నాగబాబు ఎగ్జిట్‌.. ‘జబర్దస్త్’లో కొత్త టీమ్ లీడర్లు ఎంట్రీ!

దాదాపు ఏడేళ్ల నుంచి బుల్లితెర ప్రేక్షకులను విపరీతంగా ఆకట్టుకుంటూ వస్తున్న షో ‘జబర్దస్త్’. ప్రస్తుతం ఈ షో నుంచి నటుడు నాగబాబు తప్పుకున్నాడు. ఒక్క నాగబాబే కాదు టీమ్ లీడర్స్ అయిన చమ్మక్ చంద్ర, కిరాక్ ఆర్పీలు కూడా అర్ధాంతరంగా షో నుంచి వైదొలిగారు. దీంతో నిర్వాహకులు వారి స్థానాల్లో కొత్త వారిని టీమ్ లీడర్స్‌ను దింపి..  ‘జబర్దస్త్’, ‘ఎక్స్‌ట్రా జబర్దస్త్’ల్లో పలు మార్పులు చేశారు. ఇప్పటివరకు ‘జబర్దస్త్’లోనే అలరించిన రాకింగ్ రాకేష్ టీమ్ ఇకపై ఎక్స్‌ట్రా […]

నాగబాబు ఎగ్జిట్‌.. 'జబర్దస్త్'లో కొత్త టీమ్ లీడర్లు ఎంట్రీ!
Follow us

| Edited By: Srinu

Updated on: Nov 25, 2019 | 2:10 PM

దాదాపు ఏడేళ్ల నుంచి బుల్లితెర ప్రేక్షకులను విపరీతంగా ఆకట్టుకుంటూ వస్తున్న షో ‘జబర్దస్త్’. ప్రస్తుతం ఈ షో నుంచి నటుడు నాగబాబు తప్పుకున్నాడు. ఒక్క నాగబాబే కాదు టీమ్ లీడర్స్ అయిన చమ్మక్ చంద్ర, కిరాక్ ఆర్పీలు కూడా అర్ధాంతరంగా షో నుంచి వైదొలిగారు. దీంతో నిర్వాహకులు వారి స్థానాల్లో కొత్త వారిని టీమ్ లీడర్స్‌ను దింపి..  ‘జబర్దస్త్’, ‘ఎక్స్‌ట్రా జబర్దస్త్’ల్లో పలు మార్పులు చేశారు.

ఇప్పటివరకు ‘జబర్దస్త్’లోనే అలరించిన రాకింగ్ రాకేష్ టీమ్ ఇకపై ఎక్స్‌ట్రా జబర్దస్త్‌లోనూ సందడి చేయనున్నారు. అంతేకాకుండా కొత్తగా మహిధర్ టీమ్ కూడా సందడి చేయనుంది. కాగా, గతంలో ‘జబర్దస్త్’, ‘ఎక్స్‌ట్రా జబర్దస్త్’లు రెండింటిలోనూ కలిసి 12 మంది టీమ్ లీడర్లు తమ స్కిట్స్ చేసేవారు. ఇక చమ్మక్ చంద్ర, కిరాక్ ఆర్పీలు తప్పుకోవడంతో ‘ఎక్స్‌ట్రా జబర్దస్త్’లో నాలుగు టీమ్స్ మాత్రమే మిగిలాయి. అందుకే నిర్వాహకులు షో టీఆర్పీ రేటింగ్స్‌ను దృష్టిలో పెట్టుకుని వెంటనే మరో రెండు టీమ్స్‌ను భర్తీ చేశారు.