Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 22 వేల 771 మంది వైరస్​ సోకింది. మరో 442 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,48,315. ప్ర‌స్తుతం యాక్టీవ్ కేసులు 2,35,433. వ్యాధి బారి నుంచి కోలుకున్న‌వారు 3,94,227. క‌రోనాతో మొత్తం ప్రాణాలు విడిచినవారి సంఖ్య 18,655.
  • చెన్నై నగరంలో మరికొన్ని ఆంక్షల సడలింపు. ఉ. 6.00 నుంచి రాత్రి 9.00 వరకు హోటళ్లు (పార్సిల్ సర్వీసు మాత్రమే). రాత్రి 9.00 వరకు మాత్రమే హోం డెలివరీ ఉ. 6.00 నుంచి సా. 6.00 వరకు టీ స్టాళ్లకు అనుమతి. కిరాణా షాపులు, కూరగాయల దుకాణాలు ఉ. 6 నుంచి సా. 6 వరకు. మాల్స్ మినహా మిగతా దుకాణాలు ఉ. 10 నుంచి సా. 6 వరకు. సడలింపులు జులై 6 నుంచి అమలు.
  • విశాఖ: కేజీహెచ్ సూపరెంటెండెంట్ డాక్టర్ అర్జున. క్లినకల్ ట్రయల్స్ కు కేజీహెచ్ ను ఎంపిక చేసునట్టు ఐసీఎంఆర్ నుంచి మెయిల్ వచ్చింది. క్లినికల్ ట్రయల్స్ కోసం ప్రభుత్వ అనుమతి కోరాం. డ్రగ్ కంట్రోల్ జనరల్ ఆఫ్ ఇండియా - డీసీజీఐ క్లియరెన్స్ రావాల్సి ఉంది. ఎథిక్స్ కమిటీ విధివిధానాలు తరువాత కార్యకలాపాలు ప్రారంభిస్తాం. అన్ని క్లియరెన్స్ లు పూర్తయ్యేందుకు 3 రోజుల సమయం పట్టే అవకాశముంది. ఆ తరువాత కేజీహెచ్ లో క్లినికల్ ట్రయల్స్ ప్రారంభిస్తాం.
  • కరోనా భయాన్ని క్యాష్ చేసుకుంటున్న వ్యాపారులు.. ఐసోలేషన్ సెంటర్లుగా మారిన బ్యూటీ పార్లర్లు. నిబంధనలను తుంగలో తొక్కి కోవిడ్ రోగులకు గదులు అద్దెకు ఇస్తున్న వైనం. ఎలాంటి జాగ్రత్తలు లేకుండా పాజిటివ్ వచ్చిన వ్యక్తులకు గదులు అద్దెకు. జూబ్లీహిల్స్ రోడ్ నెంబర్ 5లోని colours బ్యూటీ స్టూడియోలో కరోనా పాజిటివ్ వ్యక్తులకు అశ్రయం. రోజుకు రూ.10వేల ఫీజు.. వసూలు..గుట్టు చప్పుడు కాకుండా అక్రమ దందా.
  • REC, ఫైనాన్స్ కార్పొరేషన్ ల నుంచి 12600 కోట్ల రూపాయలు అప్పు తీసుకునేందుకు రాష్ట్ర విద్యుత్ సంస్థలకు గ్యారెంటీ ఇచ్చిన తెలంగాణ రాష్ట్ర సర్కార్. అప్పుల్లో కూరుకుపోయిన డిస్కమ్ లకు ప్రభుత్వ అనుమతితో ఊరట.
  • టీవీ9 తో సిసిఎంబి డైరెక్టర్ రాకేష్ మిశ్రా. తెలంగాణలో వైరస్ సమూల మార్పుని చోటుచేసుకుంటున్నాయి . ఇప్పటి వరకు తెలంగాణలో సింటమ్స్ కనిపించే a3i (ఏత్రీఐ) వైరస్ ఉండేది. ఇప్పుడు ఎలాంటి లక్షణాలు కనిపించని a2a (ఏటుఏ) వైర్ 90శాతం విస్తరించింది. కరోనా మృత దేహాల నుంచి వైరస్ వ్యాప్తి విషయంలో ఆందోళన వద్దు. డెడ్ బాడీస్ నుంచి వచ్చే వైరస్ వ్యాప్తి చెందే అవకాశాలు చాలా తక్కువ. కరోనా వైరస్ ప్రభావం కేవలం ఊపిరితిత్తుల మీదేకాదు మిగిలిన అవయవాల పైనా ఉంది. చేస్తున్న టెస్టులకు పది రెట్లు అధికంగా చేయాల్సిన అవసరం ఉంది. ఆర్ టి పి సి ఆర్ టెస్ట్ ల విధానం సిసిఎంబీలో అభివ`ద్ధి చేశాం. ఆర్ టి పి సి ఆర్ టెస్ట్ ల పద్ధతి లో టెస్టింగ్ సమయంలో సగం ఆదా అవుతుంది. ఈ పద్దతిలో రోజుకి 500 టస్ట్లు చేసే చోట 1500 నుంచి 2000 వరకు చేయవచ్చు.
  • హైదరాబాద్ హిమాయత్ నగర్ లో కరోనా కలకలం. డైమండ్ వ్యాపారి పుట్టిన రోజు వేడుకల్లో వ్యాపించిన కరోనా. వేడుకల్లో పాల్గొన్న 20 మందికి కరోనా పాజిటివ్ . బర్త్ డే వేడుకల్లో పాల్గొన్న సుమారు 150 మంది వ్యాపారులు , రాజకీయ నాయకులు . ఫంక్షన్ లో పాల్గొన్న ఒకరు చనిపోవడంతో మరింత ఆందోళనలు . ఈ వేడుకల్లో పాల్గొన్న ఇద్దరు రాజకీయ నాయకులకు సైతం సోకిన కరోనా

జగ్గారెడ్డి పొలిటికల్‌ సస్పెన్స్‌ థ్రిల్లర్‌ మూవీ చూస్తారా..?

Telangana Congress leader Jagga Reddy Political Drama, జగ్గారెడ్డి పొలిటికల్‌ సస్పెన్స్‌ థ్రిల్లర్‌ మూవీ చూస్తారా..?

జగ్గారెడ్డి.. సంగారెడ్డి ఎమ్మెల్యే.. ఇయన రూటే సెపరేటు. కాంగ్రెస్లో మాస్ లీడర్‌గా పేరొందిన ఈయన.. ఇటీవల వ్యవహరిస్తున్న తీరు చూస్తుంటే.. అందర్నీ ఆశ్చర్యానికి గురిచేస్తోంది. అసలు ఎప్పుడు ఏం చేస్తారో.. ఏం అంటారో తెలియకుండా పోయింది. రోజుకో స్టైల్లో ఆయన రాజకీయం కొనసాగుతోంది. అప్పుడే అధికార పార్టీపై తీవ్ర స్థాయిలో విరుచుకుపడతారు. మళ్లీ మరుసటి రోజే.. రివర్స్ గేర్ వేసి.. పొగడతారు. బద్ధశత్రువుగా ఉన్న అధికార పార్టీ నేతపై పెద్ద ఎత్తున ఆరోపణలు చేయడం.. ఆ తర్వాత ఎవరూ ఊహించని విధంగా ఆయనతోనే మళ్లీ మీట్ అవ్వడం.. ఇది ప్రస్తుతం సంగారెడ్డి ఎమ్మెల్యే జగ్గారెడ్డి తీరు. అసలు ఆయన రూటేంటి. ప్రతిపక్షంలో ఉండి ఇన్ని రకాలుగా ఎందుకు వ్యవహరిస్తున్నారు. పార్టీ అధికారంలో లేదని అలా వ్యవహరిస్తున్నారా? లేక పార్టీ జంపింగ్ ప్లాన్లు ఏమైనా ఉన్నాయా? మొత్తానికి జగ్గారెడ్డి తీరు ఇప్పుడు చర్చనీయాంశంగా మారింది.

సంగారెడ్డిలో బలమైన నేత జగ్గారెడ్డి. అంతేకాదు.. కాంగ్రెస్‌లో మాస్ లీడర్ కూడా ఇయనే. కానీ ఇప్పుడు ఆయన వ్యవహారమే గాంధీభవన్‌ నుంచి సంగారెడ్డి వరకు చర్చ జరుగుతోంది. అందుకు కారణం లేకపోలేదు. ఒకప్పుడు సీఎం కేసీఆర్‌పై ఓ రేంజ్‌లో ఫైర్ అయ్యేవారు. ఆ తర్వాత రెండో సారి టీఆర్ఎస్ అధికారం చేపట్టాక.. జగ్గారెడ్డి దూకుడులో మార్పులు వచ్చాయి. ఒకరోజు సీఎం కేసీఆర్‌పై తీవ్ర విమర్శలు చేస్తారు. వెంటనే మరోరోజు కేసీఆర్‌ను పొగడ్తలతో ముంచెత్తుతారు. ఒకసారి హరీష్ రావు పైనా ఫైర్ అవుతారు. మళ్లీ టైమ్‌ దొరకగానే ఆయనకు సన్మానం చేస్తారు.

తాజాగా సేమ్ ఇలాంటి సీన్ మళ్లీ రిపీట్ చేశారు. గత 19రోజులుగా ఆర్టీసీ కార్మికులు సమ్మె చేస్తున్న సంగతి తెలిసిందే. అయితే ఈ నేపథ్యంలో సంగారెడ్డిలో జరుగుతున్న ఆర్టీసీ కార్మికుల సమ్మెలో ప్రత్యక్షంగా పాల్గొని.. కార్మికులకు సంఘీభావం ప్రకటించారు. ఆ తర్వాత అరెస్టు కూడా అయ్యారు. కార్మికుల పట్ల మొండివైఖరి విడనాడాలంటూ ప్రభుత్వానికి సూచనలు కూడా చేశారు. అంతేకాదు.. ఆ తర్వాత కాంగ్రెస్ పార్టీ తలపెట్టిన ప్రగతి భవన్ ముట్టడి కార్యక్రమంలో కూడా పాల్గొని.. ఏకంగా ప్రగతి భవన్ వద్దకు ఆటోలో చేరుకుని అరెస్ట్ అయ్యారు. ఇదంతా ప్రతిపక్ష నాయకుడిగా ఆయన పోషించిన పాత్రగా అనుకోవచ్చు.

అయితే ఇంతలోనే మళ్లీ తన ట్యూన్ ఛేంజ్ చేశారు. ప్రగతి భవన్ ముట్టడి కార్యక్రమం అయ్యి.. 24 గంటలు గడిచిందో లేదో మళ్లీ కేసీఆర్‌ని పొగడ్తలతో ముంచెత్తే కార్యక్రమానికి శ్రీకారం చుట్టారు. అయితే సంగారెడ్డిలో మెడికల్ కళాశాల ఏర్పాటుకు కేంద్ర ప్రభుత్వానికి టిఆర్ఎస్ ప్రభుత్వం ప్రతిపాదనలు పంపింది. దీంతో ఏకంగా కేసీఆర్ ఫోటో పక్కన తన ఫోటో వేసుకొని సంగారెడ్డిలో కరపత్రాలు పంపిణీ చేశారు.

అసలు జగ్గారెడ్డి స్టాండ్ ఏంటో అర్ధం కాక ప్రజలు తలలు పట్టుకుంటున్నారట. ఒకవైపు పోరాటం.. కార్మికులకు సంఘీభావం.. మరోవైపు కేసీఆర్‌ని పొగడ్తల్లో ముంచెత్తడం.. అసలు జగ్గారెడ్డి ప్లాన్‌ ఏంటి? ఇప్పుడు ఈ విషయం సంగారెడ్డిలో చర్చనీయాంశమైంది. అంతేకాదు.. ఇంతకీ ఆయన కాంగ్రెస్‌లో కొనసాగుతారా లేదా కారెక్కి.. టీఆర్ఎస్‌ కండువా కప్పుకుంటారా..? అన్నది ఎవరికీ అంతుపట్టడంలేదు. మొత్తానికి జగ్గారెడ్డి రోజుకో పొలిటికల్‌ సస్పెన్స్‌ థ్రిల్లర్‌ సినిమాను.. పబ్లిక్‌కు చూపిస్తున్నారని సెటైర్లు విసురుతున్నారు.

Related Tags