రాకెట్‌ తయారీలో హైదరాబాద్ స్టార్టప్

స్కైరూట్… హైదరాబాద్‌కు చెందిన స్టార్టప్. హైదరాబాద్‌కు చెందిన ఈ స్టార్టప్ ఒక రాకెట్‌ను తయారు చేస్తోంది. దీన్ని ఒక రోజులోనే అసెంబుల్ చేసి లాంచ్ చేయవచ్చు. ఇది చిన్న శాటిలైట్లను స్పేస్ సెంటర్‌లోకి తీసుకెళ్లనుంది.

అంతర్జాతీయంగా చిన్న శాటిలైట్లను నింగిలోకి పంపడం ఇటీవల కాలంలో ఎక్కువైంది. దీనికి డిమాండ్ కూడా ఉంది. వచ్చే దశాబ్ద కాలంలో చిన్న శాటిలైట్ మార్కెట్‌లో బలమైన వృద్ధి నమోదయ్యే అవకాశముంది. అందుకే ఇందులో అధిక మార్కెట్ వాటా లక్ష్యంగా ఈ స్టార్టప్ అడుగులు వేస్తోంది.

అమెరికా స్పేస్ రీసెర్చ్ సంస్థ నార్తన్ స్కై రీసెర్చ్ నివేదిక ప్రకారం.. గ్లోబల్‌గా 2027 నాటికి దాదాపు 6,500 చిన్న శాటిలైట్లను స్పేస్‌లోకి పంపనున్నారు. కమ్యూనికేషన్స్, రిమోట్ సెన్సింగ్, నావిగేషన్ వంటి వివిధ రకాల సేవల కోసం వీటిని నింగిలోకి పంపనున్నారు. ప్రపంచంలోని మారుమూల ప్రాంతాలకు హైస్పీడ్ బ్రాండ్‌బాండ్ సేవలు అందించేందుకు 3,236 శాటిలైట్లను స్పేస్‌లోకి పంపేందుకు క్యూపర్ ప్రాజెక్ట్‌పై పనిచేస్తున్నామని అమెజాన్ ఫౌండర్ జెఫ్ బెజోస్ ఇటీవలే తెలిపారు.

ఇస్రో మాజీ శాస్త్రవేత్తలైన పవన్ కుమార్ చందన, నాగ భరత్, వాసుదేవన్ సంయుక్తంగా స్కైరూట్‌ స్టార్టప్‌ను ఏర్పాటు చేశారు. ఈ కంపెనీ 2021లో తొలి రాకెట్ లాంచ్ చేసే అవకాశముంది. రాకెట్‌ను అంతరిక్షంలోకి పంపేందుకు అయ్యే వ్యయం మూడో వంతు దిగొస్తుందని స్కైరూట్ పేర్కొంటోంది. రాకెట్ పరీక్షల కోసం డిఫెన్స్ రీసెర్చ్ అండ్ డెవలప్‌మెంట్ ఆర్గనైజేషన్ (డీఆర్‌డీవో)తో భాగస్వామ్యం కుదుర్చుకున్నామని కంపెనీ తెలిపింది.