Breaking News
  • ఆర్టీసీ కార్మికుల ఆత్మహత్యలపై కౌంటర్‌ దాఖలు చేసిన ప్రభుత్వం. నిరాధార ఆరోపణలతో ప్రభుత్వంపై నిందలు వేస్తున్నారు. ఆత్మహత్యలకు కారణాలను దర్యాప్తు సంస్థలు తేల్చాల్సి ఉంది. చట్టప్రకారం చర్యలు చేపట్టాలని కార్మికశాఖ కమిషనర్‌ను ఇప్పటికే హైకోర్టు ఆదేశించిందన్న సీఎస్‌. కార్మికుల జీతాలు సహా ఇతర డిమాండ్లపై కార్మికశాఖ కమిషనర్‌ తగిన చర్యలు తీసుకుంటారన్న సీఎస్‌.
  • ఏపీ బ్యాడ్మింటన్‌ అసోసియేషన్‌లో భారీగా నిధుల దుర్వినియోగం. మాజీ సెక్రటరీ చౌదరి సహా కొందరు సభ్యులపై కేసు నమోదు. నిధులు దుర్వినియోగం అయినట్టు రుజువుకావడంతో పున్నయ్య చౌదరిని అరెస్ట్‌చేసిన పోలీసులు.
  • విజయవాడ: సీఎం జగన్‌ పాలనతో సహకారం రంగం విరాజిల్లుతోంది. 2004లో స్వర్గీయ వైఎస్‌ఆర్‌ కోఆపరేటివ్‌ వ్యవస్థను బలోపేతం చేశారు. సహకారం రంగాన్ని టీడీపీ ప్రభుత్వం కుదేలు చేసింది. ఉద్యోగుల సమస్యలు పరిష్కరించేందుకు ప్రభుత్వం అండగా ఉంటుంది. రాజకీయ నాయకుల లాగా ఉద్యోగులు యూనియన్లు మారొద్దు-మంత్రి పేర్ని నాని. సహకార వ్యవస్థను బలోపేతం చేసేందుకు ప్రభుత్వం కృషి చేస్తోంది. రైతులకు అన్ని విధాలుగా సహకరించి రుణాలు అందించాలి-మంత్రి వెల్లంపల్లి
  • సిద్దిపేట: హుస్నాబాద్‌లో మోడల్‌ స్కూల్‌ను తనిఖీ చేసిన హరీష్‌రావు. చన్నీళ్లతో స్నానం చేస్తున్నామని మంత్రికి విన్నవించిన విద్యార్థులు. వాటర్‌ హీటర్‌ను వెంటనే రిపేర్‌ చేయించాలని ప్రిన్సిపాల్‌కు ఆదేశం. పిల్లలకు త్వరలో దుప్పట్లు పంపిణీ చేస్తానని హామీ.
  • తిరుపతి: కేరళ నుంచి సికింద్రాబాద్‌ వెళ్లే రైలులో నీటి కొరత. ఫిర్యాదు చేసినా పట్టించుకోని అధికారులు. నరక యాతన పడుతున్న అయ్యప్ప భక్తులు, ప్రయాణికులు. రైలును రేణిగుంట స్టేషన్‌లో ఆపేసిన ప్రయాణికులు.
  • మున్సిపల్‌ ఎన్నికలపై హైకోర్టులో కౌంటర్‌ దాఖలు చేసిన ప్రభుత్వం. పిటిషన్లన్నీ కొట్టివేయాలని సింగిల్‌ జడ్జిని కోరిన ప్రభుత్వం. పిటిషన్లపై ఇప్పటికే ధర్మాసనం విచారణ జరిపిందన్న ప్రభుత్వం. ప్రజా ప్రయోజన పిటిషన్లను ఇప్పటికే ధర్మాసనం కొట్టివేసిందన్న ప్రభుత్వం.
  • గుంటూరు: ఎస్పీ విజయరావుకు జనసేన ఫిర్యాదు. జనసేన కార్యకర్తలపై అక్రమ కేసులు పెడుతున్నారని ఫిర్యాదు. వాస్తవాలు పరిశీలించి న్యాయం చేయాలని విజ్ఞప్తి. ధర్మవరం ఘటనపై పూర్తి విచారణ చేపడతాం-ఎస్పీ విజయరావు. పోలీసులపై దాడి చేసిన వారిపైనే చర్యలు తీసుకుంటాం. అనవసర వివాదాలకు గ్రామస్తులు దూరంగా ఉండాలి-ఎస్పీ విజయరావు.
  • తూ.గో: అంతర్వేది బీచ్‌లో చోరీ. కారులో నుంచి బంగారు నగలు ఎత్తుకెళ్లిన దుండగులు. నగల విలువ రూ.3 లక్షలు ఉంటుందన్న బాధితులు. పీఎస్‌లో ఫిర్యాదు చేసిన బాధితుడు సూర్యనారాయణ.

నాటి ఆసీస్ జట్టుకు అద్దంలా కోహ్లీసేన..

Team India Resembles 90's Australia Team, నాటి ఆసీస్ జట్టుకు అద్దంలా కోహ్లీసేన..

మిస్టర్ కూల్ మహేంద్ర సింగ్ ధోని అనంతరం టీమిండియా కెప్టెన్సీ పగ్గాలు చేపట్టిన విరాట్ కోహ్లీ.. జట్టుకు వెన్నముకలా నిలుస్తూ.. భారత్‌ను అగ్రస్థానంలో నిలబెట్టాడు. గ్రౌండ్‌లో దూకుడుగా ఉండడమే కాకుండా బ్యాటింగ్‌లో కూడా అదే తీరును కొనసాగిస్తూ ప్రత్యర్థి జట్టకు వణుకు తెప్పిస్తున్నాడు. ధోని సారధ్యంలో భారత్ ఎన్నో అద్భుతమైన విజయాలు అందుకున్న సంగతి తెలిసిందే. అయితే విరాట్ కోహ్లీ నేతృత్వంలో ఏకంగా సంచలనాలనే నమోదు చేసింది. ప్రత్యర్థి ఏదైనా.. బ్యాటింగ్, బౌలింగ్, ఫీల్డింగ్ మొత్తం మూడు విభాగాల్లోనూ సింహాల్లా విరుచుకుపడుతున్నారు. రోహిత్ శర్మ, ధావన్, విరాట్ కోహ్లీ, బుమ్రా, అశ్విన్, జడేజాలు జట్టుకు ఎంతో కీలకమైన ఆటగాళ్లుగా ఉన్నారు. అంతేకాక ఇప్పటి ఇండియా జట్టును ఒకసారి తీక్షణంగా పరిశీలిస్తే.. 90వ దశకం ఆస్ట్రేలియా జట్టును చూసినట్లే ఉంటుంది.

అప్పట్లో స్టీవ్ వా రిటైర్మెంట్ తర్వాత.. ఆస్ట్రేలియా జట్టుకు రికీ పాంటింగ్ కెప్టెన్‌గా ఎంపికయ్యాడు. క్రికెట్ గాడ్ సచిన్ టెండూల్కర్ తర్వాత ఆ స్థాయి గుర్తింపును తెచ్చుకున్న పాంటింగ్.. ఆసీస్‌ను అంతర్జాతీయ క్రికెట్‌‌‌‌‌‌‌‌‌‌‌‌లో ఎదురులేని జట్టుగా తయారు చేశాడు. ప్రత్యర్థి జట్టు ఏదైనా.. వారి స్వదేశంలోనే మట్టి కరిపించారు. గిల్‌‌‌‌క్రిస్ట్, హేడెన్, పాంటింగ్, క్లార్క్, సైమండ్స్, మార్టిన్.. ఇలా ఒకరేమిటి టాప్ ఆర్డర్ నుంచి చివరి వరకు అందరూ కూడా అద్భుతంగా ఆడేవారు. అటు బౌలింగ్ విషయానికి వస్తే మె‌కెగ్రాత్, లీతో పాటు.. మిస్టరీ స్పిన్నర్ షేన్ వార్న్ ఆస్ట్రేలియాకు ప్రధాన బలం. దాదాపు దశాబ్దన్నర కాలం పాటు అంతర్జాతీయ క్రికెట్‌ను ఏకచత్రాధిపత్యంగా ఏలుతూ.. 5 వరల్డ్‌కప్ ట్రోఫీలను తన ఖాతాలో వేసుకుంది.

ఇప్పుడు సరిగ్గా అదే మాదిరి టీమిండియా కూడా మిగతా జట్లను చెమటలు పట్టిస్తోంది. విరాట్ కోహ్లీ జట్టును ముందుండి నడిపిస్తూ.. ప్రపంచ మేటి బ్యాట్స్‌మెన్‌గా మన్ననలు పొందుతున్నాడు. వన్డేల్లో ఇప్పటికే అగ్రస్థానంలో ఉన్న అతడు.. టెస్టుల్లో కూడా నెంబర్ వన్‌పై కన్నేశాడు. ఏది ఏమైనా ఇప్పుడు టీమిండియాను అడ్డుకోవాలంటే మిగిలిన జట్లు వ్యూహాత్మక ప్రణాళికలు రచించక తప్పదు.