TRS Vs BJP: మరింత ముదిరిన ఫ్లెక్సీ వార్.. జిల్లాలకు పాకిన మోడీ వ్యతిరేక కటౌట్లు..
ప్రధానమంత్రి నరేంద్ర మోడీ హైదరాబాద్ వస్తున్న నేపథ్యంలో రాష్ట్రవ్యాప్తంగా మోడీ వ్యతిరేకంగా టీఆర్ఎస్ శ్రేణులు ఫ్లెక్సీలను ఏర్పాటు చేస్తున్నారు. ‘‘సాలు మోడీ.. సంపకు మోడీ’’ బై బై మోడీ అనే ట్యాగ్ లైన్‌తో..
Telangana Politics: తెలంగాణలో పొలిటికల్ ఫ్లెక్సీల వార్ మరింత ముదిరింది. టీఆర్ఎస్ – బీజేపీ నేతల విమర్శలు, ప్రతి విమర్శలు ముదిరి ఫ్లెక్సీల వరకు వెళ్లడం.. రాష్ట్రంలో ప్రస్తుతం చర్చనీయాంశంగా మారింది. బీజేపీ జాతీయ కార్యవర్గ సమావేశాల నేపథ్యంలో రాష్ట్ర వ్యాప్తంగా ఈ ఫ్లెక్సీల వార్ మొదలైంది. ప్రస్తుతం హైదరాబాద్లో కొనసాగుతున్న టీఆర్ఎస్- బీజేపీ ఫ్లెక్సీల వార్ జిల్లాలకు కూడా పాకింది. ప్రధానమంత్రి నరేంద్ర మోడీ హైదరాబాద్ వస్తున్న నేపథ్యంలో రాష్ట్రవ్యాప్తంగా మోడీ వ్యతిరేకంగా టీఆర్ఎస్ శ్రేణులు ఫ్లెక్సీలను ఏర్పాటు చేస్తున్నారు. ‘‘సాలు మోడీ.. సంపకు మోడీ’’ బై బై మోడీ అనే ట్యాగ్ లైన్‌తో.. తాజాగా మంచిర్యాల జిల్లాలో భారీ ఫ్లెక్సీలను టీఆర్ఎస్ శ్రేణులు ఏర్పాటు చేశారు. చెన్నూరు నియోజకవర్గ పరిధిలోని ప్రధాన కూడళ్లలో మోడీ వ్యతిరేకంగా ఫ్లెక్సీలను ఏర్పాటు చేయడం ప్రస్తుతం చర్చనీయాంశంగా మారింది. మోడీకి వ్యతిరేకంగా హైదరాబాద్ నుంచి జిల్లాల్లో పోస్టర్లు వెలుస్తుండటంతో ఆయా ప్రాంతాల్లో రాజకీయాలు ఒక్కసారిగా వేడెక్కాయి. దీనిపై సోషల్ మీడియాలో సైతం ఇరు పార్టీల శ్రేణులు పరస్పర విమర్శలు చేసుకుంటున్నారు.
ఇటీవల సీఎం కేసీఆర్‌కు వ్యతిరేకంగా.. హైదరాబాద్లో బీజేపీ శ్రేణులు ‘‘సాలు దొర.. సెలవు దొర’’ అంటూ ఫ్లెక్సీలు ఏర్పాటు చేశారు. న‌గంర‌లోని బీజేపీ పార్టీ రాష్ట్ర కార్యాలయం వద్ద డిజిటల్‌ కౌంట్‌ డౌన్‌తో బీజేపీ డిసిప్లే ఏర్పాటు చేసింది. దీంతో టీఆర్ఎస్ శ్రేణులు సైతం ‘‘సాలు మోడీ.. సంపకు మోడీ’’ బై బై మోడీ అంటూ భారీ ఫ్లెక్సీలు ఏర్పాటు చేశారు.
అయితే బీజేపీ రాష్ట్ర కార్యాలయం వద్ద పెట్టిన డిజిటల్‌ డిస్ ప్లే బోర్డుకు అనుమతి లేదంటూ జీహెచ్ఎంసీ అధికారులు తొలగించారు. దీంతోపాటు ఫైన్ కూడా విధించిన విషయం తెలిసిందే. ఆ తర్వాత బీజేపీ ప్రచారాన్ని, విమర్శలను తిప్పికొట్టేలా టీఆర్ఎస్ నేతలు మోడీకి వ్యతిరేకంగా ఫ్లెక్సీలు, హోర్డింగ్‌లు ఏర్పాటు చేస్తున్నారు.
తెలంగాణ వ్యాప్తంగా మోడీకి వ్యతిరేకంగా వెలుస్తున్న ఫ్లెక్సీలు #SaaluModiSampakuModi #ByeByeModi pic.twitter.com/zSzNlGt8Tk
— ByeByeModi (@ByeByeModi) June 30, 2022
జాతీయ వార్తల కోసం ఇక్కడ క్లిక్ చేయండి..
