Telangana Assembly Session: అసెంబ్లీ సమావేశాలకు ముహూర్తం ఖరారు.. ఆ రోజే బడ్జెట్ ప్రవేశపెట్టే అవకాశం..
తెలంగాణ బడ్జెట్ సమావేశాలు ( అసెంబ్లీ సమావేశాలు ) ఫిబ్రవరి 3వ తేదీ నుంచి ప్రారంభం కానున్నాయి. మూడో తేదీ మధ్యాహ్నం 12:10 గంటలకు శాసనసభ సమావేశాలు ప్రారంభమవుతాయి. ఆ రోజే బడ్జెట్ ప్రవేశపెట్టే...
తెలంగాణ బడ్జెట్ సమావేశాలు ( అసెంబ్లీ సమావేశాలు ) ఫిబ్రవరి 3వ తేదీ నుంచి ప్రారంభం కానున్నాయి. మూడో తేదీ మధ్యాహ్నం 12:10 గంటలకు శాసనసభ సమావేశాలు ప్రారంభమవుతాయి. ఆ రోజే బడ్జెట్ ప్రవేశపెట్టే అవకాశం ఉంది. ఈ మేరకు అసెంబ్లీ, మండలి సమావేశాలపై ఎమ్మెల్యేలు, ఎమ్మెల్సీలకు సమాచారం అందించారు. తెలంగాణ రాష్ట్ర బడ్జెట్ 2023-24 ప్రతిపాదనలపై ముఖ్యమంత్రి కేసీఆర్ శనివారం మధ్యాహ్నం సమీక్ష నిర్వహించారు. ఈ సమావేశానికి ఆర్థిక శాఖ మంత్రి హరీశ్రావు హాజరయ్యారు. 2023-24 ఆర్థిక సంవత్సరంలో రాష్ట్ర బడ్జెట్ రూ.2.85 లక్షల కోట్ల నుంచి రూ.3 లక్షల కోట్ల వరకు ఉండొచ్చని ఆర్థిక వర్గాలు అంచనా వేస్తున్నాయి.
కాగా.. 2022-23లో ప్రభుత్వ వ్యయం ఇప్పటికే రూ.2 లక్షల కోట్లు దాటినట్టు అంచనా వేస్తున్నారు. ఈ ఆర్థిక సంవత్సరంలో ఇంకా రెండు నెలలు మిగిలి ఉన్నాయి. అవి కూడా కలుపుకొంటే రూ.2.10 లక్షల కోట్ల నుంచి రూ.2.15 లక్షల కోట్ల వరకు లెక్క తేలుతుందని ఆర్థిక నిపుణులు చెబుతున్నారు.
మరిన్ని తెలంగాణ వార్తల కోసం ఇక్కడ క్లిక్ చేయండి..