Hacking: మీ ఫోన్‌లో ఈ యాప్‌లున్నాయా? వెంటనే డిలీట్ చేయండి.. లేదంటే మీ ఫేస్‌బుక్‌ లాగిన్‌ వివరాలు ప్రమాదంలో పడ్డట్లే.
Cyber Hacking: సైబర్‌ నేరగాళ్లు రోజురోజుకీ తెలివి మీరి పోతున్నారు. అధునాతన టెక్నాలజీ సహాయంతో మన కంప్యూటర్‌లు, మొబైల్ ఫోన్లలోకి చొచ్చుకుపోతూ వ్యక్తిగత సమాచార భద్రతను ప్రశ్నార్థకంగా మారుస్తున్నారు. సోషల్ మీడియా అకౌంట్‌లను హ్యాక్‌ చేస్తూ..
Cyber Hacking: సైబర్‌ నేరగాళ్లు రోజురోజుకీ తెలివి మీరి పోతున్నారు. అధునాతన టెక్నాలజీ సహాయంతో మన కంప్యూటర్‌లు, మొబైల్ ఫోన్లలోకి చొచ్చుకుపోతూ వ్యక్తిగత సమాచార భద్రతను ప్రశ్నార్థకంగా మారుస్తున్నారు. సోషల్ మీడియా అకౌంట్‌లను హ్యాక్‌ చేస్తూ వ్యక్తిగత సమాచారాన్ని దోచేయడం ఇటీవల ఎక్కువైపోయింది. సదరు సోషల్ మీడియా కంపెనీలు ఎన్ని రకాల చర్యలు తీసుకుంటున్నా సైబర్‌ నేరగాళ్ల దాడి నుంచి తప్పించుకోలేకపోతున్నారు. పలు యాప్‌ల ద్వారా మాల్వేర్‌ను ఫోన్లలోకి పంపిస్తూ సోషల్ మీడియా అకౌంట్‌లను తమ ఆధీనంలోకి తీసుకుంటున్నారు.
తాజాగా మాల్వేర్‌తో కూడిన ఇలాంటి తొమ్మిది యాప్‌లను గుర్తించారు. గూగుల్ ప్లే స్టోర్‌లో ఉన్న 9 ఫొటో ఎడిటింగ్‌ యాప్‌ల ద్వారా ఫేస్‌బుక్‌ యూజపర్ల లాగిన్‌ వివరాలను హ్యాకర్లు దోచేస్తున్నట్లు డాక్టర్‌ వెబ్ అనే సైబర్‌ సెక్యూరిటీ సంస్థకు చెందిన మాల్‌వేర్ అనలిస్ట్ విభాగం వెల్లడించింది. దీంతో అలర్ట్‌ అయిన గూగుల్ ఆ యాప్‌లను ప్లే స్టోర్‌ నుంచి తొలగించింది. ఇప్పటి వరకు ఈ యాప్‌లను సుమారు 50 లక్షల మంది డౌన్‌లోడ్‌ చేసుకున్నట్లు డాక్టర్‌ వెబ్ తెలిపింది. కాబట్టి యూజర్లు వెంటనే యాప్‌లను తొలగించాలని సైబర్‌ నిపుణులు సూచిస్తున్నారు. ఇంతకీ ఆ తొమ్మిది యాప్స్‌ ఏంటంటే.. పిఐపి ఫొటో, ప్రాసెసింగ్ ఫొటో, రబ్బిష్ క్లీనర్, హారోస్కోప్ డైలీ, ఇన్‌వెల్‌ ఫిట్‌నెస్‌, యాప్‌ లాక్ కీప్‌, లాకిట్ మాస్టర్‌, హారోస్కోప్ పై, యాప్‌ లాక్ మేనేజర్‌. మీ ఫోన్‌లో ఈ యాప్‌లు ఉంటే వెంటనే అన్‌ ఇన్‌స్టాల్ చేసేయండి.
VIVO : ఈ మొబైల్ ఫోన్ కెమెరా గాల్లో ఎగురుతుందట..! ఎలాగో మీరే తెలుసుకోండి..
