బాకీ వసూలు చేసుకొస్తానంటూ వెళ్లిన సినీ డిస్ట్రిబ్యూటర్ అదృశ్యం
బాకీ వసూలు చేసుకొని వస్తానని ఇంటి నుంచి వెళ్లిన సినీ డిస్ట్రిబ్యూటర్ అదృశ్యం అయ్యారు. హైదరాబాద్‌లోని బేగంపేటలో జరిగిన
Movie distributor missing: బాకీ వసూలు చేసుకొని వస్తానని ఇంటి నుంచి వెళ్లిన సినీ డిస్ట్రిబ్యూటర్ అదృశ్యం అయ్యారు. హైదరాబాద్‌లోని బేగంపేటలో జరిగిన ఈ ఘటన స్థానికంగా కలకలం రేపుతోంది. వి.నగేష్ అనే డిస్ట్రిబ్యూటర్ యూసఫ్‌గూడకు చెందిన సజ్జుకు ఐదు లక్షలు బాకీగా ఇచ్చారు. దాన్ని వసూలు చేసుకునేందుకు ఈ నెల 6న నగేష్ ఇంటి నుంచి బయల్దేరారు. రాత్రి గం.10.30ని.లకు నగేష్ ఫోన్ స్విచ్ఛాఫ్ అయ్యింది. దీంతో ఆయన కుటుంబ సభ్యులు ఆందోళనకు గురయ్యారు. వెంటనే నగేష్ కుమార్తె సింధూజ సజ్జు కార్యాలయానికి వెళ్లగా.. అక్కడ ఆయన పాదరక్షలు కనిపించాయి. ఆ కార్యాలయం బయట తండ్రి బైక్‌ కూడా ఉంది. కానీ నగేష్ ఆచూకీ మాత్రం తెలియరాలేదు. దీంతో సింధూజ బంజారాహిల్స్ పోలీసులను ఆశ్రయించింది. మిస్సింగ్ కేసుగా నమోదు చేసుకున్న పోలీసులు దర్యాప్తును ప్రారంభించారు.
Read More:
ప్రభాస్ మూవీలో అమితాబ్‌.. యూనిట్ స్పందన ఇదే
