Telangana Politics: కాంగ్రెస్ Vs బీజేపీ.. తెలంగాణ రాజకీయాలను హీటెక్కిస్తున్న రేవంత్, దాసోజు ట్విట్ వార్..

Revanth Reddy Vs Dasoju Sravan: ట్వీట్లు అయినా తిట్లు అయినా.. తెలంగాణ రాజకీయం తర్వాతే..? టార్గెట్ 2023గా ప్రధాన పార్టీల మధ్య మాటల యుద్ధం వేరే లెవల్‌కి వెళ్తోంది. తాజాగా.. బీజేపీ – కాంగ్రెస్ (Congress Vs BJP) మధ్య అల్లర్లపై ట్వీట్ల యుద్ధం మరింత హీటెక్కిస్తోంది. పక్కా పథకం ప్రకారమే బీజేపీ మత ఘర్షణలు రేపుతోందని ఆరోపించారు టీపీసీసీ చీఫ్ రేవంత్ రెడ్డి. విద్వేషాలు రెచ్చగొట్టి రాజకీయ లబ్ధి పొందాలనుకుంటోందనీ.. బండి సంజయ్, దాసోజ్ శ్రవణ్ ఆధ్వర్యంలో ఈ కుట్ర జరిగిందనేది రేవంత్ ఆరోపణ. అంతే కాదు ఇదిగో సాక్ష్యం అంటూ ట్విట్టర్ వేదికగా ఓ వీడియో కూడా రిలీజ్ చేశారు.

ఇదిగో…. బీజేపీ నైజం!

ఇవి కూడా చదవండి

Indian Americans: అమెరికాలో దారుణం.. మీ దేశానికి వెళ్లిపోండి అంటూ భారతీయ మహిళలపై దాడి.. వీడియో

Congress: వీడని ఉత్కంఠ.. మరోసారి ఆలస్యం కానున్న కాంగ్రెస్‌ అధ్యక్షుడి ఎన్నిక..!

Telangana BJP: బీజేపీకి మళ్లీ షాక్‌.. వరంగల్‌ సభకు అనుమతి నిరాకరణ.. అసలేమైందంటే..?

Gold Silver Price: తగ్గెదేలే.. మళ్లీ పెరిగిన బంగారం, వెండి ధరలు.. తెలుగు రాష్ట్రాల్లో ఎలా ఉన్నాయంటే..?

హైదరాబాద్ లో మత ఘర్షణల పై బీజేపీ రాష్ట్ర అధ్యక్షుడు బండి సంజయ్ మనసులో మాట వినండి. ఏ కుట్రకు ఈ గుసగుసలు!? వీళ్లా నాయకులు…ఇలాంటి క్రూరసిద్ధాంతాలు కలిగిన పార్టీని ఏం చేయాలో తెలంగాణ సమాజమే ఆలోచన చేయాలి. pic.twitter.com/xW3D64wKh6

— Revanth Reddy (@revanth_anumula) August 25, 2022

కాగా.. ఈ వీడియోపై దాసోజు శ్రవణ్ తీవ్ర స్థాయిలో మండిపడ్డారు. ఎడిట్‌ చేసిన వీడియోతో తమపై విషం కక్కుతున్నారని ఆరోపించారు. అంతే కాదు ఆ వీడియో రియల్ అని నిరూపిస్తే.. తాను రాజకీయాల నుంచి తప్పుకుంటానంటూ దాసోజు శ్రవణ్ సవాల్ విసిరారు. నిరూపించలేకపోతే మీరేం చేస్తారని స్ట్రాంగ్‌ కౌంటర్‌ ఇచ్చారు దాసోజు.

నీకు దమ్ముంటే @revanth_anumula నీవు ప్రచారం చేస్తున్న వీడియోను ఫోరెన్సిక్ లాబొరేటరీస్ లో పరీక్షచేయించు. నీ ఆరోపణలు నిజమని తేలితే నేను నమ్మే కనకదుర్గ అమ్మవారి సాక్షిగా నాభవిష్యత్తు జీవితంలో రాజకీయాల జోలికిరాను. ఒక వేళ నీవు అబద్ధమని తేలితే, .. ..మూసుకొని కూర్చుంటావా? సిద్ధమా? pic.twitter.com/D3AiqEiP7B

— Prof Dasoju Srravan (@sravandasoju) August 25, 2022

కాంగ్రెస్ పార్టీలో సుదీర్ఘ సేవలు అందించిన దాసోజు.. ఇటీవలే ఆ పార్టీకి రాజీనామా చేసి బీజేపీలో చేరారు. ఆ సందర్భంగా పీసీసీ చీఫ్‌పై తీవ్ర ఆరోపణలు చేసారు. రేవంత్‌రెడ్డి వచ్చే వరకు పార్టీ బాగానే ఉందని, ఆ తర్వాతే భ్రష్టుపట్టిందని ఆరోపించారు. ఎన్ని ఇబ్బందులు ఎదురైనా ఏడాది నుంచి కడుపులో దాచుకుని ఇప్పుడు వెళ్లగక్కాల్సి వచ్చిందని చెప్పారు. రాహుల్‌ చెప్పినా, ఏఐసీసీకి లేఖలు రాసినా మార్పు లేదని, అందుకే రాజీనామా చేస్తున్నానని ప్రకటించారు. ఇప్పుడు మళ్లీ వీళ్లిద్దరి మధ్య మాటల యుద్ధం మొదలైంది.

మరిన్ని తెలంగాణ వార్తల కోసం ఇక్కడ క్లిక్ చేయండి