రేపు తెలంగాణ కేబినెట్ సమావేశం
తెలంగాణ కేబినెట్ శనివారం సాయంత్రం 5 గంటలకు ప్రగతి భవన్ లో సమావేశం కానుంది. ఈనెల 13,14 తేదీల్లో అసెంబ్లీ సమావేశాలు నిర్వహించనున్న నేపథ్యంలో కేబినెట్ భేటీ జరుగనున్నట్లు సమాచారం.
తెలంగాణ కేబినెట్ శనివారం సాయంత్రం 5 గంటలకు ప్రగతి భవన్ లో సమావేశం కానుంది. ఈనెల 13,14 తేదీల్లో అసెంబ్లీ సమావేశాలు నిర్వహించనున్న నేపథ్యంలో కేబినెట్ భేటీ జరుగనున్నట్లు సమాచారం. అసెంబ్లీలో ప్రవేశపెట్టాల్సిన బిల్లులపై కేబినెట్లో చర్చించనున్నారు. ఈ భేటీలో ప్రధానంగా వ్యవసాయ సంబంధమైనటువంటి అంశాలపై చర్చ జరగనున్నట్లు సమాచారం. యాసంగిలో అమలు చేయాల్సిన నిర్ణీత పంటసాగు విధానం.. అలాగే ధాన్యం కొనుగోలుపై ఈ కేబినెట్లో చర్చించనున్నారు. మరోవైపు హైదరాబాద్ గ్రేటర్ మున్సిపల్ ఎన్నికల నేపథ్యంలో మున్సిపల్ యాక్టు కూడా సవరణ చేయాలని ప్రభుత్వం భావిస్తోంది. దీనికోసం ఈ నెల 13న అసెంబ్లీ, 14న శాసనమండలి సమావేశం నిర్వహించబోతోంది. దీనిపై కూడా రేపు జరిగే కేబినెట్ భేటీలో సీఎం కేసీఆర్ చర్చించనున్నారు. అలాగే, హైకోర్టు సూచనల మేరకు మరికొన్ని బిల్లులను కూడా ప్రభుత్వం అసెంబ్లీలో ప్రవేశపెట్టబోతున్నట్లు సమాచారం.