Telangana: ఆదిలాబాద్‌లో వైభవంగా అయ్యప్ప ఆరట్టు ఉత్సవం.. ఘనంగా శోభయాత్ర..

ఆదిలాబాద్ జిల్లా కేంద్రంలో శ్రీ అయ్యప్ప స్వామి ఆరట్టు ఉత్సవాన్ని ఘనంగా నిర్వహించారు. స్థానిక శ్రీ రామచంద్ర గోపాల కృష్ణ మఠం నుంచి ఆదివారం ప్రారంభమైన ఆరట్టు ఉత్సవం పట్టణ పురవీధుల గుండా కొనసాగింది. మఠాధిపతి శ్రీ యోగానంద సరస్వతి స్వామీ ఆధ్వర్యంలో అయ్యప్ప భక్తులు చేపట్టిన ఆరట్టు ఉత్సవం అంగరంగ వైభవంగా సాగింది. ముందుగా అయ్యప్ప స్వామి ఉత్సవ విగ్రహాన్ని పల్లకిలో ఉంచి పట్టణ పురవీధుల గుండా ఊరేగించారు. శోభాయాత్రలో అయ్యప్ప దీక్షదారులు, భక్తుల భజన కీర్తనలు, అయ్యప్ప స్వామి నామస్మరణతో పట్టణ పురవీధుల మారుమ్రోగాయి. కేరళ ప్రత్యేక డోలు వాయిద్యాలు శోభాయాత్రలో ప్రత్యేక ఆకర్షణగా నిలిచాయి. ఎమ్మెల్యే పాయల్ శంకర్ శోభయాత్రలో పాల్గొని అయ్యప్ప మాలదారులతో కలిసి ఆడిపాడారు. దారి పొడవునా మహిళలు భక్తులు పెద్ద ఎత్తున మంగళహారతులతో శోభయాత్రకు స్వాగతం పలికారు.

మరిన్ని తెలంగాణ వార్తల కోసం ఇక్కడ క్లిక్ చేయండి