Breaking News
  • అమరావతి: చంద్రబాబును నమ్మి భూములిచ్చి దళిత రైతులు మోసపోయారు. మా ప్రభుత్వ నిర్ణయంతో దళిత రైతులకు న్యాయంజరిగింది-ఎమ్మెల్యే ఆర్కే. దళిత రైతుల భూములను చంద్రబాబు తనవారికి కారుచౌకగా ఇప్పించారు. రాజధాని ప్రాంతంలో బినామీలుగా ఉన్న మంత్రులు, ఎమ్మెల్యేల చిట్టాను త్వరలో బయటపెడతాం-ఎమ్మెల్యే ఆర్కే.
  • ప్రకాశం జిల్లా: సింగరాయకొండ మండలం పాకల దగ్గర సముద్రంలో నలుగురు యువకుల గల్లంతు. ముగ్గురిని కాపాడిన మెరైన్‌ పోలీసులు. మరో యువకుడి కోసం కొనసాగుతున్న గాలింపు.
  • యానాంలో ప్రేమజంట అనుమానాస్పద మృతి. మృతులు కాట్రేనిపాడుకు చెందిన రమేష్‌. మలికిపురం మండలానికి చెందిన యువతిగా గుర్తింపు. పెద్దలు పెళ్లికి అంగీకరించలేదని ఈ నెల 9న ఇంటి నుంచి వెళ్లిపోయిన ప్రేమజంట. కేసు నమోదు చేసి దర్యాప్తు చేస్తున్న పోలీసులు.
  • శంషాబాద్‌ ఎయిర్‌పోర్ట్‌లో భారీగా బంగారం పట్టివేత. దుబాయ్‌ నుంచి వచ్చిన ప్రయాణికుడి నుంచి 14 కిలోల బంగారం స్వాధీనం. అదుపులోకి తీసుకుని విచారిస్తున్న కస్టమ్స్ అధికారులు. పట్టుబడ్డ బంగారం విలువ రూ.5.46 కోట్లు ఉంటుందని అంచనా.
  • అమరావతి: అసెంబ్లీకి వెళ్లకుండా మమ్మల్ని అడ్డుకున్నారు-చంద్రబాబు. అమాయకులపై ఎస్సీ, ఎస్టీ యాక్ట్‌ పెట్టి దాడులు చేస్తున్నారు. టీడీపీ హయాంలో ఇంగ్లీష్‌ మీడియాన్ని వైసీపీ నేతలు వ్యతిరేకించారు ఇప్పుడు ఇంగ్లీష్ మీడియం తెచ్చి రెండు నాలుకలధోరణి అవలంబిస్తున్నారు కొత్త చీఫ్‌ మార్షల్‌ దుర్మార్గంగా ప్రవర్తిస్తున్నారు-చంద్రబాబు.
  • గుంటూరు: ఎన్నికల్లో ఇచ్చిన హామీలను వైసీపీ నెరవేర్చలేదు. ఆర్టీసీ చార్జీలు పెంచి సామాన్యుడి నడ్డి విరిచారు-యరపతినేని. ఉల్లి ధరలు ఆకాశాన్ని అంటాయి-మాజీ ఎమ్మెల్యే యరపతినేని. నియోజకవర్గ పరిధిలో ఇసుక మాఫియా రెచ్చిపోతోంది. వైసీపీ కార్యకర్తలే ఇసుకను బ్లాక్‌ మార్కెట్‌లో అమ్ముతున్నారు-మాజీ ఎమ్మెల్యే యరపతినేని.

“టీవీ9 ఖబర్దార్” కథనాలకు స్పందించిన ఆరోగ్య మంత్రి ఈటల

Telangana government reacts to tv9 khabardar team as it exposes in adequate equipment, “టీవీ9 ఖబర్దార్” కథనాలకు స్పందించిన ఆరోగ్య మంత్రి ఈటల

సామాన్యులకు వైద్యసేవలందించినా సర్కార్ దవాఖానాలకు ప్రభుత్వం ఎన్ని కోట్ల నిధులు ఖర్చుపెడుతున్నా ..వైద్యసేవలు మాత్రం అంతంతమాత్రంగానే అందుతున్నాయన్నది జగమెరిగిన సత్యం. అయితే ఏరియా హాస్పిటల్స్‌లో వైద్య పరికరాల కొరతతో వైద్య సదుపాయం అటకెక్కిన పరిస్థితి. ఉమ్మడి వరంగల్ జిల్లా గూడూరు కమ్యూనిటీ హాస్పిటల్‌లో వైద్యపరికరాలు లేవనే సాకుతో పక్కదారి పడుతున్న వైద్యంపై టీవీ9 ఖబర్దార్ టీమ్ వెలుగులోకి తీసుకొచ్చింది. అయితే ఇదే విషయంపై రాష్ట్ర వైద్యఆరోగ్య శాఖామంత్రి ఈటల రాజేందర్ వివరణ ఇచ్చారు.

రాష్ట్ర ఆవిర్భావం తర్వాత ప్రభుత్వ ఆసుపత్రుల స్ధాయిని పెంచామని, కొన్ని హాస్పిటల్స్‌కు సిబ్బంది కొరత ఉన్నమాట వాస్తవమేనని.. త్వరలోనే వారిని నియమించి పూర్తిస్ధాయిలో వైద్యాన్ని అందించేందుకు తమ ప్రభుత్వం సిద్ధంగా ఉందని తెలిపారు. అప్‌గ్రేడ్ చేయబడ్డ హాస్పిటల్స్‌లో ముందు సిబ్బందిని నియమించిన తర్వాత ఎక్విప్‌మెంట్ తీసుకువస్తామని తద్వారా రోగులకు వైద్యసేవలు నిరంతరాయంగా అందుబాటులోకి వస్తాయని తెలిపారు మంత్రి ఈటల.