Vivo T3 Ultra: అరగంట పాటు నీటిలో ముంచేసి ఉంచినా ఏం కాదు.. కొత్త స్మార్ట్ ఫోన్ ఈ రోజే కొనేయండి..

మన దేశీయ మార్కెట్లో వివో స్మార్ట్ ఫోన్లకు మంచి డిమాండే ఉంది. స్టైలిష్ లుక్, మంచి కెమెరా క్వాలిటీతో వచ్చే ఈ పోన్లపై వినియోగదారుల నుంచి మంచి ఫీడ్ బ్యాకే ఉంది. ఈ క్రమంలో వివో నుంచి ఇటీవల టీ సిరీస్ లో కొత్త ఫోన్ విడుదలైంది. దీనిపేరు వివో టీ3 అల్ట్రా. ఈ ఫోన్ వినియోగదారులు కొనుగోలు చేసేందుకు అందుబాటులోకి వస్తోంది. దీనిలో మీడియా టెక్ డెమెన్సిటీ 9200 ప్లస్ చిప్ సెట్ తో వస్తోంది. 5,500ఎంఏహెచ్ బ్యాటరీని కలిగి ఉంటుంది. 50ఎంపీ ప్రైమరీ కెమరా ఫొటో గ్రఫీ ప్రియులను ఆకర్షిస్తుంది. దీని ధర, ఫీచర్లు, ప్రారంభ ఆఫర్లకు సంబంధించిన పూర్తి వివరాలు ఇప్పుడు చూద్దాం..

స్టైలిష్ డిజైన్..

వివో టీ3 అల్ట్రా 5జీ ఫోన్. ఇది సొగసైన, మన్నికైన డిజైన్‌ను కలిగి ఉంటుంది. ఐపీ68 రేటింగ్ తో నీరు, ధూళి నిరోధకతతో వస్తుంది. ఈ ఫోన్ 30 నిమిషాల పాటు 1.5 మీటర్ల వరకు నీటిలో మునిగిపోయినా ఏం కాదు. స్లిమ్ ప్రొఫైల్‌ను కలిగి ఉంటుంది. శక్తివంతమైన విజువల్స్ కోసం వంపు తిరిగిన 1.5కే అమోల్డ్ డిస్‌ప్లేను కలిగి ఉంటుంది. రెండు కలర్ ఆప్షన్స్ ఫ్రాస్ట్ గ్రీన్, లూనార్ గ్రే లలో అందుబాటులో ఉంటుంది. ఇది ఆండ్రాయిడ్ 14 ఆధారంగా ఫన్ టచ్ ఓఎస్ 14పై నడుస్తుంది. 3 సంవత్సరాల ఆండ్రాయిడ్ అప్‌డేట్‌లు, 4 సంవత్సరాల సెక్యూరిటీ ప్యాచ్‌లను అందిస్తోంది.

లభ్యత, ప్రారంభ ఆఫర్లు..

వివో టీ3 అల్ట్రా 5జీ ఫోన్ ఈ రోజు(22 సెప్టెంబర్) నుంచి కొనుగోలు దారులకు అందుబాటులోకి వస్తోంది. సాయంత్రం ఏడు గంటలకు ఫ్లిప్‌కార్ట్, వివో ఇండియా ఈ-స్టోర్, వివిధ రిటైల్ భాగస్వాముల ద్వారా కొనుగోలు చేయడానికి అవకాశం ఉంటుంది. 8జీబీ + 128జీబీ వేరియంట్ ధర రూ. 31,999 కాగా, 8జీబీ+ 256జీబీ మోడల్ ధర రూ. 33,999గా ఉంది. 12జీబీ + 256జీబీ వేరియంట్ రూ. 35,999కి అందుబాటులో ఉంటుంది. హెచ్డీఎఫ్సీ బ్యాంక్ వినియోగదారులు రూ. 3,000 ఫ్లాట్ తగ్గింపును ఆస్వాదించవచ్చు. దీని ప్రభావవంతమైన ధరలను సంబంధిత వేరియంట్‌ల కోసం రూ. 28,999, రూ. 30,999, రూ. 32,999కి తగ్గించవచ్చు.

ప్రధాన స్పెసిఫికేషన్స్..

వివో టీ3 అల్ట్రా 5జీ ఫోన్లో మీడియా టెక్ డైమెన్సిటీ 9200 ప్లస్ ప్రాసెసర్ ఆధారంగా పనిచేస్తుంది. 120హెర్జ్ రిఫ్రెష్ రేట్, 4500 నిట్స్ గరిష్ట బ్రైట్ నెస్ తో 1.5కే అమోల్డ్ డిస్‌ప్లేను కలిగి ఉంటుంది. ప్రకాశవంతమైన సూర్యకాంతిలో కూడా అద్భుతమైన విజువల్స్‌ను అందిస్తుంది. స్పష్టమైన ఫొటోల కోసం ఆప్టికల్ ఇమేజ్ స్టెబిలైజేషన్ (ఓఐఎస్)తో కూడిన ఫ్లాగ్‌షిప్ 50ఎంపీ సోనీ ఐఎంఎక్స్ 921 సెన్సార్, 120 డిగ్రీల ఫీల్డ్ ఆఫ్ వ్యూతో 8ఎంపీ వైడ్ యాంగిల్ లెన్స్ ఉంటాయి. ఏఐ ఫేషియల్ ఫీచర్ తో కూడిన 50ఎంపీ ఫ్రంట్ కెమెరా మెరుగైన సెల్ఫీలను అందిస్తుంది. 80వాట్ల ఫ్లాష్ ఛార్జ్‌తో కూడిన భారీ 5,500ఎంఏహెచ్ బ్యాటరీని కలిగి ఉంటుంది.

మరిన్ని టెక్నాలజీ వార్తల కోసం ఇక్కడ క్లిక్ చేయండి..