Diagnostic Centres: హైదరాబాద్‌లో డయాగ్నోస్టిక్‌ మినీ హబ్‌లను ప్రారంభించిన రాష్ట్ర హోంశాఖ మంత్రి మహమూద్‌ అలీ

Diagnostic Centres: హైదరాబాద్‌లోని వివిధ ప్రాంతాల్లో డయాగ్నోస్టిక్‌ మినీ హబ్‌లను తెలంగాణ రాష్ట్ర హోంశాఖ మంత్రి మహమూద్‌ ఆలీ శుక్రవారం ప్రారంభించారు. పేద...

  • Subhash Goud
  • Publish Date - 7:50 pm, Fri, 22 January 21
Diagnostic Centres: హైదరాబాద్‌లో డయాగ్నోస్టిక్‌ మినీ హబ్‌లను ప్రారంభించిన రాష్ట్ర హోంశాఖ మంత్రి మహమూద్‌ అలీ

Diagnostic Centres: హైదరాబాద్‌లోని వివిధ ప్రాంతాల్లో డయాగ్నోస్టిక్‌ మినీ హబ్‌లను తెలంగాణ రాష్ట్ర హోంశాఖ మంత్రి మహమూద్‌ ఆలీ శుక్రవారం ప్రారంభించారు. పేద ప్రజలకు వైద్యం ఉచితంగా అందించాలనే లక్ష్యంతో పురానాపూల్‌, పానీపుర, బర్కాస్‌లలో మినీహబ్‌లను ప్రారంభించారు. ఈ సందర్భంగా మంత్రి మాట్లాడుతూ పేద ప్రజలకు వైద్యం మరింత చేరువయ్యేందుకు బస్తీ దవాఖానాల్లో ఈసీజీ, యూఎస్‌జీ, ఎక్సరే ఇతర రేడియాలజీ సర్వీసులను ఈ మినీహబ్‌ల ద్వారా పేదలకు అందిస్తామని అన్నారు.

బస్తీ దవాఖానాల్లో సూచించిన పరీక్షలను మినీ హబ్‌లలో చేయడం ద్వారా పేద ప్రజలు అధిక మొత్తంలో డబ్బులు చెల్లించాల్సిన అవసరం లేకుండా ఉచితంగా మెడికల్‌ రిపోర్టులను పొందవచ్చని అన్నారు. అదే విధంగా ప్రభుత్వ మెడికల్‌ కళాశాలలో, ఆస్పత్రుల్లో ఆధునిక సౌకర్యాలు కల్పించేందుకు ఏర్పాటు జరుగుతున్నాయని పేర్కొన్నారు. కేసీఆర్‌ ముఖ్యమంత్రి అయిన తర్వాత రాష్ట్రం అభివృద్ధిలో దూసుకుపోతుందని అన్నారు. పేదల ప్రజలను దృష్టిలో ప్రభుత్వం మెరుగైన సేవలు అందిస్తోందన్నారు.

Free Health Checkup: హైదరాబాద్‌లోని పేదలకు శుభవార్త.. ఇకపై వైద్య పరీక్షలన్నీ ఉచితమే.. డయాగ్నోస్టిక్ సెంటర్స్ ప్రారంభించిన మంత్రి..