Telangana: కొంప ముంచిన మద్యం వ్యసనం.. ఓల్డ్ స్టూడెంట్స్ అని నమ్మించి.. టీచర్ ఇంట్లో సర్వం స్వాహా..
టీచర్లు చాలా మందికి రోల్ మోడల్. వారు ఎక్కడ కనిపించినా నమస్కరిస్తాం. గతం తాలూకూ జ్ఞాపకాలను గుర్తు చేసుకుంటాం. చేసిన అల్లరి, చిలిపి పనుల గురించి జోక్స్ వేసుకుంటుంటాం. అయితే.. సంగారెడ్డిలో జరిగిన ఓ ఘటన..
టీచర్లు చాలా మందికి రోల్ మోడల్. వారు ఎక్కడ కనిపించినా నమస్కరిస్తాం. గతం తాలూకూ జ్ఞాపకాలను గుర్తు చేసుకుంటాం. చేసిన అల్లరి, చిలిపి పనుల గురించి జోక్స్ వేసుకుంటుంటాం. అయితే.. సంగారెడ్డిలో జరిగిన ఓ ఘటన అందరినీ ఆశ్చర్యపరుస్తోంది. తాము ఓల్డ్ స్టూడెంట్స్ అని పరిచయం పెంచుకున్న ఇద్దరు యువకులు.. ఆ టీచర్ ఇంట్లోని నగదు, బంగారం తీసుకుని ఉడాయించారు. ఈ ఘటనపై పోలీసులు కేసు నమోదు చేసుకున్నారు. సంగారెడ్డి జిల్లాలోని జోగిపేటలో లక్ష్మీ నారాయణ ఉపాధ్యాయుడిగా పని చేసి రిటైర్ అయ్యారు. ఓ రోజు ఆయన మార్కెట్‌ యార్డు సమీపంలో మద్యం సేవిస్తున్నాడు. ఆ సమయంలో అటు వైపు ఇద్దరు యువకులు వచ్చారు. తాము స్టూడెంట్స్ అని, మీ దగ్గరే పాఠాలు నేర్చుకున్నామని, గుర్తున్నామా అని మాటలు కలిపారు. వీరి మధ్య చనువు ఏర్పడడంతో తరచూ కలిసి మద్యం తాగుతుండేవారు. ఈ క్రమంలో మద్యం తాగుతుండగా స్టఫ్ అయిపోయింది. తినేందుకు ఏమైనా తీసుకువస్తామని చెప్పి లక్ష్మీ నారాయణ బైక్ తీసుకువెళ్లారు.
అయితే.. బైక్ తాళంచెవి గుత్తికే ఇంటి తాళంచెవి ఉంది. దీంతో వారు నేరుగా లక్ష్మీనారాయణ ఇంటికి వెళ్లారు. బీరువా తాళాన్ని పగలగొట్టారు. ఇంట్లో ఉన్న రూ.30 లక్షలు నగదు, 10 తులాల బంగారాన్ని లూటీ చేశారు. కేవలం 14 నిమిషాల్లోనే వారు దొంగతనం పూర్తి చేసుకున్నారు. రాత్రి అవుతున్నా బైక్ తీసుకెళ్లిన యువకులు రాకపోవడంతో లక్ష్మీ నారాయణ కంగారు పడ్డారు. ఇంటికి వెళ్లి చూసేసరికి తాళం లేకుండా గడియ పెట్టి ఉంది. లోపలికి వెళ్లి చూడగా బీరువాలో ఉన్న డబ్బులు, బంగారు నగలు కనిపించలేదు. వెంటనే సమీపంలోని పోలీసులకు దొంగతనం జరిగినట్లు కంప్లైంట్ చేశాడు.
రెండు నెలల క్రితం ఇద్దరు వ్యక్తులు పరిచయమయ్యారని, తమది సంగారెడ్డి అని చెప్పారని, పేర్లు మాత్రం చెప్పలేదని పోలీసులకు చెప్పాడు. రిటైర్ అయిన తర్వాత వచ్చిన డబ్బును ఇంట్లో దాచుకున్నాని, ఆ నగదులో ప్లాట్ కొనుక్కుందామని భావించానని వివరించాడు. అదే సమయంలో ఈ ఘటన జరిగిందని బాధితుడు వాపోయాడు. అతని కంప్లైంట్ ఆధారంగా పోలీసులు కేసు నమోదు చేసుకున్నారు. సీసీ కెమెరా పుటేజీల ద్వారా నిందితుల ఆచూకీ తెలుసుకునేందుకు విచారణ జరుపుతున్నామని ఎస్ఐ వెల్లడించారు.
మరిన్ని తెలంగాణ వార్తల కోసం క్లిక్ చేయండి..
