Breaking News
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 10 గంటల సమయం. ఈరోజు శ్రీవారి హుండీ ఆదాయం రూ.2.92 కోట్లు. సాయంత్రం వరకు శ్రీవారిని దర్శించుకున్న 45,143 మంది భక్తులు.
  • హైదరాబాద్‌: గచ్చిబౌలిలో సాఫ్ట్‌వేర్‌ ఉద్యోగి సన్నీబాబు ఆత్మహత్య. ఆత్మహత్య చేసుకుంటున్నట్టు బావ సంపత్‌కు సన్నీబాబు ఈ మెయిల్‌. కేసు నమోదు చేసి దర్యాప్తు చేస్తున్న పోలీసులు.
  • ఏలూరు ప్రభుత్వాస్పత్రిలో గానాబజానా వ్యవహారంపై ప్రభుత్వం ఆగ్రహం. ఆరుగురు సిబ్బందిపై శాఖాపరమైన విచారణ చేపట్టిన వైద్యారోగ్యశాఖ. హెడ్‌ నర్సులు, నర్సింగ్‌ సూపరింటెండెంట్‌లు, ఫార్మాసిస్ట్‌లపై.. చర్యలు తీసుకుంటూ ఆదేశాలు జారీ.
  • వరంగల్‌: మేడారం సమ్మక్క-సారలమ్మ జాతర హుండీల లెక్కింపు. 436 హుండీల లెక్కింపు పూర్తి. రూ.10.29 కోట్ల ఆదాయం.
  • రామాయపట్నం పోర్టు పరిధిని నిర్ధారిస్తూ ఏపీ ప్రభుత్వం ఉత్తర్వులు. పోర్టు జియో కోఆర్డినేట్స్‌ను నోటిఫై చేసిన మౌలిక వనరులకల్పన శాఖ. పోర్టు నిర్మించిన ప్రాంతానికి 30 కి.మీ. పరిధిలో.. మరో ఓడరేవు నిర్మించేందుకు వీల్లేకుండా అంగీకారం. రామాయపట్నం పోర్టు నిర్మాణంపై.. డీపీఆర్‌ రూపకల్పనలో భాగంగా పోర్టు పరిధి నిర్ధారిస్తూ ఉత్తర్వులు. ప్రభుత్వానికి వివిధ ప్రతిపాదనలు పంపిన ఏపీ మారిటైమ్‌ బోర్డు. నాన్‌ మేజర్‌ పోర్టుగా రామాయపట్నంను అభివృద్ధి చేయనున్న ప్రభుత్వం.
  • హైదరాబాద్‌: సీసీఎస్‌ పోలీసులకు కరాటే కల్యాణి ఫిర్యాదు. సోషల్ మీడియాలో శ్రీరెడ్డి తనను అసభ్యపదజాలంతో దూషించిందని ఫిర్యాదు. శ్రీరెడ్డిపై 506, 509 ఐటీ యాక్ట్ కింద కేసు నమోదు. సోషల్‌ మీడియాలో అసభ్య కామెంట్స్ చేయడం చట్టరీత్యా నేరం. సపోర్టింగ్‌ కామెంట్స్ చేసినవారిపై కూడా చర్యలు తీసుకుంటాం -సీసీఎస్‌ సైబర్‌క్రైమ్‌ ఏసీపీ ప్రసాద్.

మరికొద్ది గంటల్లో తెలంగాణ మంత్రివర్గ విస్తరణ

Telangana cabinet expansion second time in RajBhavan, మరికొద్ది గంటల్లో తెలంగాణ మంత్రివర్గ విస్తరణ

తెలంగాణ కేబినెట్ విస్తరణకు రంగం సిద్ధమైంది. ఆదివారం దశమి కావడంతో ఈ రోజే మంత్రివర్గ విస్తరణకు అనుకూలంగా ఉంటుందని సీఎం కేసీఆర్ భావించారు. ఈ సాయంత్రం 4 గంటలకు కొత్త మంత్రులతో ప్రమాణ స్వీకారం చేయించేందుకు ముహూర్తం ఖరారు చేశారు. కొత్త మంత్రులతో రాజ్ భవన్‌లో ప్రమాణ స్వీకారానికి ఏర్పాట్లు చేయాలంటూ చీఫ్ సెక్రెటరీ ఎస్.కే. జోషిని ఆదేశించారు.

కొత్త మంత్రులతో నూతన గవర్నర్ తమిళసై సౌందర్‌రాజన్ ప్రమాణ స్వీకారం చేయించనున్నారు. రాష్ట్రంలో ప్రభుత్వం ఏర్పడిన తర్వాత రెండోసారి మంత్రివర్గ విస్తరణ జరుగుతోంది. తొలిసారి సీఎం కేసీఆర్ ముఖ్యమంత్రిగా, హోం మంత్రిగా మహమూద్ అలీ ప్రమాణ స్వీకారం చేయగా, ఫిబ్రవరి 19న 10 మంత్రులతో కేబినెట్ కొలువుదీరింది. తాజాగా ఇవాళ మరోసారి మంత్రివర్గ విస్తరణ జరిపేందుకు సర్వం సిద్ధమైంది. అయితే ఈసారి ఎంతమందికి ఛాన్స్ లభిస్తుందో అనేది ఉత్కంఠగా మారింది.

అయితే తెలంగాణకు కొత్త గవర్నర్ నియామకం జరిగినే నేపథ్యంలో సీఎం కేసీఆర్ ఆమె చేతుల మీదుగా ప్రమాణ స్వీకారం చేసేలా ప్రణాళిక రెడీ చేయడంతో మంత్రి పదవుల విషయంలో ఎవరూ పైరవీలు చేసే వీలు లేకపోయిందని సమాచారం.

Related Tags