TSRTC: నష్టాల నుంచి బయటపడుతున్న ఆర్టీసీ.. ఆ నిర్ణయాలతో పెరుగుతున్న ఆదరణ

నష్టాల ఊబి నుంచి తెలంగాణ(Telangana) ఆర్టీసీ క్రమంగా బయటపడుతోంది. రాయితీలు, ఆఫర్లు ప్రకటిస్తుండటంతో మార్పు కనిపిస్తోంది. అయితే..గతేడాదితో పోలిస్తే ఈ సారి నష్టాలు కాస్త తగ్గాయి. 2021-22కి 1,986.86 కోట్ల నష్టం నమోదయ్యింది.....

TSRTC: నష్టాల నుంచి బయటపడుతున్న ఆర్టీసీ.. ఆ నిర్ణయాలతో పెరుగుతున్న ఆదరణ
Tsrtc
Ganesh Mudavath

|

Jun 26, 2022 | 6:33 AM

నష్టాల ఊబి నుంచి తెలంగాణ(Telangana) ఆర్టీసీ క్రమంగా బయటపడుతోంది. రాయితీలు, ఆఫర్లు ప్రకటిస్తుండటంతో మార్పు కనిపిస్తోంది. అయితే..గతేడాదితో పోలిస్తే ఈ సారి నష్టాలు కాస్త తగ్గాయి. 2021-22కి 1,986.86 కోట్ల నష్టం నమోదయ్యింది. ఆర్టీసీ(TSRTC) ఎండీగా వీసీ సజ్జనార్ బాధ్యతలు చేపట్టిన నాటి నుంచి సంస్థలో విశేష మార్పులు కనిపిస్తున్నాయి. కార్గో సేవలు, రాయితీలు, ఆఫర్లు, సొంత బస్సులను నడిపించడం వంటి చర్యలతో నష్టాలు కొంత తగ్గినట్లు తెలుస్తోంది. ప్రస్తుత ఆర్థిక సంవత్సరంలో నష్టం గణనీయంగా తగ్గుతుందని నిపుణులు అంచనా వేస్తున్నారు. డీజిల్ సెస్, ఛార్జీల పెంపు పేరుతో ఆర్టీసీ ప్రయాణికులపై భారం మోపింది. దూరప్రాంతాలకు వెళ్లే వారు అధిక మొత్తంలో నగదు చెల్లించాల్సిన పరిస్థితి వస్తోంది. దీంతో ఆదాయం కొంత పెరిగి, నష్టం తగ్గుతున్నట్లు అంచనా వేస్తు్న్నారు. ప్రస్తుతం రోజుకు సగటున రూ.14 కోట్లు వస్తోందని అధికారులు చెబుతున్నారు.

మరోవైపు.. కరోనా కారణంగా ప్రజా రవాణాను వినియోగించుకునే వారి సంఖ్య పెరుగుతోంది. కొవిడ్‌ సమయంలో రోజువారీగా ఆదాయం రూ. 3-4 కోట్లకు పరిమితం కాగా ప్రస్తుతం రూ.12- 14 కోట్లకు పెరిగింది. ఆక్యుపెన్సీ 70 శాతానికి చేరుకుంది. గతంలో రౌండప్‌, టోల్‌ ప్లాజాలు, ప్యాసింజర్స్‌ సెస్‌ పేరిట ఒకసారి ఛార్జీలు పెంచిన ఆర్టీసీ మరోసారి ఏప్రిల్‌లో డీజిల్‌ సెస్‌ పేరుతో ప్రయాణికులపై భారం మోపింది. పల్లె వెలుగు, సిటీ ఆర్డినరీ సర్వీసులలో ఒక్కో ప్రయాణికుడి నుంచి డీజిల్‌ సెస్‌ కింద రెండు రూపాయలు, ఎక్స్‌ ప్రెస్, డీలక్స్‌, సూపర్‌ లగ్జరీ, సిటీ మెట్రో ఎక్స్‌ప్రెస్‌, మెట్రో డీలక్స్‌, ఏసీ సర్వీసులలో ఒక్కో ప్రయాణికుడి నుంచి రూ.5 చొప్పున పెంచిన విషయం తెలిసిందే.

నష్టాల ఊబి నుంచి కొంతైనా బయటపడేందుకుగాను ‘డీజిల్‌ సెస్‌‘ విధించాలని టీఆఎస్‌ఆర్టీసీ భావించింది. వాస్తవానికి గత కొన్నేళ్లుగా ఆర్టీసీ నష్టాల్లో ఉంది. దీనికితోడు కరోనా కల్లోలం సృష్టించడంతో సంస్థ తీవ్ర నష్టాల్లో కూరుకుపోయింది.

ఇవి కూడా చదవండి

మరిన్ని తెలంగాణ వార్తల కోసం క్లిక్ చేయండి..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu