Breaking News
  • అమరావతి: చంద్రబాబును నమ్మి భూములిచ్చి దళిత రైతులు మోసపోయారు. మా ప్రభుత్వ నిర్ణయంతో దళిత రైతులకు న్యాయంజరిగింది-ఎమ్మెల్యే ఆర్కే. దళిత రైతుల భూములను చంద్రబాబు తనవారికి కారుచౌకగా ఇప్పించారు. రాజధాని ప్రాంతంలో బినామీలుగా ఉన్న మంత్రులు, ఎమ్మెల్యేల చిట్టాను త్వరలో బయటపెడతాం-ఎమ్మెల్యే ఆర్కే.
  • ప్రకాశం జిల్లా: సింగరాయకొండ మండలం పాకల దగ్గర సముద్రంలో నలుగురు యువకుల గల్లంతు. ముగ్గురిని కాపాడిన మెరైన్‌ పోలీసులు. మరో యువకుడి కోసం కొనసాగుతున్న గాలింపు.
  • యానాంలో ప్రేమజంట అనుమానాస్పద మృతి. మృతులు కాట్రేనిపాడుకు చెందిన రమేష్‌. మలికిపురం మండలానికి చెందిన యువతిగా గుర్తింపు. పెద్దలు పెళ్లికి అంగీకరించలేదని ఈ నెల 9న ఇంటి నుంచి వెళ్లిపోయిన ప్రేమజంట. కేసు నమోదు చేసి దర్యాప్తు చేస్తున్న పోలీసులు.
  • శంషాబాద్‌ ఎయిర్‌పోర్ట్‌లో భారీగా బంగారం పట్టివేత. దుబాయ్‌ నుంచి వచ్చిన ప్రయాణికుడి నుంచి 14 కిలోల బంగారం స్వాధీనం. అదుపులోకి తీసుకుని విచారిస్తున్న కస్టమ్స్ అధికారులు. పట్టుబడ్డ బంగారం విలువ రూ.5.46 కోట్లు ఉంటుందని అంచనా.
  • అమరావతి: అసెంబ్లీకి వెళ్లకుండా మమ్మల్ని అడ్డుకున్నారు-చంద్రబాబు. అమాయకులపై ఎస్సీ, ఎస్టీ యాక్ట్‌ పెట్టి దాడులు చేస్తున్నారు. టీడీపీ హయాంలో ఇంగ్లీష్‌ మీడియాన్ని వైసీపీ నేతలు వ్యతిరేకించారు ఇప్పుడు ఇంగ్లీష్ మీడియం తెచ్చి రెండు నాలుకలధోరణి అవలంబిస్తున్నారు కొత్త చీఫ్‌ మార్షల్‌ దుర్మార్గంగా ప్రవర్తిస్తున్నారు-చంద్రబాబు.
  • గుంటూరు: ఎన్నికల్లో ఇచ్చిన హామీలను వైసీపీ నెరవేర్చలేదు. ఆర్టీసీ చార్జీలు పెంచి సామాన్యుడి నడ్డి విరిచారు-యరపతినేని. ఉల్లి ధరలు ఆకాశాన్ని అంటాయి-మాజీ ఎమ్మెల్యే యరపతినేని. నియోజకవర్గ పరిధిలో ఇసుక మాఫియా రెచ్చిపోతోంది. వైసీపీ కార్యకర్తలే ఇసుకను బ్లాక్‌ మార్కెట్‌లో అమ్ముతున్నారు-మాజీ ఎమ్మెల్యే యరపతినేని.

తమ్ముడు జగన్‌తో కలిసి ముందుకు వెళ్తాం : సీఎం కేసీఆర్

CM KCR receives grand welcome from Roja and Returns to Hyderabad, తమ్ముడు జగన్‌తో కలిసి ముందుకు వెళ్తాం : సీఎం కేసీఆర్

చిత్తూరు: తమ్ముడు ఏపీ సీఎం జగన్‌తో కలిసి ముందుకు వెళ్తామని తెలంగాణ ముఖ్యమంత్రి కేసీఆర్ అన్నారు. ఏపీఐఐసీ ఛైర్మన్, నగరి ఎమ్మెల్యే రోజా నివాసంలో సీఎం కేసీఆర్ కుటుంబ సభ్యులు భోజనం చేశారు. అనంతరం నగరి నుంచి సీఎం కేసీఆర్ హైదరాబాద్‌కు బయల్దేరారు.

హైదరాబాద్‌కు బయల్దేరే ముందు రోజా నివాసంలో కేసీఆర్ మీడియాతో మాట్లాడారు. రాయలసీమ ప్రాంతానికి గోదావరి జలాలు రావాల్సిన అవసరం ఉందని సీఎం కసీఆర్ అభిప్రాయ పడ్డారు. ఆంధ్రప్రదేశ్‌కు పట్టుదలతో పనిచేసే ముఖ్యమంత్రి ఉన్నారని అన్నారు. రాయలసీమ ప్రజల బాధలు తెలిసిన నాయకుడు వైఎస్ జగన్ అని కొనియాడారు. ఇప్పటికే తాను, జగన్ కలిసి గోదావరి జలాలపై చర్చలు జరిపామని కేసీఆర్ అన్నారు. కృష్ణా గోదావరి జలాలు వృధాగా సముద్రం పాలు అవుతున్నాయని, వాటినలా వదిలేయకుండా సద్వినియోగం చేసుకోవాల్సిన అవసరం ఉందని ముఖ్యమంత్రి అన్నారు. గత 60-70 ఏళ్ల  తెలుగువాళ్ల చరిత్రలో ఎన్నడూ లేనివిధంగా, సరికొత్త అధ్యాయాన్ని తాను జగన్ కలిసి లిఖించబోతున్నాం అన్నారు. ఈ నిర్ణయం కొందరికి జీర్ణంకాక, అజీర్తి కావొచ్చని అన్నారు. ప్రజల దీవెన ఉంటే రాయలసీమను రతనాల సీమగా మార్చడానికి, దేవుడిచ్చిన సకలశక్తులను ఒడ్డుతామని సీఎం కేసీఆర్ అన్నారు.