Viral video: ఇదేంది మావ ఇట్టా ఉన్నాడు.. వచ్చాడు.. పెట్రోల్ కొట్టుకున్నాడు.. వెళ్ళిపోయాడు..
పెట్రోల్ బంక్‌కు అట్టా వచ్చాడు. ఇట్టా తానే పెట్రోల్ పోసుకున్నాడు.. మెరుపు తీగలా జంప్ అయ్యాడు. ప్రజంట్ ఈ వీడియో వైరల్‌గా మారింది.
Telangana: పెట్రోల్ రోజురోజుకు ఎంత కాస్ట్ పెరిగిపోతుందో చూస్తూ ఉన్నాం. దీంతో సామాన్యులు అల్లాడిపోతున్నారు. ఈ క్రమంలోనే పెట్రోల్, డీజిల్ దొంగతనాలు ఘటనలు కూడా చూస్తున్నాం. ఈ తరహా చోరీలు ఎవరూ లేనప్పుడు, నైట్ టైమ్స్‌లో జరుగుతుంటాయి. కానీ డే టైమ్‌లో బంక్ సిబ్బంది, కస్టమర్స్ అక్కడే ఉన్నప్పుడు కూడా ఓ యువకుడు పెట్రోల్ చోరీకి పాల్పడ్డాడు. భద్రాద్రి కొత్తగూడెం జిల్లా(Bhadradri Kothagudem district) పాల్వంచ(Palwancha)లో ఈ ఘటన వెలుగుచూసింది. యువకుడు పెట్రోల్ ఫిల్ చేయించుకునేందుకు బంక్‌కు వచ్చాడు. ఆపై కొద్దిసేపు అక్కడి సిబ్బంది వస్తారేమో అని అక్కడ వెయిట్ చేశాడు. కానీ ఎవరూ అతని వద్దకు రాలేదు. దీంతో తన బైక్‌లో తనే స్వయంగా పెట్రోల్ కొట్టుకున్నాడు. అందరూ చూస్తుండగానే.. అక్కడి నుంచి బైక్‌పై ఎస్కేప్ అయ్యాడు. సీసీ కెమెరా ఆధారంగా వివరాలు సేకరిస్తున్నారు పెట్రోల్ బంక్ సిబ్బంది. ఈ వీడియో నెట్టింట వైరల్‌గా మారింది. నెటిజన్స్ రకరకాల కామెంట్స్ పెడుతున్నారు. తన వద్దకు ఎవరూ రాకపోవడంతోనే ఇరిటేట్ అయ్యి.. అతను అలా చేసి ఉండొచ్చని కొందరు వ్యాఖ్యానిస్తున్నారు.
మరిన్ని తెలంగాణ వార్తల కోసం ఇక్కడ క్లిక్ చేయండి..
