Breaking News
  • సిద్దిపేట: గజ్వేల్‌లో జరిగిన దివ్య హత్యకేసులో దర్యాప్తు ముమ్మరం. దివ్య హత్య కేసులో వెంకటేష్‌ గౌడ్‌ అనే యువకుడిపై అనుమానాలు. రెండేళ్ల క్రితం దివ్యను వేధించిన వెంకటేష్‌గౌడ్‌. ఎల్లారెడ్డిపేట పీఎస్‌లో ఫిర్యాదు చేసిన దివ్య తల్లిదండ్రులు. వేధించనని లిఖితపూర్వకంగా రాసి ఇచ్చిన వెంకటేష్‌గౌడ్‌. వేములవాడలో వెంకటేష్‌ తల్లిదండ్రులను విచారించిన పోలీసులు. అందుబాటులో లేని వెంకటేష్‌ గౌడ్‌. అన్ని కోణాల్లో దర్యాప్తు చేస్తున్న పోలీసులు.
  • నేడు శ్రీకాకుళం జిల్లాలో ఎస్సీ శాసనసభా కమిటీ సభ్యుల పర్యటన. శ్రీకూర్మం, అరసవల్లి సూర్యనారాయణస్వామిని దర్శించుకోనున్న బృందం. ఎస్సీ కులాలకు ప్రభుత్వ పథకాల అమలుపై అధికారులతో సమీక్ష.
  • నేడు నిజామాబాద్‌ జిల్లాలో మంత్రి ప్రశాంత్‌రెడ్డి పర్యటన. పంచాయతీరాజ్‌ సమ్మేళనంలో పాల్గొననున్న ప్రశాంత్‌రెడ్డి.
  • నెల్లూరు: ముత్తుకూరు పంటపాలెం దగ్గర రోడ్డు ప్రమాదం. గుర్తుతెలియని వాహనం ఢీకొని మున్నెయ్య అనే వ్యక్తి మృతి. కృష్ణపట్నం పోర్టులో కూలీ పనికి వెళ్తుండగా ప్రమాదం. రహదారిపై స్థానికుల రాస్తారోకో.
  • చైనాను కబళిస్తోన్న కరోనా . ఇప్పటివరకు 2 వేల మంది మృత్యువాత. కొవిడ్‌-19 బారినపడ్డ 75 వేల మంది. నిర్మానుష్యంగా మారిన ప్రధాన నగరాలు. ఇళ్లలోనే 78 కోట్ల మంది. రేపు వూహాన్‌కు సీ-17 విమానం. చైనా నుంచి మరోసారి భారతీయుల తరలింపు.
  • ఈఎస్‌ఐ కుంభకోణం కేసు. మాజీ డైరెక్టర్‌ దేవికారాణి ఆస్తుల అటాచ్‌కు ఏసీబీ రంగం సిద్ధం. అటాచ్‌ చేయడానికి ప్రభుత్వ అనుమతి కోరిన ఏసీబీ. రూ.200 కోట్ల విలువైన ఆస్తుల అటాచ్‌కు అనుమతి కోరిన ఏసీబీ. మందులు కొనుగోళ్లలో దేవికారాణి చేతివాటం. కుటుంబసభ్యులు, బంధువుల పేర్లతో భూముల కొనుగోలు.

ప్రజావేదిక ఎవరి సొంతం?

TDP leaders Fight for PrajaVedika, ప్రజావేదిక ఎవరి సొంతం?

అధికారంలో లేనప్పుడు ఒకలా.. అధికారం  చేపట్టగానే మరోలా.. ఇదీ ప్రస్తుతం  ప్రభుత్వాలు  అనుసరిస్తున్న విధానం. ఏపీ రాజధాని అమరావతికి దగ్గర్లో ఉన్న  ఉండవల్లిలో గత టీడీపీ ప్రభుత్వం తమ పార్టీ కార్యక్రమాలకు అనువుగా ఉండేలా నిర్మించుకున్న ప్రజావేదిక ప్రస్తుతం వార్తలకెక్కింది. ప్రభుత్వం మారింది కాబట్టి ఖాళీ చేయాలని అధికార వైసీపీ,  పార్టీ కార్యక్రమాలకోసం తమకే కేటాయించాలని టీడీపీ. ఇలా ఎవరికి వారు ప్రజావేదికను సొంతం చేసుకునేందుకు  పంతాలకు పోతున్నారు. ఇంతకీ ఇది ఎవరికి చెందుతుంది?

ఉండవల్లిలో కృష్ణానది కరకట్టపై నిర్మించిన ప్రజావేదికపై గత టీడీపీ ప్రభుత్వం తరపున  చంద్రబాబు  తమపార్టీ నేతలు, అధికారులు,కలెక్టర్లతో సమావేశాలు నిర్వహించుకునేందుకు ఈ వేదికను ఉపయోగించేవారు. అయితే అధికారం కోల్పోయిన తర్వాత  ఈ వేదికను  తమ పార్టీ అవసరాలకు ఇవ్వాల్సిందింగా ఆయనే స్వయంగా వైసీపీ ప్రభుత్వానికి లేఖ రాశారు. అయితే దీనిపై  ప్రభుత్వం నుంచి  స్పందన రాలేదు. పైగా శుక్రావారం ఉన్నట్టుండి సీఆర్ డీఏ అధికారులను అక్కడికి పంపింది. ప్రభుత్వ ఆదేశాలతో   ప్రజావేదిక వద్దకు వెళ్లిన అధికారులు  దాన్ని  ఖాళీ చేయాలని  టీడీపీ నేతలకు చెప్పారు. అయితే   తమకు నోటీసులు ఇవ్వకుండా ఖాళీ చేసే ప్రసక్తే లేదని  అధికారులకు  చెప్పి పంపించేసారు.

రాష్ట్ర ప్రభుత్వానికి దేన్నయినా స్వాధీనం చేసుకోడానికి అన్ని అర్హతలు, అధికారాలు ఉంటాయి. అయితే ప్రతిపక్షంలో ఉన్నప్పుడు అక్రమంగా కనిపించిన నిర్మాణం.. తీరా అధికారాన్ని చేపట్టిన తర్వాత సక్రమంగా మారడం వివాదాస్పదంగా మారింది.  మాజీ సీఎం చంద్రబాబు కూడా  కృష్ణానది కరకట్టపై నిర్మించిన అక్రమ కట్టడాలను కూల్చివేస్తామని చెప్పి టీడీపీ అధికారంలోకి  వచ్చిన తర్వాత  ఏకంగా లింగమనేని గెస్ట్ హౌస్ ను ముఖ్యమంత్రి నివాసంగా మార్చుకోవడం, ఆపక్కనే ప్రజావేదికను నిర్మించుకోవడం కూడా ఈ కోవకే చెందుతాయని రాజకీయ పరిశీలకులు అభిప్రాయపడుతున్నారు.

Related Tags