Breaking News
  • భారత్‌లో విజృంభిస్తోన్న కరోనా వైరస్‌.భారత్‌లో నిన్న 54,736 కరోనా కేసులు నమోదు, 853 మంది మృతి దేశవ్యాప్తంగా 17,50,724కు చేరిన పాజిటివ్‌ కేసులు.భారత్‌లో ఇప్పటి వరకు కరోనాతో 37,364 మంది మృతి.5,67,730 యాక్టివ్‌ కేసులు, ఇప్పటి వరకు 11,45,630 మంది డిశ్చార్జ్.
  • రాష్ట్ర ముఖ్యమంత్రి శ్రీ కె.చంద్ర శేఖర్ రావు గారి ఆదేశాల మేరకు ప్రభుత్వ కార్యాలయాలలో సమర్దవంతమైన, కచ్చితమైన సేవలు అందించడానికి e-ఆఫీసును ప్రారంభిస్తున్నట్లు ప్రభుత్వ ప్రధాన కార్యదర్శి శ్రీ సోమేష్ కుమార్ తెలిపారు. సోమవారం నాడు బి.ఆర్.కె.ఆర్ భవన్ లో సెక్రటేరియట్ లోని 8 శాఖలలో, HoD లలో 2 శాఖలలో e-ఆఫీసును ప్రారంభించారు.
  • హైదరాబాద్ లో పెరిగిన ఫోర్ వీలర్లఅమ్మాకాలు . మేనెలతో పోల్చితే రెండు నుంచి మూడింతలు పెరిగిన సేల్స్. సేల్స్ పెరగడంతో రిజిస్ట్రేషన్లు పెరిగాయంటున్న హైదరాబాద్ ఆర్టీఏ అధికారులు . మే నెలలో 326 ఫోర్ వీలర్ల రిజిస్ట్రేషన్లు. జూన్ లో 848 , జూలై లో 1149 రిజిస్ట్రేషన్లు . ఆర్ టి ఎ హైదరాబాద్ జాయింట్ కమిషనర్ పాండు రంగా నాయక్.
  • హైదరాబాద్ పోలీస్ కమిషనర్ అంజని కుమార్. హైదరాబాద్ పాతబస్తీ సౌత్ జోన్ పరిధిలో సత్ప్రవర్తన కలిగిన రౌడీషీటర్ ల మేళా ను సాలార్ జుంగ్ మ్యూజియంలో ఏర్పాటు చేసము. పాతబస్తీ లో సత్ప్రవ్తన కలిగి నేరాలకు దూరంగా ఉన్న 31 మంది రౌడీ షీటర్ పై పోలీస్ రికార్డుల్లో నుంచి రౌడీ షీట్ తొలగించము. వీరంతా కొత్త జీవితాన్ని ఆనందంగా గడిపేందుకు అవకాశం కలిపించం. గతంలో వీరంతా తప్పులు చేసి, నేరాలు చేసి జైల్ వెళ్లిన వారు. కానీ ఇప్పుడు ఒక సదవకాశం వీరు అందరికీ ఆదర్శంగా ఉండి కుటుంబం తో సంతోషంగా జీవించాలని సాధారణ పౌరులుగా వుండాలని కోరుతున్న.
  • విజయవాడ: కోవిడ్‌ ఆస్పత్రి సిబ్బంది చేతివాటం. రోగుల మొబైల్స్, డబ్బులు మాయం. సెల్‌ చోరీ చేస్తున్న దృశ్యాలు. సీసీ కెమెరాల్లో రికార్డు. ఒక రోగి అదృశ్యంపై అధికారులు సీసీ కెమెరాలు పరిశీలన. ఓ ఉద్యోగి రోగి సెల్‌ఫోన్‌ తస్కరించడం చూసి అధికారులు షాక్. ఇప్పటికే అధికారులకు ఫిర్యాదు చేసిన బాధితులు. ఉద్యోగి పై ఎవరు అనే కోణంలో దర్యాప్తు. సిబ్బంది ప్రవర్తనపై అధికారులు ఆరా.
  • అమరావతి: 3 రాజధానుల బిల్లు ఆమోదంపై హైకోర్టులో మరో పిల్. హైకోర్టులో మూడు పిటిషన్లు దాఖలు చేసిన రాజధాని రైతులు శ్రీనివాసరావు, సాంబశివరావు. అధికార వికేంద్రీకరణ బిల్లుల ఆమోదం సవాలు చేస్తూ ఒక పిటిషన్. సీఆర్డీఏ రద్దు సవాలు చేస్తూ రెండో పిటిషన్. జేఎన్ రావు కమిటీ, హైపవర్ కమిటీ, బోస్టన్ స్. కన్సల్టెన్సీ నివేదికలు, కమిటీలను సవాలు చేస్తూ మూడో పిటిషన్ దాఖలు. రేపు విచారణకు వచ్చే అవకాశాలు. ఇప్పటికే పిటిషన్ దాఖలు చేసిన రాజధాని పరిరక్షణ సమితి.

మళ్ళీ తెరమీదికి ప్రత్యేక హోదా.. ఈసారి బాబు ప్లాన్ ఏంటంటే?

tdp to raise special status issue, మళ్ళీ తెరమీదికి ప్రత్యేక హోదా.. ఈసారి బాబు ప్లాన్ ఏంటంటే?

గత అయిదేళ్ళుగా తరచూ వినిపిస్తున్న నినాదం ఏపీకి ప్రత్యేక హోదా అంశం. పొలిటికల్‌గా స్టాగ్నేషన్ వచ్చిన ప్రతీసారి ఏదో ఒక రాజకీయ పార్టీ ఏపీకి ప్రత్యేక కేటగిరి స్టేటస్ ఇవ్వాలంటూ డిమాండ్ చేసి.. కొన్ని రోజులు హడావిడి చేయడం చూస్తూనే వున్నాం. ఆరు నెలల క్రితం జరిగిన ఎన్నికల్లో ప్రత్యేక హోదా అంశం ఆధారంగా ప్రచారం నిర్వహించిన తెలుగుదేశం పార్టీ పరాజయం పాలైంది. అయితే తాజాగా తెలుగుదేశం పార్టీ మరోసారి ప్రత్యేక హోదా అంశాన్ని తెరమీదికి తెచ్చే సంకేతాలు కనిపిస్తున్నాయి.

2014లో రాష్ట్ర విభజన సందర్భంగా ఏపీకి తొలుత అయిదేళ్ళ పాటు.. ఆ తర్వాత పదేళ్ళ పాటు ప్రత్యేక కేటగిరీ స్టేట్ హోదా ఇస్తామని కేంద్ర ప్రభుత్వం ప్రకటించిన సంగతి తెలిసిందే. అయితే కేంద్రంలో ఏర్పాటైన నరేంద్ర మోదీ ప్రభుత్వం ఏపీకి ప్రత్యేక హోదా ఇచ్చే అంశాన్ని పక్కన పెట్టేసింది. అందుకు ప్రత్యామ్నాయంగా ఏపీకి ప్రత్యేక ప్యాకేజీ ఇస్తామని ప్రకటించింది. దానికి అప్పటి ముఖ్యమంత్రి చంద్రబాబు కూడా అనుకూలంగా మాట్లాడారు. ఆ తర్వాత ఎన్నికలు సమీపిస్తున్న తరుణంలో ప్రతిపక్ష వైసీపీకి ప్రత్యేక హోదా అనుకూలాంశంగా మారే పరిస్థితి కనిపించడంతో టీడీపీ అధినేత మరోసారి నింద మోదీపైన వేస్తూ.. ప్రత్యేక హోదా అంశాన్ని మరోసారి భుజానికెత్తుకున్నారు.

2019 మే నాటి ఎన్నికల్లో ప్రత్యేక హోదా అంశంపై మూడు ప్రధాన పార్టీలు వైసీపీ, టీడీపీ, బీజేపీలు ఎవరి వాదన అవి వినిపించాయి. ఫలితం వైసీపీకి అనుకూలంగా వచ్చింది. ఆ తర్వాత ప్రత్యేక హోదా అంశం దాదాపు తెరమరుగైనట్లే భావిస్తున్న తరుణంలో టీడీపీ రాజ్యసభ సభ్యుడు కనకమేడల రవీంద్ర కుమార్ మారోసారి ప్రత్యేక హోదా అంశంపై గళమెత్తారు. ప్రత్యేక హోదాను వైసీపీ పక్కన పెట్టిందని, ఇటీవల ముగిసిన పార్లమెంట్ శీతాకాల సమావేశాల్లో ఉభయ సభల్లోను వైసీపీ ఎంపీలు రాష్ట్ర సమస్యలు లేవనెత్తలేదని అన్నారు రవీంద్ర కుమార్. జగన్ తమ 24 మంది ఎంపీలను ప్రధాని మోదీ వద్దకు పంపి, ప్రత్యేక హోదా సహా విభజన హామీలను సాధించాలని రవీంద్ర కుమార్ డిమాండ్ చేశారు.

పార్లమెంటు సెషన్ ముగిసే వరకు ఆగి.. ఉన్నట్లుండి టీడీపీ నేతలు ప్రత్యేక హోదా అంశాన్ని తెరమీదికి తేవడం చంద్రబాబు వ్యూహంలో భాగమేనని చెప్పుకుంటున్నారు. ఈ అంశాన్ని ఆధారం చేసుకుని.. తమ హయాంలో వచ్చిన నిధులను, ఇప్పుడు జగన్ హయాంలో జరుగుతున్న అన్యాయాన్ని కంపేర్ చేసి చూపడం ద్వారా ప్రజల్లోకి ప్రత్యేక హోదా అంశాన్ని తీసుకువెళ్ళాలని చంద్రబాబు భావిస్తున్నట్లు పార్టీ వర్గాలు విశ్లేషించుకుంటున్నాయి. ఈసారి చంద్రబాబుకు ఎలాంటి ఫలితాలు ఎదురవుతాయో వేచి చూడాలి.

Related Tags