Munugode By Poll 2022: తులం బంగారమన్నారు.. డబ్బులన్నారు.. చిల్లిగవ్వ ఇవ్వలేదు.. మేం ఓటెయ్యం..
మునుగోడు బైపోల్‌లో ఓటింగ్ జోరందుకుంది. మధ్యాహ్నం ఒంటిగంట వరకు 41.3 శాతం పోలింగ్ నమోదైంది. దాదాపు లక్షమంది ఓటు హక్కు వినియోగించుకున్నారు. నియోజకవర్గంలో మొత్తం 2 లక్షల 41 వేల 805 ఓట్లు ఉన్నాయి
మునుగోడు బైపోల్‌లో ఓటింగ్ జోరందుకుంది. మధ్యాహ్నం ఒంటిగంట వరకు 41.3 శాతం పోలింగ్ నమోదైంది. దాదాపు లక్షమంది ఓటు హక్కు వినియోగించుకున్నారు. నియోజకవర్గంలో మొత్తం 2 లక్షల 41 వేల 805 ఓట్లు ఉన్నాయి. మధ్యాహ్నం వరకు 99 వేల 780 మంది ఓటు హక్కు వినియోగించుకున్నారు.. ఇంకా లక్షా 41 వేలకుపైగా ఓట్లు పోలుకావాల్సి ఉంది. పోలింగ్ కేంద్రాలకు ఓటర్లు భారీగా తరలివస్తున్నారు. దాదాపు అన్ని చోట్ల పెద్ద పెద్ద క్యూ లైన్లు కనిపిస్తున్నాయి.. ఇదే జోరు కంటిన్యూ అయితే గత రికార్డు బ్రేక్‌ అయ్యే అవకాశాలు కనిపిస్తున్నాయి. 2018లో ఇక్కడ 91.3 శాతం ఓటింగ్ నమోదైంది. ఈసారి జోష్‌ చూస్తుంటే.. మునుగోడు ఉపఎన్నికలో 92 శాతానికి పైగా పోలింగ్ నమోదు కావచ్చని అధికారులు అంచనా వేస్తున్నారు.
పోలింగ్ కేంద్రాల వద్ద సిట్యుయేషన్‌ను ఈసీ క్లోజ్‌గా మానీటరింగ్ చేస్తోంది. మొత్తం 298 సెంటర్లలోనూ వెబ్ క్యాస్టింగ్ ఏర్పాటు చేశారు. ఎలాంటి అవాంఛనీయ సంఘటనలు చోటుచేసుకోకుండా అధికారులు గట్టిచర్యలు తీసుకుంటున్నారు. మొదట ఉద్రిక్తతలు తలెత్తినా మధ్యాహ్నం నుంచి ఓటింగ్ ప్రశాంతంగానే కొనసాగుతోంది.
ఓటింగ్ బహిష్కరణ..
ఈ క్రమంలో గట్టుప్పల్ మండలం అంతంపేటలో ఓటర్లు ఓటింగ్ బహిష్కరించారు. టీఆర్ఎస్, బీజేపీ నేతలు డబ్బులు పంచుతామని చెప్పి డబ్బులు ఇవ్వలేదని ఆగ్రహం వ్యక్తంచేశారు. డబ్బులు తెచ్చుకొని నేతలు ఇంట్లో దాచుకున్నారు. తులం బంగారం, డబ్బులు ఇస్తామని చెప్పి ఇవ్వలేదంటూ ఓటర్లు ఆరోపిస్తున్నారు. పక్క గ్రామాల్లో డబ్బులు పంచారు. మేము ఏమి అన్యాయం చేశామంటూ.. దూర ప్రాంతాల నుంచి వచ్చామని.. కానీ ఇవ్వలేదంటూ పేర్కొన్నారు. డబ్బులు పంచితేనే ఓట్లు వేస్తామని ఓటర్లు ఖరాఖండిగా పేర్కొంటున్నారు.
వీడియో చూడండి..
మరిన్ని తెలంగాణ వార్తల కోసం..
