Munugode Bypoll: మునుగోడులో గెలుపే లక్ష్యంగా కాంగ్రెస్ కీలక సమావేశం.. గతానికి భిన్నంగా నిర్ణయాలు..!
Telangana Congress: మునుగోడులో గెలుపే లక్ష్యంగా గాంధీభవన్‌లో కీలక మీటింగ్‌ జరిగింది. గతానికి భిన్నంగా నిర్ణయాలు తీసుకుంది టీపీసీ. ఇంతకీ ఏంటా నిర్ణయాలు? మునుగోడులో ఏం..
Telangana Congress: మునుగోడులో గెలుపే లక్ష్యంగా గాంధీభవన్‌లో కీలక మీటింగ్‌ జరిగింది. గతానికి భిన్నంగా నిర్ణయాలు తీసుకుంది టీపీసీ. ఇంతకీ ఏంటా నిర్ణయాలు? మునుగోడులో ఏం చేయబోతున్నారు? మునుగోడు సెంటర్‌లో కాంగ్రెస్ సై అంటే సై అంటోంది. ఎలక్షన్ షెడ్యూల్‌ కంటే ముందు అభ్యర్ధిని ప్రకటించడమే కాదు, పూర్తి స్థాయిలో క్యాంపెయిన్‌కి రెడీ అవుతోంది. టికెట్ ఆశించి భంగపడ్డ నేతలను బుజ్జగించి మునుగోడులో సత్తా చాటేందుకు సిద్ధమవుతోంది కాంగ్రెస్. మునుగోడులో గెలుపే లక్ష్యంగా గాంధీభవన్‌లో కీలక సమావేశం నిర్వహించిన పీసీసీ.. ప్లాన్ ఆఫ్ యాక్షన్‌ ప్రకటించింది. మునుగోడు అభ్యర్ధిని ప్రకటించడంతో ఇక ప్రచారంపై ఫోకస్‌ పెట్టాలని నిర్ణయించింది పీసీసీ. మునుగోడు ప్రచారం కోసం మండలాలు, మున్సిపాలిటీల వారీగా ఇన్‌ఛార్జ్‌లను ప్రకటించారు. ఒక్కో మండలానికి ముగ్గురు నేతలను నియమించారు. మెయిన్‌ లీడ్‌ను మధుయాష్కీ, కోమటిరెడ్డి వెంకట్‌రెడ్డి, జీవన్‌రెడ్డికి అప్పగించారు(
మరోవైపు, టికెట్ ఆశించి భంగపడ్డ లీడర్స్‌ను బుజ్జగించే పని చేపట్టింది పీసీసీ. టికెట్ ఆశించి భంగపడ్డ కృష్ణారెడ్డితోపాటు పల్లె రవి, కైలాష్‌ను బుజ్జగించారు రేవంత్‌ రెడ్డి. కాంగ్రెస్ విజయం కోసం పనిచేయాల్సిందిగా విజ్ఞప్తి చేశారు. అయితే టికెట్ ఆశించి భంగపడ్డ నేతలు, ఏమేరకు సహకరిస్తారు? గతానికి భిన్నంగా కలిసి నడుస్తారా? లేదా? అనేది ముందుముందు బయటపడనుంది.
మరిన్ని తెలంగాణ వార్తల కోసం ఇక్కడ క్లిక్ చేయండి
