Ramana Meet KCR: టీఆర్ఎస్లో చేరేందుకు రమణకు లైన్ క్లియర్.. మరికాసేపట్లో ప్రగతి భవన్లో సీఎం కేసీఆర్తో భేటీ!
తెలంగాణ తెలుగు దేశం పార్టీ అధ్యక్షుడు ఎల్ రమణ సైకిల్ దిగి కారెక్కేందుకు సిద్ధమయ్యారు. ఈ మేరకు ముఖ్యమంత్రి కేసీఆర్తో ఇవాళ సాయంత్రం 6 గంటలకు భేటీ కానున్నారు.
Ramana Meet KCR at Pragathi Bhavan: తెలంగాణ తెలుగు దేశం పార్టీ అధ్యక్షుడు ఎల్ రమణ సైకిల్ దిగి కారెక్కేందుకు సిద్ధమయ్యారు. ఈ మేరకు ముఖ్యమంత్రి కేసీఆర్తో ఇవాళ సాయంత్రం 6 గంటలకు భేటీ కానున్నారు. మాజీ మంత్రి ఈటల రాజేందర్ టీఆర్ఎస్ పార్టీ వీడటంతో.. కరీంనగర్ జిల్లాకు చెందిన రమణ టీఆర్ఎస్లో చేరతారనే ఊహాగానాలు ఇటీవల బాగా వినిపించిన సంగతి తెలిసిందే. అంతేకాకుండా నియోజకవర్గ స్థాయిలోని పలువురు నేతలతో వరుసగా సమావేశమై పార్టీ మారడంపై చర్చించారు. స్థానిక నేతల అభిప్రాయాలు తీసుకున్న తర్వాతనే రమణ నిర్ణయం తీసుకున్నట్లు తెలుస్తోంది.
మంత్రి ఎర్రబెల్లి దయాకర్ రావు, జగిత్యాల ఎమ్మెల్యే సంజయ్కుమార్తో కలిసి రమణ.. ఇవాళ సాయంత్రం సీఎం క్యాంపు కార్యాయం ప్రగతి భవన్లో ముఖ్యమంత్రి కేసీఆర్ను కలిసే అవకాశముంది. త్వరలో ఎమ్మెల్యేల కోటాలో ఆరు, గవర్నర్ కోటాలో ఒక ఎమ్మెల్సీ స్థానాలు భర్తీ చేయనున్నారు. ఈ నేపథ్యంలోనే రమణకు టీఆర్ఎస్ ఎమ్మెల్సీ పదవి ఆఫర్ చేసినట్లు సమాచారం. అంతేకాదు, ఈటల పార్టీ వీడటంతో కార్యకర్తలకు రమణ చేరడంతో భర్తీ చేసుకోవచ్చని టీఆర్ఎస్ అధిష్టానం భావిస్తోంది.