గూగుల్ డ్యుయోలో గ్రూప్ వీడియో కాలింగ్.. ఒకేసారి 12 మందితో!
సెర్చ్ ఇంజిన్ గూగుల్ మరో ఫీచర్‌ను ప్రవేశపెట్టనుంది. గూగుల్ డ్యుయోలో ఎక్కువ మంది వినియోగదారులు చేరుతున్న నేపథ్యంలో గ్రూప్ వీడియో కాలింగ్ సదుపాయాన్ని కల్పించింది. ప్రతీ వారం కోటి మందికి పైగా గూగుల్ డ్యూయోలో భాగమవుతున్నారు. అందులోనూ ఇప్పుడు లాక్‌డౌన్ కారణంగా..
సెర్చ్ ఇంజిన్ గూగుల్ మరో ఫీచర్‌ను ప్రవేశపెట్టనుంది. గూగుల్ డ్యుయోలో ఎక్కువ మంది వినియోగదారులు చేరుతున్న నేపథ్యంలో గ్రూప్ వీడియో కాలింగ్ సదుపాయాన్ని కల్పించింది. ప్రతీ వారం కోటి మందికి పైగా గూగుల్ డ్యూయోలో భాగమవుతున్నారు. అందులోనూ ఇప్పుడు లాక్‌డౌన్ కారణంగా అందరూ ఇంటి వద్దనే ఉంటున్నారు. దీంతో కుటుంబ సభ్యులు, మిత్రుల మధ్య వీడియో కాలింగ్‌లకు గిరాకీ బాగా పెరిగిందట. ఈ నేపథ్యంలో టెక్ దిగ్గజం గూగుల్.. డ్యూయోలో ఒకేసారి 12 మందితో సంభాషించే సౌకర్యాన్ని తీసుకువస్తున్నట్లు ప్రకటించింది.
గూగుల్ అకౌంట్ ఉన్న వారికి ఓ లింక్ ఆధారంగా ఈ గ్రూప్ వీడియో కాల్‌కు ఆహ్వానించవచ్చని పేర్కొంది. ఈ వారంలోనే ఈ ఫీచర్‌ను అందుబాటులోకి తీసుకొస్తామని.. ఆండ్రాయిడ్, ఐఓఎస్‌లలో దీనిని వినియోగించవచ్చని స్పష్టం చేసింది. అలాగే వీడియో కాలింగ్ సమయంలో ఎదుటి వారిని ఆశ్చర్యపరిచేందుకు మాస్కులు, కళ్లద్దాలు వంటి వినోదాత్మక ఫీచర్లు కూడా అందుబాటులో ఉంటాయని వివరించింది గూగుల్. ఇతరులతో కాల్ మాట్లాడుతుండగా ఫొటో కూడా తీసుకునే అవకాశం కల్పించింది గూగుల్ డ్యుయో. అలాగే వీడియో కాలింగ్ సమయంలో అనుకోకుండా మాటలు వినిపించకపోవడం, కాల్ కట్ అయిపోవడం వంటి అవాంతరాలు లేకుండా మ్యూట్, హ్యాంగ్ అప్ అనే ఆప్షన్లను తాత్కాలికంగా నిలిపేస్తున్నట్లు చెప్పింది గూగుల్.
Read More: దిల్‌రాజు పెళ్లి ఫొటోలు.. మాతృదినోత్సవం రోజు కొత్త జీవితం
