం త‌ప్పింది. సజ్జనార్‌ ప్రయాణిస్తున్న కారును ఆటో ఢీకొట్టింది. దీంతో సజ్జనార్‌కు స్వల్ప గాయాలయ్యాయి.

VC Sajjanar: టీఎస్‌ ఆర్టీసీ ఎండీ సజ్జనార్‌కు తప్పిన పెను ప్రమాదం.. మహారాష్ట్ర వెళ్తుండగా..
Sajjanar
Shaik Madarsaheb

|

Oct 02, 2022 | 6:49 AM

తెలంగాణ ఆర్టీసీ ఎండీ సజ్జనార్‌కు పెను ప్రమాదం త‌ప్పింది. సజ్జనార్‌ ప్రయాణిస్తున్న కారును ఆటో ఢీకొట్టింది. దీంతో సజ్జనార్‌కు స్వల్ప గాయాలయ్యాయి. ఈ ఘటన పెద్దపల్లి జిల్లాలో జరిగింది. పాలకుర్తి మండలం ధర్మారం క్రాస్ రోడ్డు వద్ద శనివారం రాత్రి ఈ ప్రమాదం జరిగినట్లు అధికారులు తెలిపారు. టీఎస్‌ ఆర్టీసీ ఎండీ సజ్జనార్ మహారాష్ట్రకు వెళుతుండగా ధర్మారం క్రాస్ రోడ్ వద్ద రామగుండం వైపు వెళ్తున్న ఆటో ఒక్కసారిగా రాజీవ్ రహదారి పైకి అడ్డంగా దూసుకొచ్చింది. ఈ క్రమంలో ఆటో సజ్జనార్‌ ప్రయాణిస్తున్న కారును ఢీకొట్టింది. ఈ ప్రమాదంలో ఆటోలో ప్రయాణిస్తున్న నలుగురు గాయపడగా, ఆర్టీసీ ఎండీ సజ్జనార్‌కు స్వల్ప గాయాలయ్యాయి.

ఆటోలో ప్రయాణిస్తున్న వారిలో రామగుండం మండలం మల్యాలపల్లి గ్రామానికి చెందిన నాగరాజు, లక్ష్మిలకు తీవ్ర గాయాలు కాగా అంతర్గాం మండలం రాయబండి గ్రామానికి చెందిన నూనె భూమయ్య, లక్ష్మికు స్వల్పగాయాలయ్యాయి. క్షతగాత్రులను వెంట‌నే పెద్దపెల్లి ప్రభుత్వ ఆసుపత్రికి తరలించి ప్రాథమిక చికిత్స అందించారు. అనంతరం కరీంనగర్‌కు తరలించినట్లు అధికారులు తెలిపారు.

కాగా.. ఆర్టీసీ ఎండీ సజ్జనార్ కుడి చేతి వేలుకు గాయమైనట్టు తెలుస్తోంది. ఆటో డ్రైవర్ తాగి వాహనం నడపడంతో ఈ ప్రమాదం జరిగినట్లు పేర్కొంటున్నారు. ఈ ఘటనకు సంబంధించి మరిన్ని వివరాలు తెలియాల్సి ఉంది.

ఇవి కూడా చదవండి

మరిన్ని తెలంగాణ వార్తల కోసం ఇక్కడ క్లిక్ చేయండి..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu