గులాబీ రంగులో సరస్సు నీరు… స్టడీకి రీసెర్చర్లు రెడీ !

మహారాష్ట్ర లోని బుల్దానా జిల్లాల్లో లోనార్ సరస్సు నీరు గులాబీ (పింక్) రంగులోకి మారడానికి గల కారణాలను కనుగొనబోతున్నారు. నాగపూర్ లోని నేషనల్ ఎన్విరాన్ మెంట్ ఇంజనీరింగ్ రీసెర్చ్ ఇన్స్ టి ట్యూట్ కి చెందిన రీసెర్చర్ల బృందం వచ్ఛేవారం ఈ సరస్సును విజిట్ చేసి ఇందులోని నీటి శాంపిల్స్ ని సేకరిస్తుందని అధికారులు తెలిపారు. సుమారు 50 వేల సంవత్సరాల క్రితం ఓ ఉల్క ఈ ప్రదేశాన్ని బలంగా ఢీ కొన్నదని చెబుతారు. 1.2 కి.మీ. వైశాల్యం ఉన్న ఈ సరస్సును చూడడానికి అనేకమంది టూరిస్టులు వస్తుంటారు. ఇటీవలే ఈ లేక్ లోని నీరు పింక్ వర్ణం లోకి మారడం స్థానికులను, ప్రకృతి ప్రేమికులను కూడా ఆశ్చర్యపరిచింది. బహుశా  ఈ నీటిలో ఆల్గే ఉండడంవల్లే ఇలా జరిగి ఉండవచ్ఛునని అంటున్నారు. నీటి రంగు మారడం ఇదే మొదటిసారి కాదని, కానీ ఈ సారి  ఇంత ప్రస్ఫుటంగా కనిపించడం మాత్రం ఇదే తొలి సారని  అంటున్నారు. లోనార్ సరస్సుప్రాంతాన్ని మొదట 1823 లో అలెగ్జాండర్ అనే బ్రిటిష్ అధికారి అసాధారణ భౌగోళిక సైట్ గా గుర్తించాడట.