Telangana: భారీగా IPS అధికారుల బదిలీలు.. ఏకంగా 91 మందికి బదిలీలు, పోస్టింగులు.. పూర్తి వివరాలు..

Shaik Madarsaheb

Shaik Madarsaheb |

Updated on: Jan 26, 2023 | 7:35 AM

తెలంగాణలో భారీగా ఐపీఎస్‌ అధికారుల బదిలీలు జరిగాయి. ఒకేసారి 92 మంది ఐపీఎస్ అధికారులకు బదిలీలు, పోస్టింగులు ఇస్తూ తెలంగాణ సర్కారు కీలక నిర్ణయం తీసుకుంది.

Telangana: భారీగా IPS అధికారుల బదిలీలు.. ఏకంగా 91 మందికి బదిలీలు, పోస్టింగులు.. పూర్తి వివరాలు..
Ips Transfers

తెలంగాణలో భారీగా ఐపీఎస్‌ అధికారుల బదిలీలు జరిగాయి. ఒకేసారి 92 మంది ఐపీఎస్ అధికారులకు బదిలీలు, పోస్టింగులు ఇస్తూ తెలంగాణ సర్కారు కీలక నిర్ణయం తీసుకుంది. జిల్లా ఎస్పీలతో సహా పలువురు సీనియర్‌ ఐపీఎస్‌లను ట్రాన్స్‌ఫర్‌ చేసింది. పోలీసులు, బదిలీల అంశంపై ప్రగతిభవన్‌లో సీఎం కేసీఆర్‌, రాష్ట్ర డీజీపీతో చర్చలు జరిపారు. కరీంనగర్, రామగుండం సీపీలు, నల్గొండ, సిరిసిల్ల, వనపర్తి, మహబూబ్‌నగర్ ఎస్పీలు బదిలీ అయినవారి జాబితాలో ఉన్నారు. రాచకొండ సంయుక్త కమిషనర్‌గా సత్యనారాయణ, హైదరాబాద్‌ సంయుక్త కమిషనర్‌గా గజరావు భూపాల్‌, రామగుండం కమిషనర్‌గా రెమా రాజేశ్వరి, రామగుండం సీపీగా సుబ్బారాయుడిని నిమించింది ప్రభుత్వం. మల్కాజిగిరి డీసీపీగా జానకి ధరావత్‌ను నియమించింది. GHMC ఎన్‌ఫోర్స్‌మెంట్‌ విజిలెన్స్‌ డైరెక్టర్‌గా ప్రకాశ్‌రెడ్డి, రాచకొండ ట్రాఫిక్ డీసీపీగా అభిషేక్‌ మహంతి, శాంతి భద్రతల ఏఐజీగా సన్‌ప్రీత్‌ సింగ్‌, ఇంటెలిజెన్స్‌ ఎస్పీగా విజయ్‌కుమార్‌,సైబర్‌ సెక్యూరిటీ బ్యూరో ఎస్పీగా విశ్వజిత్‌ కంపాటిని నియమించింది.

విజిలెన్స్‌ ఎస్పీగా అన్నపూర్ణ, మహిళా భద్రతా విభాగం ఎస్పీగా పద్మజ, పోలీసు అకాడమీ డిప్యూటీ డైరెక్టర్‌గా జానకి షర్మిల, నల్గొండ ఎస్పీగా అపూర్వరావు, సీఐడీ ఎస్పీగా యాదగిరి, వనపర్తి ఎస్పీగా రక్షితామూర్తి, జోగులాంబ గద్వాల్‌ ఎస్పీగా సృజన, మహబూబ్‌నగర్‌ ఎస్పీగా నరసింహ, ఖమ్మం సీపీగా సురేష్‌, జగిత్యాల ఎస్పీగా భాస్కర్‌, ములుగు ఎస్పీగా గౌస్‌ అలం, రాజన్న సిరిసిల్ల ఎస్పీగా అఖిల్‌ మహజన్‌ను నియమించారు. ఆర్టీసీ విజిలెన్స్‌ ఎస్పీగా పాటిల్‌ సంగ్రామ్‌ సింగ్, యాదాద్రి డీసీపీగా రాజేశ్‌ చంద్ర, సీఐడీ ఎస్పీలుగా ఎం.నారాయణ, వి. తిరుపతి, హైదరాబాద్‌ దక్షిణ మండల డీసీపీగా సాయి చైతన్య, హైదరాబాద్‌ క్రైమ్‌ డీసీపీగా శబరిశ్‌, హైదరాబాద్‌ సౌత్‌ వెస్ట్‌ జోన్‌ డీసీపీగా కె.కె ప్రభాకర్‌, హైదరాబాద్‌ సౌత్‌ ఈస్ట్‌ జోన్‌ డీసీపీగా రూపేశ్‌ బదిలీ అయిన వారిలో ఉన్నారు.

లేటెస్ట్ న్యూస్ హైలెట్స్ చూడండి

ఒకే నెలలో రెండుసార్లు పెద్దసంఖ్యలో ఐపీఎస్‌లు బదిలీలు అయ్యారు. జనవరి 4వ తేదీన 29 మంది ఐపీఎస్‌ల బదిలీలు కాగా, తాజాగా 92 మందిని బదిలీలు, పోస్టింగ్‌లు చేస్తూ ప్రభుత్వం నిర్ణయం తీసుకుంది. వీటిలో లాంగ్ స్టాండింగ్ పీరియడ్‌లో ఉన్నవారిని ట్రాన్స్‌ఫర్‌ చేశారు. ఐతే ఎన్నికల సమయం దగ్గరపడుతుండటంతో భారీగా ఐపీఎస్‌ల బదిలీలు జరిగాయని భావిస్తున్నారు.

ఇవి కూడా చదవండి

మరిన్ని తెలంగాణ వార్తల కోసం..

Follow us on

Related Stories

Most Read Stories

Click on your DTH Provider to Add TV9 Telugu