2019 యాపిల్ ఈవెంట్… కొత్తగా ఏం రాబోతున్నాయ్?

సాఫ్ట్‌వేర్ దిగ్గజ సంస్థ యాపిల్ ఈ ఏడాది సెప్టెంబర్ 10వ తేదీన నూతన ప్రొడక్ట్స్ లాంచింగ్ ఈవెంట్‌ నిర్వహించబోతోంది. కాలిఫోర్నియాలోని స్టీవ్‌జాబ్స్‌ థియేటర్‌లో భారత కాలమానం ప్రకారం ఉదయం 10.30 గంటలకు జరిగే ఈ కార్యక్రమంలో యాపిల్‌ సీఈవో టిమ్‌ కుక్‌ కంపెనీ తీసుకురాబోయే కొత్త ఉత్పత్తులను ప్రపంచానికి పరిచయం చేయబోతున్నారు. యాపిల్‌ తదుపరి ఐఫోన్‌ 11 సిరీస్‌ ఫోన్లను తీసుకురానుంది. వీటితో పాటు తదుపరి వాచ్‌ సిరీస్‌, ఐవోఎస్‌ 13 ఆవిష్కరించనున్నట్లు తెలుస్తోంది. ఇక ఆ […]

2019 యాపిల్ ఈవెంట్... కొత్తగా ఏం రాబోతున్నాయ్?
Follow us

| Edited By:

Updated on: Sep 09, 2019 | 5:08 PM

సాఫ్ట్‌వేర్ దిగ్గజ సంస్థ యాపిల్ ఈ ఏడాది సెప్టెంబర్ 10వ తేదీన నూతన ప్రొడక్ట్స్ లాంచింగ్ ఈవెంట్‌ నిర్వహించబోతోంది. కాలిఫోర్నియాలోని స్టీవ్‌జాబ్స్‌ థియేటర్‌లో భారత కాలమానం ప్రకారం ఉదయం 10.30 గంటలకు జరిగే ఈ కార్యక్రమంలో యాపిల్‌ సీఈవో టిమ్‌ కుక్‌ కంపెనీ తీసుకురాబోయే కొత్త ఉత్పత్తులను ప్రపంచానికి పరిచయం చేయబోతున్నారు. యాపిల్‌ తదుపరి ఐఫోన్‌ 11 సిరీస్‌ ఫోన్లను తీసుకురానుంది. వీటితో పాటు తదుపరి వాచ్‌ సిరీస్‌, ఐవోఎస్‌ 13 ఆవిష్కరించనున్నట్లు తెలుస్తోంది. ఇక ఆ ఈవెంట్‌లో ఈసారి విడుదల చేస్తారని భావిస్తున్న పలు నూతన ప్రొడక్ట్స్ వివరాలను ఒకసారి పరిశీలిస్తే…

ఐఫోన్‌ తదుపరి సిరీస్‌లో భాగంగా ఐఫోన్‌ 11 పేరిట మూడు ఫోన్లను యాపిల్‌ తీసుకురాబోతోంది. వీటికి సంబంధించి పలు వార్తలు ఇప్పటికే బయటకొచ్చాయి. రూమర్స్‌ ప్రకారం ఐఫోన్‌11, ఐఫోన్‌ 11 ప్రో, ఐఫోన్‌ 11 మ్యాక్స్‌ ప్రో పేరిట మూడు ఫోన్లు రానున్నాయి. ఈ మూడింటిలోనూ మూడేసి కెమెరాలు ఉండబోతున్నట్లు సమాచారం. ధర, ఇతర వివరాలు రేపటి ఈవెంట్‌లో తెలుస్తాయి.

ఈసారి యాపిల్‌ సర్‌ప్రైజ్‌ ఇచ్చేందుకు సిద్ధమవుతున్నట్లు సమాచారం. ముఖ్యంగా భారత్‌ వంటి దేశాల్లో తమ అమ్మకాలను పెంచుకోవడంలో భాగంగా తక్కువ ధరలో ఐఫోన్‌ను తీసుకురానున్నట్లు తెలుస్తోంది. 2016లో ఇలానే ఐఫోన్‌ ఎస్‌ఈ పేరిట తక్కువ ధరలో ఫోన్‌ను ఆవిష్కరించారు. అదే తరహాలో ఈ సారి సైతం తక్కువ ధరలో ఓ ఫోన్‌ను తీసుకొచ్చేందుకు యాపిల్‌ సిద్ధమవుతోంది.

ఈ ఈవెంట్‌లో యాపిల్‌ తన లేటెస్ట్ ఐవోఎస్‌ వెర్షన్‌ 13ను విడుదల చేయబోతోంది. ఇందులో యాప్‌ సైజ్‌ 50 శాతం వరకు తగ్గించడంతో పాటు యాప్‌ అప్‌డేట్‌ సైజ్‌ను సైతం 60 శాతం మేర తగ్గించే అవకాశం ఉన్నట్లు తెలుస్తోంది. కొత్త వెర్షన్‌లో ఫేస్‌ఐడీ 30 శాతం వేగంగా పనిచేయనుంది. దీంతో పాటు ఐవోఎస్‌ 13లో ఈసారి డార్క్‌మోడ్‌ ఫీచర్‌ను తీసురానుంది. ఇప్పటి వరకు ఇదే అతి వేగవంతమైన ఓఎస్‌గా యాపిల్‌ పేర్కొంటోంది.

వీటితో పాటు ఐఫోన్‌ తన వాచ్‌ సిరీస్‌ 5ను కూడా ఇదే ఈవెంట్‌లో తీసుకురాబోతున్నట్లు తెలుస్తోంది. దీంతో పాటు అప్‌డేట్‌ చేసిన మ్యాక్‌ బుక్‌ను కూడా లాంచ్‌ చేయనున్నట్లు సమాచారం. యాపిల్‌ టీవీ ప్లస్‌ సిరీస్‌ను కూడా ఇదే ఈవెంట్‌లో తీసుకురానున్నట్లు వార్తలు వస్తున్నాయి. రివర్స్‌ వైర్‌లెస్‌ ఛార్జింగ్‌ సదుపాయంతోపాటు, శాంసంగ్‌ గెలాక్సీ నోట్‌ సిరీస్‌లో కనిపించే పెన్‌ తరహాలో యాపిల్‌ కూడా పెన్సిల్‌ను తీసుకురానున్నట్లు తెలుస్తోంది. వీటితో పాటు ఫోల్డబుల్‌ ఫోన్‌ గురించి కూడా ప్రకటన చేసే అవకాశం ఉన్నట్లు ప్రచారంలో ఉంది. ఇంకా ఏమేం కొత్త సంగతులు తీసుకొస్తుందో తెలియాలంటే రేపటి వరకు వేచి చూడాల్సిందే! ఈ సారి టిమ్‌కుక్‌ ఆవిష్కరించబోయే యాపిల్‌ కొత్త ఉత్పత్తులకు సంబంధించిన ప్రత్యక్షప్రసారాన్ని తొలిసారి యూట్యూబ్‌లో యాపిల్‌ అందుబాటులోకి తీసుకొస్తోంది. మంగళవారం ఉదయం భారత కాలమానం ప్రకారం.. 10.30గంటలకు జరిగే ఈ ఈవెంట్‌ను యూట్యూబ్‌లో అందరూ వీక్షించే ఏర్పాటు చేస్తోంది.

శివసేనలో చేరిన నటుడు గోవిందా.. లోక్‌సభ ఎన్నికల్లో పోటీ!
శివసేనలో చేరిన నటుడు గోవిందా.. లోక్‌సభ ఎన్నికల్లో పోటీ!
విదేశాల్లో మరో విషాదం.. తెలంగాణ సాఫ్ట్ వేర్ ఇంజనీర్ మృతి
విదేశాల్లో మరో విషాదం.. తెలంగాణ సాఫ్ట్ వేర్ ఇంజనీర్ మృతి
84 రన్స్ తో రఫ్ఫాడించిన రియాన్ పరాగ్‌.. ఢిల్లీ టార్గెట్ ఎంతంటే?
84 రన్స్ తో రఫ్ఫాడించిన రియాన్ పరాగ్‌.. ఢిల్లీ టార్గెట్ ఎంతంటే?
నా తమ్ముడిని బామర్ధి అంటూ.. వాడికి మెసేజ్‌లు చేస్తున్నారు..
నా తమ్ముడిని బామర్ధి అంటూ.. వాడికి మెసేజ్‌లు చేస్తున్నారు..
సమ్మర్ కు వెకేషన్ కు చిరంజీవి రెడీ.. భార్య సురేఖతో కలిసి మరోసారి
సమ్మర్ కు వెకేషన్ కు చిరంజీవి రెడీ.. భార్య సురేఖతో కలిసి మరోసారి
ముంబైకు భారీ షాక్..రాబోయే మ్యాచ్‌లకు ఆ స్టార్ ప్లేయర్ దూరం
ముంబైకు భారీ షాక్..రాబోయే మ్యాచ్‌లకు ఆ స్టార్ ప్లేయర్ దూరం
బీఆర్ఎస్ కు మరో షాక్.. కూతురితో సహా కేకే కాంగ్రెస్ లోకి!
బీఆర్ఎస్ కు మరో షాక్.. కూతురితో సహా కేకే కాంగ్రెస్ లోకి!
వాట్సాప్‌ యూజర్లకు పండగే.. ఫొటో ఎడిటింగ్‌ కోసం..
వాట్సాప్‌ యూజర్లకు పండగే.. ఫొటో ఎడిటింగ్‌ కోసం..
CSK vs RCB మ్యాచ్‌కు రికార్డు వ్యూస్.. ఎన్ని కోట్ల మంది చూశారంటే?
CSK vs RCB మ్యాచ్‌కు రికార్డు వ్యూస్.. ఎన్ని కోట్ల మంది చూశారంటే?
ఫోన్‌ కోసం డ్రైనేజీలోకి దిగి .. 36 గంటలు నరకయాతన
ఫోన్‌ కోసం డ్రైనేజీలోకి దిగి .. 36 గంటలు నరకయాతన