Corona vaccine: టీకా వేసుకున్నాక కనిపించే లక్షణాలెంటీ.. వ్యాక్సిన్ గురించి నిపుణులు ఏమంటున్నారు ?

Corona vaccine: టీకా వేసుకున్నాక కనిపించే లక్షణాలెంటీ.. వ్యాక్సిన్ గురించి నిపుణులు ఏమంటున్నారు ?

దేశవ్యాప్తంగా కరోనా వ్యాక్సిన్ పంపిణీ శనివారం ప్రారంభం కాబోతుంది. కరోనా టీకాల గురించి ప్రజలలో అనేక సందేహాలు వ్యక్తం చేస్తున్నారు. ఈ నేపథ్యంలో

Rajitha Chanti

|

Jan 16, 2021 | 10:33 AM

Corona Vaccination: దేశవ్యాప్తంగా కరోనా వ్యాక్సిన్ పంపిణీ శనివారం ప్రారంభం కాబోతుంది. కరోనా టీకాల గురించి ప్రజలలో అనేక సందేహాలు వ్యక్తం చేస్తున్నారు. ఈ నేపథ్యంలో కరోనా టీకాలు సురక్షితమని, ప్రజలు దైర్యంగా వేసుకోవచ్చని ప్రజారోగ్య విభాగం సంచాలకుడు శ్రీనివాసరావు, డీఎంఈ రమేశ్ రెడ్డి తెలిపారు. సాధరణంగా ఏ టీకాలు వేసుకున్నా కానీ జ్వరం, కండరాల నొప్పి, దురదలు వంటి లక్షణాలు కనిపిస్తాయని, వాటి గురించి ఆందోళన చెందాల్సిన పనిలేదన్నారు. తెలంగాణ రాష్ట్ర వ్యాప్తంగా శనివారం 139 కేంద్రాల్లో టీకా పంపిణీ ప్రారంభమవుతుందని చెప్పారు. అలాగా కరోనా వాక్సిన్ గురించి ఎవరు ఆందోళన పడొద్దని విజ్ఞప్తి చేశారు. దాదాపు కొంతమందిలో టీకా తీసుకున్న తర్వాత జ్వరం రావడం, తలనొప్పి రావడం సహజమని తెలిపారు. అంతేకానీ వ్యాక్సిన్ తీసుకున్న తర్వాత సైడ్ ఎఫెక్ట్స్ కావని తెలిపారు. వ్యాక్సిన్ తీసుకున్న తర్వాత జ్వరం, దురదలు, కండరాల నొప్పి వంటివి సాధారణమైన లక్షణాలని తెలిపారు. ఇక ఇలాంటి లక్షణాలు కేవలం ఒక రెండు రోజుల్లో తగ్గిపోతాయని, రెండో డోస్ తర్వాత ఇవే లక్షణాలు కాస్త ఎక్కువగా కనిపిస్తాయని చెప్పారు.

కొవిషీల్డ్ టీకా వేసుకున్నాక కనిపించే లక్షణాలు.. టీకా వేసిన ప్రదేశంలో నొప్పి, చర్మం సున్నితంగా మారటం, తలనొప్పి, అలసట, కండరాల నొప్పి, అశాంతిగా అనిపించడం, జ్వరం, చలి, కీళ్ళ నొప్పులు, కడుపులో వికారం మొదలైన లక్షణాలు కనిపిస్తాయి.

కొవాగ్జిన్ టీకా వేసుకున్నాక కనిపించే లక్షణాలు.. టీకా వేసిన ప్రాంతంలో నొప్పి, చర్మం సున్నితంగా మారటం, తలనొప్పి, అలసట, కండరాల నొప్పి, జ్వరం, కీళ్ళ నొప్పులు, ఒళ్ళు నొప్పులు, కడుపులో వికారం, వాంతులు, చమట పట్టడం, జలుబు, దగ్గు, చిరాకుగా అనిపించడం, శరీరం వణకడం వంటి లక్షణాలు కనిపిస్తాయి.

Also Read: ప్రపంచవ్యాప్తంగా విజృంభిస్తున్న కరోనా.. గడిచిన 24 గంటల్లో 6,18,399 కేసులు, 10,178 మరణాలు.

ఆంధ్రప్రదేశ్‌లో తగ్గుముఖంపట్టిన కరోనా.. కొత్తగా 753 మందికి కొవిడ్ పాజిటివ్

Follow us on

Related Stories

Most Read Stories

Click on your DTH Provider to Add TV9 Telugu